بسم الله الرحمن الرحيم في السلك الليله السبت الاسبوع بدا بنتهي الخميس ده اسبوع الانجاز عندنا لازم ننهيهو بانجاز كبييييييييييير نعم نحن الافضل في اي شئ لايوجد وجه مقارنه ولكن دائما نكون الافضل ونحن عليهم نلعب باستعراض تنتهي تعادل ولما هم يجدوا الفرصه فينا لاستعرضوا لذلك لارحمه مافي يمه ارحميني اكبر عدد من الاهداف نؤكد بها علو الكعب ونلعب بالكعب نلعب سمح ما كعب الجماعه ديل خايفين بجعجعوا خوف سااااااااي زي الشافع الداير يشاكل وماقادر يلاوي مابخليهو مابخليهو اول من يفكوهوا يأخذ علي راسو ويجري يدسه ورا الناس ويكورك زحوا لي منو والله ما اخليهو والله اديك بونيه لمن تشوف القطر في البحر هضربه ساااااي يجب ان تكون ضربتنا مركزه وموجعه ومنتجه لا للاستهتار حايجوا كالعاده يخندقوا في محاوله لاقتناص غفوه مننا بخندقوا عشره في خط طمنطاشر بجوا يشلتوا لكن شلاليت ميته هي وينها اللياقه البشلتوا بيها اليوم يوم وارقو زحوا ليهو بعيييييييييييد كان العجب مرر لوارقو اجروا 000 اجروا 000 زي ماقال بيايه ود الديم وكان وارقو استلم في خط سته كوركوا 00 كوركوا وكان لاسانا شات ارقدوا 000 زوغوا بتعوقكم يجب ان ننتصر بعدد وافر من الاهداف لان المنطق يقول ذلك لو مشيتوا للانطون بضحك فيكم تتذكروا نكتة الزول الطلع ليهو المارد وقال ليهو شبيك لبيك اطلب قالوا الزول قال للمارد دايرك تعمل لي كوبري من جده لي بورتسودان المارد قال ليهو اطلب طلب معقول ياخ الزول قال للمارد غير لي الحكومه دي المارد قال ليهو قلت لي داير الكوبري من وين لي وين ؟ اها كان جاكم شبيك لبيك وقلتوا ليهو دايرين نغلب المريخ بقول ليكم قلتوا لي دايرين الكوبري من وين لي وين ؟ ايها الصفوه اداريين لاعبين وجمهور لا للاستهتار يجب ان نأخذها مأخذ جد نغلبهم وبعد داك يقولوا زي ما الناس يقولوا الجماعه ديل خايفين اللديترات بدت تدشر حايزوغوا من الكوره لانها كورة شطب والارباب زعلان امبده ودروشاب وود بخيت وكل موقف جاكسون لايستطيعون ايقاف الزحف الصفوي ابدا والحكم لو كان شجاع ناس موقف جاكسون ديل يقطع لنصهم ايصالات والنص التاني يحجز المركبه طوالي دايرنها فوضي لكن ما بتلقوها كورة تحكيم نضيف وتهتف الصفوه آآآآآآآآآآي ده الشغل 000 ده الشغل سلك كهربا ننساك والخميس قرب والي لقاء سلك babikir maki [[email protected]]
