بسم الله الرحمن الرحيم في السلك العالم كلو مشي الحتانه فرنسا الديوك ايطاليا الماديوك نيجيريا النسور نحنا زاتنا مع تونس الصقور كوريا الشماليه الحمام والله الحتانه السنه دي الله يسترها من انفلونزا الطيور لكن السبب شنو ! السبب البخلي قرين قون انجلترا يملصها والبخلي شاوشي يملصها وحارس استراليا يملصها وحارس نيجيريا ملصها السبب يا اخوانا الجابولاني والجابولاني هي الكوره الرسميه لكأس العالم طيب قول الجابولاني هي السبب محمد كمال ده مالو ؟ الجابولاني عرفناها الفوفا زيلا دي كمان شنو ! الاستاد في جنوب افريقيا يزن تقول لاعبين في خلية نحل دي زاتها خلت الحراس علي الجابولاني العليهم يملصوا سااااي غايتو يا المعز ماتفرح باعادة القيد (جامولاني) قال من لندن ماشي جنوب افريقيا يجيب دسته جابولاني وعشرين دسته فوفا زيلا وناس لب الاكلوا الجداد حي ديل يقعدوا ينفخوا من قبل الكوره بتلاته يوم الا تطير يا معز هو انت برا جابولاني ناس مازيمبي جابوها من فريق العرب وناس حي العرب جابوها من حي سلالاب مامحتاج لجابولاني يا معز يا اخوي ساااااي طيرت البرادو علي عمك محجوب وكت جابولاني لي جابولاني يا عزو كان اخير جابولاني بالبرادو موش جابولاني بالدين حقو حصوة اكرم يعملوا ليها جابولاني عشان تتملص وتريحنا ويخلي الجابولاني البعمل فيهو ده تتذكروا اهداف زيسكو ! الله يسألكم ماكلها جابولاني ! حافظ زاتو تتذكروا قون بركه فينا ؟ وقون التعادل بتاع الخرطوم الدوري الفات ؟ الاتنين جابولاني اسي امس سجلنا حارس انشاء الله ما يطلع جابولاني الجماعه الفرحانين الماصدقين ناس فرح الغلابه عاملين لينا فوفازيلا في راسنا ناس اب كريق الله يطراه بالخير والرشيد وكل اعلام الفوفازيلا اب كريق قال كوريا والمريخ وجهان لسبعه واحده ونسي الناس البراهم عاملين وجهان لسبعه واحده سبعات المقاولين نسيتها يا ضفاري ولاكت صغير بتلعب في التراب ! لكن سبعاتكم ما اظنها زمان غايتوا بتذكر الاولي كانت سبعه اتنين والاتنين جابهم البرنس يعني الكلام ده مابدري بكره اب كريق ينط ويقول بدري والدليل جابهم البرنس البرنس اللعب مع الهلال ايام دوري الخرطوم وايام الثعلب 0000 والثعلب فات وفات في امريكا سبعه لفات سبعتكم انتوا ما سبعتنا نحن مابدري كيفن عاد ! انا مصر اصرار شديد وارقو انشاء الله لايفوت لا يموت قالوا التعاون السعودي يرغب في وارقو التعاون السعودي ده الجا منو اسامه التعاون ! لكن بصراحه اكتر هدف جابولاني في الدنيا هو هدف مازيمبي الخامس شدت ما جامولاني الكوره في الشبكه والمعز ماشي يجيبها من خلف الشبكه سلوفاكيا هزمت ايطاليا لم تمسح التاريخ ا ايطاليا هي ايطاليا وسلوفاكيا هي سلوفاكيا يعني ممكن الضعيف يغلب القوي لاي سبب سمعتوني يا اعلام الفوفازيلا ! ما تقوموا يا روشا تقروا فوفازيلا دي فول بتشابهن وانتوا متعودين تقروا كلمة (فول ) دي بييييييييييييييييع يامنقاش قبال الرشيد يبيع سلك كهربا مابتذكرك لاني ماقادر انساك والي لقاء سلك babikir maki [[email protected]]
