بسم الله الرحمن الرحيم في السلك الحساده كعبه جدا والزول الحاسد بتكون في دواخلو نار تحرق في حشاهو وياريت لو بتحرق حشاهو براهو بتطلع بره الحشا ويمكن تحرق الناس اعوذ برب الناس من شر حاسد اذا حسد والحساد كتار وانواع لكن جميعهم يشتركون في العجز عن الوصول لما وصل اليه المحسود كتير من الاهله يحسدوننا منهم من يحسدنا علي مانديلا الواجع كلاهم ده ومنهم من يحسدنا علي سيكافاتنا الكتاااار الماقدروا يحققوها تمانيه دورات ومنهم من يحسدنا علي فوزنا بالدوري دون هزيمه او تعادل وكلهم يحسوننا علي جمال الوالي بدأت الحساده باطلاق اشاعة هلالية جمال واستمرت الحساده لدرجة كان التهديد بعدم فوز جمال في الانتخابات البرلمانيه وقبلها كانت الفتن بين جيمي وحسن واستمرت الحساده تحرق في الحشا محاولات تحطيم وارقو عشان جمال فاز بالتوقيع برغم تدخل الاهلي القاهري وكانت الحساده في تجميل الاستاد واعادة التأهيل والنجيل وفي الكشافات واكبر الحسادات كانت في الطابق التاني قالوا بقع مابطول ولما وقف الطابق التاني شامخا كانه يقف علي قلوب الحاسدين تضايقوا واستمرت الحسادات وفي غفله كان حوض السباحه فغرق كثير من الحساد في دموعهم نار بتحرق في الحشا من شر حاسد اذا حسد وتمنوا ان يذهب جمال الواحد فيهم لو جاتو ليلة القدر ( ودي مابتحصل طبعا ) وقالت ليهو داير شنو يقول ليها جمال يفوت مابطلبوا من ليلة القدر طابق تاني ولا سداد استحقاقات لاعبيهم ولا العمل علي ابادة الجقور في خرابتهم ولا تبديل كشافاتهم الفوانيس وحوي يا وحوي ولا يطلبون منها توفير الموز الطير ريكاردو عشان كده قلنا ليكم الصفوه تتمني بقاء رئيس الهلال والاهله يتمنون ذهاب رئيس المريخ جنس حساده ناس شدت ماحاسدين قال ليك ايام المرتزقه واحد منهم قالوا ليهو الاذاعه وين وصف ليهم استاد المريخ حساده شديده والآن وضحت الحساده وثبتت بالدليل القاطع ناس روشا فرحانين بخبر احتمال استقالة جمال وقبل كده تمنوا ان يتم تعيين جمال وزيرا ليس حبا في جمال ولا حبا في الوطن ولكن حسدا في المريخ انه الشعور بالدونيه الملازم للجماعه الحاسدين ملازم شنو ده عقيد عديل كده بدل يفكروا في طريقه تطورهم وتلحقهم بالمريخ فكروا في كيف يتم تحطيم المريخ وظنوا ان ذهاب جمال سيحطم المريخ ولكنهم نسوا ان اعظم انجازات المريخ لم تتحقق في عهد جمال مع احترامنا لما قدمه جمال وان استاد المريخ لم يشده جمال ولكنه ادخل عليه تحسينات لاننكرها ولاتنكرون انتم انها افاضت علي قلوبكم نار الحسد نحن في المريخ لا نجبر جمال علي الاستمرار وان كان جمال يري انه لايستطيع ان يقدم اكثر مما قدم نشكره ونكرمه وهو واحد منا ولكن ان يستقيل جمال ليصبح نائبا لشداد فهذه نقطه لانقبلها لجمال الذي سطر اسمه في سجلات تاريخ الصفوه ولا نظن ان منصب نائب رئيس الاتحاد العام يشرف جمال اكثر مما تشرف بمنصب رئيس المريخ وان اختار جمال لنفسه ذلك فالواجب يجبرنا ان ننصحه وهو الصفوه والاخ والحبيب وان اصر علي رأيه لا نجبره فاليذهب للاتحاد نائبا لشداد ولكن عليه ان يحسب بعد ذلك كم درجه نزلت اسهمه وين ما تسألوني جمال زرع وتعب وراقب وحان وقت الحصاد والمثل بقول يا جمال بعد ما لبنت ما تديها الطير ونحن بنقول ماتسمع كلام الحساد يمكنك الذهاب ولكن ليس للاتحاد العام نائبا لشداد علي الاقل احتراما لشعبك ياناس انتم تعلمون وانا اعلم وجمال يعلم والرشيد يعلم وراعي الضان في الخلا يعلم ان مسيرة المريخ لم تبدأ بجمال ولن تنته بجمال ولكنها بدأت في جمال واستمرت بجمال وتمضي الي جمال بجمال وبدون جمال سنمضي بجمال الي الجمال وبمثلما قادها جمال ردحا من الزمان سيقودها من يخلف جمال فحواء المريخ ولود وودود وقاطرة المريخ ماضيه لا محاله اما لو قعد جمال فموتوا بغيظكم ولو قعد ياروشا حاتبيع جمال ماشي الاتحاد لي شنو ؟ عشان كل يوم صلاح يجيهوا ناطي بطلب استثناء جديد ؟ يا روشا ان شاء الله رئيسكم يقعد الف سنه ونيف مووووووووووووتوا سلك كهربا لن ننساك لانك رحلت وانت تلبس الشعار قال الاتحاد قال والي لقاء سلك babikir maki [[email protected]]