بسم الله الرحمن الرحيم في السلك • تتذكروا لما قلت ليكم العجب ده زي صباع المعجون !!!! • كلما مانقول كمل نعصروا نلقاهو مليان • امس عجب اكد انو مليان شدييييييييد • لما المستوي هبط • والكوره جاطت • والصفافير كترت • البدري عصر الصباع • لقاهو مليان فل • زبط الايقاع • رتب الامور • روق المنجه • تأدبت الكره • بدل صفير الجمهور الي دهشات • واستمتاع • لعب العجب ده زي غنا محمدالامين • مابنتهي اصلو • وعشان البدري يفهم الكلام ده بنقول ليهو • لعب العجب زي غنا ام كلثوم • عشره علي عشره • راجي كان بعيدا جدا عن اي شئ • مصعب لم يك حاج موت • كان الموت زاتو • الزومه طلع بتقليعه جديده • الجدعه غلط • اشياء كتيره دلت علي ضعف في مستوي اللياقه البدنيه • لاندري هل المجلس يعلم انو مدرب لياقه مافي ولا لسه لم يعلم • ياناس المجلس • مدرب لياقه مافي • والدوري ماشي علي الغريق • والكلام ده مابنفع • البشوف نجم الدين امس يتمني العفو عن بله • اسلام قالت لي اخير خرمجة نجم الدين ولا عدم انضباط بله ؟ • نجم الدين حقو يعرف انو بلعب لي فريق كبير • اكبر من راسو الكبير ده • عشان كده يجب ان يلعب بي مخ كبير • قدر راسو الكبير ده • باسكال والحضري لا نتحدث عنهما • بنخاف عليهما من العين والريتينزات • اما الشغيل فهو الشغيل • ماسك محلو وواقف • يفلق ويداوي • علي كيفو • لاعب عندو شخصيه في منطقتو • انا شخصيا عاجبني • الباشا • الكوره في الراس رااااقده • لكن في بعض العيوب الصغيره وممكن علاجها ياباشا • في فرق في الزمن في التعامل مع الكوره • يعني تأخير في الفعل • وفي صنه قبل ردة الفعل • يعني الباشا لو تفاعل لحظة الفعل في الوقت المناسب واتي بردت الفعل لحظيه تاني ما بتلحق • ساكواها لم ينسجم بعد • لكنه حريف • لكن صباع المعجون مليااااان • نوموا قفا • المهم • امس قابلت مريخابي • قال لي يوم كورتنا ضد المورده جيت استاد الجماعه بدري • لقيت الباب مقفول • والناس شايلين مية مفتاح • جربوا واحد واحد • الطبله ابت نهائي • قاموا شافوهوا نازل من عربيتو • قالوا ليهو عندك مفتاح عجل ؟ • اداهم المفتاح • وفتحوا بيهو الطبله • استاد بفتحوهوا بي مفتاح عجل • لستك ياكافي البلا ؟ • يعني لو دايرين يفتحوا تلاته بيبان الا يجيبوا بتاع بنشر • انا غايتو من الليله سميت مفتاح العجل مفتاح الاستاد • يا ابن العم , عندك مفتاح استاد اغير العجل ده وارجعوا ليك ؟ • استاد كمان بقي يجيب لينا الكلام • احراج دولي • شفتوا التوانسه في موقعهم مصورين الاستاد وكاتبين شنو ؟ • ماتكلموا زول • كلام زي ده مابتقال • عمك هرمنا زاتو خجلان من كلام ناس الافريقي عن استاد الجماعه • لكن صباع المعجون ماشاء الله مليان شديد • المهم • اجمل حاجه في كورة الافريقي والجماعه انها كانت زي شكل الكدايس • كل كديسه خايفه من التانيه • وخايفه تمشي التانيه تعضيها في ضهرها • اتنفشن الكديستين وتمنها مواء ساااااي • الاولي تتنفخ • ناووووووووووووووووووووووو ..... اوووووووووووووووووووووو .....جاووووو • التانيه تشيل نفس كبييييييير وتقول • ووووووووووووووووووووووو..... واااااااااااااااااااااااوووو..... نيونيونيو • الحكم شدت مازهج قرب يقول ليهم هو ..هوهوهو ...هو • وانتهت علي كده • لكن الكديسه المخططه دي لو قابلت الكديسه الساده في بيت ناس الكديسه المخططه ياها المقطعاها حتت حتت • خمسه ولا سته حتت • لانها وهي مارقه قالت • ووااااااااااااااااااااااااااااااووووووووووووووووووووو • اها • ظهرت نتائج الشهاده الصغري • ماشاء الله المريخاب نجاح زي الورد • التهنئه للصديق مزمل ابو القاسم لتفوق ابنه ابو القاسم (جدو ) واحرازه لمجموع 242 • والتهنئه للرائع قسم خالد علي تفوق ابنه , وقالوا يا قسم الولد نفعتوا مذاكرتو مع المريخاب • والتهنئه لطارق البشري علي نجاح ابنه المريخي محمد واحرازه لمجموع 235 • والتهنئه لاخي محمد خير علي نجاح ابنتنا ولاء محمد خير نجاح كبير ومشرف • والتهنئه للمريخي الغيورصلاح ميرغني علي تفوق ابنه الاحمر محمد صلاح واحرازه لمجموع 275 واحرازه المرتبه الخامسه علي مستوي الولايه • والتهنئه لرفيق الدرب حامد بدوي حامد علي تفوق ابننا عمر حامد واحرازه لمجموع 264 (بدون دروس خصوصيه ) • والتهنئه للمريخي الغيور النابغه المعز لدين الله الامين مضوي علي احرازه لمجموع 277 واحرازه للمرتبه الثالثه علي مستوي الولايه وتهنئه خاصه من التيجاني عيسي له • ونهنئ محمد مكي الجاك المريخابي الغيور علي مجموعه الرائع 242 • ماشاء الله اولاد المريخاب مجاميعهم زي نمر (ام تي ان ) اريبا سابقا • كلها بتبدأ بي ميتين وانت ماشي • ياربي ارقام زين جابها منو ؟ • ناس 123 ديل وين ؟؟؟؟ • الغريبه ناس 123 والباقي اصفار • لكن صباع المعجون مليااااااااااااااااااااااان سلك كهربا ننساك كيف يا حبه والي لقاء سلك • babikir maki [[email protected]]
