بسم الله الرحمن الرحيم في السلك • كالعاده الزعيم يلعب ويتسيد ولا ينتصر • شغل شديد خلي بالك • نقطتين زايد سته يبقي العدد ثمانيه • بعد كده التركيز علي الاهداف • اسبوع تمام • اسبوع الجماعه انتهي • قرط علي كده • بعد ده الداير يمرق في الحتانه يمرق براهو • نحنا ما معاهو • كورتنا لاعبه • قال لي معقوله الدافي يضيع قون زي ده ؟ • قلت ليهو الدافي اسمو مشي • قال لي مشي وين ؟ • قلت ليهو لحقوهوا كشف مايرنو • الدافي ده جانا في التكميليه • اسمو كان في كشف مايرنو مافي • قاموا لحقوهوا الكشف • ما لاحظتوا الدافي ده كورة المورده كان ما طبيعي • كشف مايرنو ده لازم يتحرق • بالقرآن مريخنا مصان يا حسن اسد حمد • من شر النفاثات في العقد • ديمبا جلاها • تاني باري ديمبا • سفاري فارق البرادو اسبوع بدأ في العوده للمستوي • الداير يمرق في الحتانه يختانا • زيسكو عمل خمسه نقاط • يغلب في بلدو ويتغلب في نيجيريا يعمل تمانيه • نحنا نغلب كانو في بلدنا نعمل خمسه ونغلب تاني في بلدنا نعمل تمانيه • كانو يكون عمل عشره • داير معاهو واحده من تمانيتين • طبعا السبعه بره اللعب • اسبوع كمل • انتهي • ببح • المفاضله بين تمانيتنا وتمانية زيسكو تعتمد علي الاهداف • الكورتين الجايات اتنين صفر اتنين صفر نمشي دور الاربعه بالمزيكا • ايداهو يكون عمل تسعه اهداف • قال حتانه قال • تسخاني الماسوره • كل مبارياتنا في دور المجموعات نتسيدها برغم الفوضي والاستهتار ونخرج بدون حمص • الاسباب كتيره • فيها المننا • وفيها المن النفاثات • اللهم بركة هذا الشهر الكريم تجازي كل من يستخدم الاساليب التحت تحت لعرقلة الزعيم • وتجازي الحكم الكاميروني • والحكم الزيمبابوي • اللهم اخرج الدافي من كشف مايرنو • زول يدخل كشف مايرنو قبال يدخل الكشف الافريقي • حكم • قال البرشا في ابو ظبي • شفنا البرشا في نيجيريا • برشا بالبا ؟ • افرض مشيتوا ابو ظبي • افرض يعني • بتجيبوا حكم زيمبابوي من وين ؟ • صحف الهلال تتحدث عن سوء المعامله في نيجيريا • ليه 00 ! ناس كانو ودوكم من المطار للسوق العربي بالكلاكله • معامله قال • بص شين قالوا • دايرين تناسبوهو ؟ والحافله الهايس نسيتوها ؟ • في صحيفه هلاليه في صفحتها الاولي مجموعه من المتناقضات • حته تتحدث عن استقبال كانو والغيوم للهلال بالمطار • حته تانيه في نفس الصفحه كانو لم يستقبل الهلال • ياناس • قال الجمهور ارهبهم • ليه ! شالوا ليكم تابوووووووووت ؟ • ولا اتمرنتوا تحت حراسة الشرطه من الفندق وحتي الميدان والبمبان ؟ • اخجلوا ياناس • الماشي الحتانه يمشي برااااااهو • ايطاليا لسه متمسكه بمنير امبده ؟ • واحد قال لي السودانيين الفي ايطاليا ما بعرفوا امبده • قلت ليهو لكن بعرفوا منير امبده • سبعه نقاطكم ديل الا تزيدوها بالمطره • تموها موووويه • الاستاد لسه في الصيانه ؟ • قلت لي يامزمل الطياره الخاصه حافله خط ساااي وما راكبنها كمان مشوار ؟ • قال متصدر المجموعه • مدير ليوم وااااحد • يا مازدا التمارين بعد ده في حبيبي مفلس عشان نتعود علي النجيله • نجيله فيها دبره ! • البطري جمبكم • اول سفره ووقفت المطره سلك كهربا اذاعه فتحت خط مباشر مع الجمهور عشان يعرفوا حجم كوارث الامطار 00 المتصلين يقولوا الحاله والمذيعه تنفي وتردد غرفة العمليات ومجلس الوزراء 000 تلج في المطر ده كتير علينا ياناس 00 بدل الفقره دي يا ناس الاذاعه المعنيه كان تشغلوا لينا اغنية جدودنا زمااان والي لقاء