بسم الله الرحمن الرحيم في السلك *واحد خاجز ليهو فرخه سميييييييييينه *تتقلب في الشوايه *الدهن ده ينقط *تف تف تف *قام حجزها من بتاع الكافتيريا *وحجز معاها شوربة ضان ومخلل وعصير فواكه مشكل *قرش مادفع *تخطيطو كان يجي آخر الليله يشيلها *ويقول لبتاع الكافتيريا بحاسبك بكره *نسيت القروش في اديس *اقصد نسيت القروش في البيت *وبعد داك يجادع بي مزاجو لبتاع الكافتيريا *الجماعه يقولوا ليهو اقعد اتعشي *يقول ليهم ماداير *المصران قايم علي *وخاتي بالو في البالي بالك *المهم *يقوم حيلو *واحد في اصحابو يقول ليهو اوصلك *يحلف عليهو ما ممكن يوصلو *يقول داير اتمشي المصران قايم علي *صاحبنا يصل الكافتيريا *يسأل عن الفرخه السمينه *يلقاها اتباعت *زول دفع كاش وقلل النقاش *صاحبنا زعل *جنس زعل *زعل علي الفول الفوتو مع الجماعه *وحرد *قال لبتاع الكافتيريا انا موش حجزتها من العصر *بتاع الكافتيريا قال ليهو حجزتها بالخشم ساااااي ؟؟؟ *قروش ماعندك عامل مغندل وتحجز سااااااي ؟؟؟ *صاحبنا بطنو تكركر ساي قال *الفيك اتعرفت *خليتها *والشوربه والمخلل والمشكل خليتهم عديل كده *مادايرهم *عشان ما تجي تقول لي في زول شالهم *بتاع الكافتيريا ضحك *قال ليهو الشوربه والمخلل والمشكل زاتهم اتباعو *خليت شنو يا اخينا *وصاحبنا رجع بات القوي *عليكم الله دي ماياها زاتها قصة الهلال مع فرخة اقصد بكري المدينه وشوربة مهند ومخلل عمر ومشكل المعز ؟؟؟ *فرخوا لينا لسه يا فطومه *الانديه الصغيره طبيعي تفرخ للكبيره *الكبيره البتدخل المطار *فطومه المدينه *لسه حزينه !!!!! *موش قلتوا فلس *اها وراكم ام دولار بالنهار *جابو الاتحاد الشمس بره *ولو داير تظهر البس اصفر *حلاة المدينه بالاصفر *اصفر دي لو شلنا منها الالف *موش بتبقي صفر ! *خلاص بكري ختينا ليهو الف قبل الصفر *حالو كلو اتغير *الزول زهج من الصفر *ايها الناس *الكافتيريا فيها جوز كتاكيت لي شهر سته بنجض *حجز مافي *لكن المرة دي حانجيبهم دلفري *بالموتر *ملفوفات بالسلفان *حاراااااااات *من امهم *المهم *الناطقه قالت *سياسة الهلال الاعتماد علي الاشبال *طيب اطهر ووليد ديل مشيبين يعني *ماشفناهم في التشكيله بتاعت التدخل الصحفي *حاتعتمدوا عليهم كاشبال لما يبقوا كبار !!!! *ماقلتو فلس *فلس بالفا ؟؟؟؟؟ *فلس بالمدينه !!! *فلس كلمة صحيحه بس ناقصه *مفروض تكون فلس بالجماعه *سؤال اخير *الصفر بي وين ؟؟؟؟؟ *طيب *المطار بي وين ؟؟؟؟ *طيب *التلاته بي وين ؟؟؟؟؟ *المهم *فطومه المدينه الحزينه *اهلنا في دارفور قالوا *البباري الانتاي تمرقو في الفضاي *الفضاي بي وين ؟؟؟؟ *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *في اعلان الانتخابات قالوا لينا *سجل اسمك لو ما مسجل يا اخينا *ولو مسجل راجع اسمك وورينا *طيب يا والينا *لو سجلنا وما جينا *بتجونا ولا بتصوتوا لينا !!!! *عارفكم ما بتنسونا بتخدمونا يا والينا سلك كهربا ننساك كيف ولو جينا او ما جينا جايننا جايننا ...الليله وووووووووب والي لقاء سلك
