بسم الله الرحمن الرحيم في السلك [email protected] *امس قلت ليكم بنغورا ماسوره *بعد رسلت عمودي للانتباهه الساعه سبعه ونص *تمنيه ونص دخلوهو الرنين *طبعا في الرنين بجردوا الزول من اي معدن او ملبس او ملمس *زول في ملايه والجهاز مسكن *والرنين ببدأ يشتغل *اي معدن بكورك *برن *قال ليك دخلت بنغورا *الرنين داير يجن *رن جنس رنين *رن لما صوتوا بحه *الدكتور قال نشوف الحاصل *لقي المسامير الفي كرعين بانغورا *اكتر من المسامير الفي كرعين اي طبليه في السوق الشعبي امدرمان *دكاتره من شاكلة بصيره ام حمد *قالوا نقلع المسامير وندخلوا رنين تاني *لكن لو قلعوا المسامير الا يشيلوهوا زي بقجه الهدوم *عضمين سالمات ما فيهو *واحد دكتور بتاع بحر *شاطر شديد *قال ليهم لو مرقتوا كل المسامير *وشلتوهوا كتله لحم دخلتوهوا الرنين *الجهاز برضو بكورك *قالوا ليهو ليه ؟ *قال ليهم ماسورة قدر ده والرنين ما يرن ؟؟؟ *الرنين مع المعادن دي ما بسكت اصلو *هذه هي شاكلة محترفي اللجنه الفنيه التي تنعقد بدبي *شفتوا صورة اجتماع اللجنه في دبي ؟؟؟ *شفتوا موية الصحه قدر كيف *قزازه بي صليبها *ماركة مويه صحه معروفه ومشهوره *اسي الحبشي ده مفروض يفحصوا ليهو كويس *مايكون عندو الكبد الوبائي *وصحتو تتدهور ويموت *يقولوا لحقناهو يوهانس *مع العلم بانو يوهانس كتلتو خلعة الاستقبال بتاعتهم *نحنا قابلنا يوهانس في الدورة الرباعيه بالخرطوم *ايام يوهانس كان بلعب في التحرير الاريتري *اديناهم مازيمبي *خمسه *يعني ماشايفنوا رهيب ولا شئ *اذكر في الدورة ديك *الهلال في كورتنا ضدو قي الليله ديك * اشرك عاكف عطا الكان مطرود في الكورة القبلها *وبرضو شلنا الكاس *بلا يوهانس بلا لمه *ايها الناس *ماممكن اللجنه الفنيه بتاعت دبي دي *تعمل كشف عام للاعب في بلدو اول ؟ *واذا اجتاز تجيبو تعمل ليهو الباقي هنا *يعني كشف عام *ايبولا او ظار او كبد وبائي او السعر *السعر في افريقيا وامريكا الجنوبيه كتير *ممكن الجماعه ديل يوم يجيبوا لينا لاعب سعران يعضينا كلنا *سواريز ده ما شفتوهو بعضي كيف ؟؟؟ *لامرة ولا مرتين *اللجنه الفنيه دي بتخم ساي *اسي لو جابوا واحد سعران عض لينا جمال سالم ده *ما خسارة لي افريقيا كلها !!!! *لقطوا كده لما تجيبوا ليكم زول يعضي ليكم الناطقه الرسميه يدخلكم في حيص بيص *فطومه اختي جنها وجن الحقن *تقعد بي عضتها ديك لما تسعر *وتقبل عليكم *عاد فطومه ما عضاضه *اسألوني انا *موش اختي *والله تعضيك ياروشا *سنونها تلقاهم في الرنين *ياخ دي عضت بنان الندم علي بكري المدينه *بنان الندم اسي قاعد ينتح وينبح *اعملوا حسابكم شديد يا روشا *الماسورة بت نقط *وفطومه بت عضي *ايها الناس *ان تنصروا الله ينصركم *اها *نجي لي شمارات والي الخرتوم *شنو الشمار ده يا والينا *صحي مجنون ! *ولا يكون مغبون ! *ولا يمكن ممكون ! *ولا زادت عليهو الشجون ! *قول لينا عشان ما نموت بالظنون سلك كهربا ننساك كيف والناس تغني البنطون لما مرسي لا مينا ولا قانون ولا مجنون ولا يحزنون والي لقاء
