بسم الله الرحمن الرحيم في السلك *استمتعت شديد باحتفال الهلال بكورال *الصغار واقفين الحفله كلها *عبارة عن تكملة المشهد *زينه يعني *والكبار قاعدين علي الترابيز الفخيمه *ترابيز ساي *لاموية ليمون ولا هزة كانون *ما ذهب اليه الاهله في كلماتهم *كلام عقل وكلام كبير *لكن مرات ببقي كلام الطير في الباقير *مثلا جعل النادي نادي شامل *هذا فكر كبير *ولكن التعبير كان ضعيفا عن تلك الفكره *قال كردنه *نحنا مافريق كوره وبس *نحنا فريق كوره وباسكت وهاندبول *حتي هاند بول قالها هامبول *دي عمك قوقل ماقدر يورينا ليها *لكن خمناها *الاعمال بالنيات *ونية الكاردينال واضحه *لكن يبدو ان كردنه مصر علي فعل شئ *يريد حسب قوله ان يضع بصمه يحفظها له التاريخ *ايها الناس *هل يمكن ان يكون النادي شاملا والوله غير شامله ؟؟؟ *دوله لاتعترف بالمناشط الرياضيه ولا تعمل علي تطويرها *ولا تسأل اتحاداتها عن نشاطهم *ولا تدعم *وعشان ما بتدعم يبقي بتخجل من السؤال *فسودان كيجاب وسارة جاد الله والكشيف وخليفه عمر *سودان ويليم اندريه والاعيسر وكأس العرب للسله *ليس سودان اليوم البعيد كل البعد عن مجرد المشاركات الدوليه والاولمبيه *ايها الناس *نبقي زي كردنه *نعمل فريق قدم وباسكت وهمبول وهامبيرقر زاتو *ان كان التعبير فد خان كردنه *فالقصد كبير وجميل *واشد علي يد كردنه للفهم الكبير *ايها الناس *البلد دي مافيها زول مسؤل بعمل لينا همبول ؟؟؟ *ايها الناس *تلوك الالسنه خلاف عبدالصمد وصديق *ولكن ان كان هناك سيستم اداري واضح ولوائح مضبوطه *مابكون في خلاف ولا مشاكل *لكن العمل بطريقة عشوائيه *يقود دائما للخلاف والاختلاف *لذا نتمني ان تضبط اللوائح والنظم العمل الاداري في المريخ *سئمنا وهرمنا من الخلاف والاختلاف *لان النادي يدفع الثمن وحيدا *ايها الناس *التخصص وتقسيم العمل من اهم عناصر نجاح العمل الاداري *فنرجوا شاكرين ان تحدد الاختصاصات والواجبات *ونرجوا شاكرين ان تتابع الاعمال بشفافيه *ونرجوا شاكرين ان نتجنب القرارات الفرديه الوقتيه السريعه *ونرجوا شاكرين *ان تبيض القلوب وتتحمل بعضها البعض لاجل مريخ يعشقه الناس *ايها الناس *قال الكاردينال بالحرف الواحد *نحنا ماعندنا معارضه *ولكن عندنا ناس بتسئ فينا *الراجل ده بقول بقول كلام زي العسل *بس التعبير بخونو دائما *ودعا كردنه الصحفيين المعارضين *للحضور للنادي *وقال ليهم تعالوا حجوا الصغار ديل باحاجي الهلال زمان *وهي دعوة عاقله من رجل يقود الكيان بتواضع *ايها الناس *في احتفال الهلال كان كأس الممتاز وحيدا *ياكافي البلا *لا جويه ولا عربيه ولا سيكافيه *ولو كان هذا الاحتفال مريخيا *كان حوض السباحه اتملي كاسات *مانديلا ودبي والشارقه وتلاته سيكافات *وبرغم ذلك يطلب كردنه من الاهله ان يحجوا الصغار بالهلال *يحجوهم بي شنو يا كردنه ؟؟؟ *يحكوا ليهم قصة فاطمه السمحه وساندريلا والبعاتي ؟؟؟ *ولا قصة ذات الرداء الاحمر ؟؟؟ *حجي ما عندكم *جماعتك ديل يجوا يتكلموا مع الصغار في يوم باكر *بس يفهموهم انو يوم امس صفر كبير *المهم *كردنه قال امر ازلة نادي الهلال طلع *طبعا علل ذلك بانو في تشييد للنادي الجديد *عرفتوا ليه انا كلو يوم بقول لي روشا عازمك جبنه في نادي الهلال ؟؟ظ *الازاله حاصله لكن ما اعتقد اعادة التشييد هي السبب *السبب انو النادي مسيطر عليهو فصيل عبدالواحد ليهو سنين *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *المولد قرب يجينا *بالدين مافي زول بدينا *بالشيك مافي زول بدينا *نختف ونجري يا والينا *ولا نفهم صغارنا انو المولد بدعه جات لينا سلك كهربا ننساك كيف وزمان بنجيب من الولد حصان وعروس اسي لو عندك دبابه بتجيب لي ولدك دبابة وبندقيه ولو ماعندك بتجيب ليهو الضغط والي لقاء سلك [email protected]