ردود سريعة على طريقة الوخز بالإبر !! إذا كنت مؤيد قحت عايزك تقرأ كلامي ده بهدوء وإنصاف : بياتو فهم نسقط البشير عشان الدولار بقى 55 ونخلي حمدوك والدولار بقى 140 . بياتو فهم نسقط البشير الفصل الجنوب ونخلي حمدوك العايز يقسم السودان لخمس دول عبر بدعة المسارات الخمسة وامشي أقرأ عن البحصل في مفاوضات جوبا شنو . بياتو فهم نسقط البشير الجاب قوات هجين في دارفور فقط ونخلي حمدوك الجايب بعثة اممية ولايتها في كل السودان . بياتو فهم نسقط الإنقاذ الفصلت المعارضين من الخدمة المدنية وعينت الكيزان ونخلي الشيوعيين الفصلوا الإسلاميين وعينوا الشيوعيين . بياتو فهم نسقط البشير الفكر في رفع الدعم عن السلع الضرورية مجر تفكير ونخلي حمدوك الرفع الدعم حقيقة وبقى كل الوقود تجاري . بياتو فهم تستنكر على الناس،يمشوا القيادة ونحن في 6 ابريل مشينا القيادة ما مشينا الدايات . بياتو فهم نسقط الكيزان عشان تجاروا بالدين ونخلي الشيوعيين الحاربو الدين . حاول فكر بهدوء وحتعرف ليه نحن عارضنا الإنقاذ بشرف وبنعارض حكومة قحت بشرف . فكر بإنصاف فمواقفنا منسجمة أخلاقيا .