سودارس : خط هيثرو بتاع الاماراتيه

إعفاء النازحين من رسوم استخراج الارقام الوطنية المفقودة كيف منع والد نيمار "النهاية المبكرة" لمسيرة ابنه؟ تسليم استراتيجية الخرطوم للتعافي ..وجابر يطالب ببصات حديثة وقطار نقل الكاميرون تتفوق على جنوب أفريقيا لتتأهل إلى ربع النهائي مجلس السيادة: البرهان يبحث مبادرة السلام في السودان ترامب: فنزويلا ستمنح الولايات المتحدة ما يصل إلى 50 مليون برميل من النفط شرطة الخرطوم تعلن عن حملة أمنية ناجحة والي الخرطوم يبحث مع الاتحاد العام السوداني لكرة القدم مطلوبات عودة النشاط الرياضي وزير الشئون الدينية والأوقاف: ترتيبات لعقد مؤتمر للتعايش السلمي خلال الفترة المقبلة رياض محرز: مباراة نيجيريا ستكون مفتوحة ونحن جاهزون لجنة الانضباط برئاسة البحر توقف مسئول القطاع الرياضي ومدير الكرة بالصوفي القضارف شاهد بالصورة والفيديو.. الفنانة فهيمة عبد الله ترفض أموال "النقطة" عبر تطبيق "بنكك" وتتمسك ب"الكاش" شاهد.. حرب إسفيرية تشتعل بين رئيس تحرير صحيفة الدار وداليا الياس.. البلال ينشر صورة للشاعرة بدون "مكياج" ويقول: (بلغني من اعزاء أنها تحدثت عني بسوء) وداليا ترد عليه وتستنجد بشقيقه عاصم شاهد.. مقطع فيديو يوثق معاناة لاعب الهلال السابق بعد تعرضه لإعتداء من أفراد مليشيا الدعم السريع سبب له "الشلل" والجمهور يناشد الإدارة واللاعبين للوقوف معه استقالة تهزّ جامعة الخرطوم 8 بدائل ذكية لتقليل استخدام الملح.. دون التنازل عن النكهة السودان..حصيلة صادمة بمرض شهير في ولايتين وزير الصحة ووالي الشمالية يدشنان بدنقلا مشروعات صحية باكثر من خمسة مليون دولار الغد المشرق احذرها في الطقس البارد.. 4 أطعمة ومشروبات تضعف مقاومتك لنزلات البرد الطاهر ساتي يكتب: أرقام صادمة ..!! لاءات القائد البرهان الأربعة الوعي الطبقي في أمريكا وسر محبة الأبجيقات للبليونير ترمب بنك السودان يسمح بتمويل التشييد العقارى وشراء سيارات النقل ما سبب تواجد "FBI" في مباراة الجزائر والكونغو الديمقراطية؟ حملة أمنية كبرى بشرق النيل تضبط منتحلي صفة القوات النظامية وتغلق 18 مكتباً غير قانوني حملة أمنية كبرى بشرق النيل تضبط منتحلي صفة القوات النظامية وتغلق 18 مكتباً غير قانوني المركزي يعلن إعادة تشغيل نظام المقاصة الإلكترونية علماء يلتقطون الآثار الأوضح لكائنات فضائية.. ماذا شاهدوا؟ مواعيد مباريات اليوم الثلاثاء في كأس أمم أفريقيا والقنوات الناقلة بنك السودان المركزي يقرّر بشأن سقف التحويل تجار سوق الصاغة في كسلا يعلنون إضراباً شاملاً ويغلقون متاجرهم التاريخ السري للتدخل الأمريكي في تغيير أنظمة الحكم حول العالم مدير الإدارة العامة لمكافحة المخدرات يستقبل مأمورية الإسناد لجهود المكافحة بولايتي نهر النيل والشمالية كيف نصنع وعيا في زمن الترند؟ ترامب يوجه "رسالة حادة" لإيران رزان المغربي تخطف الأنظار في أحدث ظهور.. شاهد سر نجاح إنقاص الوزن في العام الجديد من 4 ألف.. استلام 400 محوّل كهرباء في الخرطوم ترامب يعلنها: ضربنا فنزويلا واعتقلنا مادورو مع زوجته عبده فايد يكتب: السعودية تقوم حاليًا بعملية تكسير عظام للإمارات في اليمن..لكن القصة أكبر بكثير جدًا من ذلك.. التحالف: نفذنا ضربة جوية استهدفت دعما عسكريا خارجيا بميناء المكلا الفنّانُ الحق هو القادر على التعبيرِ عن ذاتِه بما لا يخرج عن حدود خالقه السودان..مسيرات في الشمالية والسلطات تكشف تفاصيل المداهمة الحقيقة.. كرة القدم تجرّنا جرّاً الوطن بين احداثيات عركي (بخاف) و(اضحكي) منى أبو زيد يكتب: جرائم الظل في السودان والسلاح الحاسم في المعركة «صقر» يقود رجلين إلى المحكمة شرطة محلية بحري تنجح في فك طلاسم إختطاف طالب جامعي وتوقف (4) متهمين متورطين في البلاغ خلال 72ساعة كيف واجه القطاع المصرفي في السودان تحديات الحرب خلال 2025 إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل شرطة ولاية نهر النيل تضبط كمية من المخدرات في عمليتين نوعيتين إسحق أحمد فضل الله يكتب: (حديث نفس...) الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

خط هيثرو بتاع الاماراتيه

الراكوبة نشر في الراكوبة يوم 25 - 01 - 2013

بقلم: د. الرازي ابوقنايه- باحث وناقد ومضيف جوي سابق.
في كل الازمنه يتناول بعض الكتاب (مقوله) ويلوكونها يوميا دون كلل او ملل خصوصا اولئك عديمي الخيال. الكاتب المتفرد الطيب صالح عندما كتب (من اين اتي هؤلاء)ظل كل الذين يفتقدون الخيال الواسع والمرجعيات الي استعمال هذه الكلمات بمناسبه وبدون مناسبه حتي اوشكت ان تفقد معناها لولا تفرد قائلها. نحن الان بصدد مقوله اخري وهي كسرة (خط هيثرو الحصل فيو شنووووو) بتعديلاتها (العند النائب العام)
تذكرت هذه الكسره وانا جالس في قاعه المسافرين رقم 11 ج بمطار هيثرو بلندن مع قرابه ال500 راكب في انتظار النداء لرحله طيران الامارات رقم 008 بطائره الايربص 380 العملاقه المتجهه الي دبي. كنت ضمن المسافرين اتلفت حولي مبحلقا في حركه الموظفين في زيهم الرسمي البيج مع البني الانيق وحركه اغلاق وفتح البوابات وقد كنت اعرف كل ذالك معرفه تامه نسبه لان جل شبابي امضيته مضيفا جويا في عده شركات طيران في سبعينيات وثمانينيات القرن الماضي ابتداءا بسودانير.
لا ادري اذا كان صاحب الكسره المشهوره اعلاه يعرف معني (خط هيثرو ) ولا زول متلعبس ساي. دعوني اولا اشرح معني خط هيثرو واضرب امثله بتلاته انواع (خط هيثروس) السين الاخيره دي للجمع, ويعد داك نشوف صاحبنا دا ماسك ضنب الككو ولا فعلا بتكلم من مرجعيه معرفيه (جامده)زي مابقول المصريين.
اي شركه طيران في العالم عندها رحلات تبتدي من المنشأ الي اي مدينه اخري ثم تعود مره اخري الي المنشا. اذا كانت الشركه الاماراتيه فرحلاتها تبتدي من دبي. واذا كانت الرحله متجهه الي لندن فتسمي هذه الرحله خط لندن. لكن عشان مطار لندن اسمو هيثرو يبقي الخط بيسمي (خط هيثرو) وعشان الشركه هي الاماراتيه فالخط بنسميو (خط هيثرو بتاع الاماراتيه). بالنسبه لي صاحبنا الخط العامل ليو كسره هو خط هيثرو بتاع السودانيه. بس هو طبعا قاصد خط هيثرو بتاع السودانيه في الزمن الغابر دا والدليل علي انو غابر قام (اولاد الهرمه ديل) ياعوهو. بس سودانير كان عندها خط هيثرو بتاع زمان, بمعني اخر خط هيثرو تاني ما بتاع اولاد الهرمه ديل, بس كان في سبعينيات وثمانينيات القرن الماضي. يبقي كده بكون عندنا تلاته خطوط هيثروس (قلنا السين للجمع). واحد بتاع الكسره والتاني خط هيثرو بتاع سودانير الزمان والاخير خط هيثرو بتاع الاماراتيه.
هو خط هيثرو يعني شنو؟؟ اي قلنا هو الرحله من والي مدينه المنشأ لكن التفاصيل الفيو شنو؟ زمان سودانير كان عندها في لحظه من اللحظات 8 رحلات اسبوعيه الي لندن (هيثرو) يعني خط هيثرو كان 8 رحلات. كانت رحلات مميزه جدا من كل النواحي. اول شي كانت مربوطه بي رحله نيروبي عشان كميه الخواجات البتركب فيها من اتينا وروما وفرانكفورت والقاهره من والي لندن. كان الخط دسم. الاهتمام ببتدي بالرحله من الخرطوم. اكل مختلف..الموظفين البشتغلوها مختلفين والطياره ذاتا كان نضافتا بتختلف من نضافه الطيارات التانيه لانو حتي ناس النضافه كان ببذلو فيها مجهود جبار. اما ناس العفش فكانو بجيبو عفش الركاب في السير قبل ان يرتد اليك طرفك مش زي هسع لمن تكره نفسك. المهم خط هيثرو بتاع زمان كان خط بمعني الكلمه والحاله كمان لمن ربطوهو بي خط جوهانسبرج. الطياره كانت بتجي من لندن للخرطوم بتقيف ترانزيت وتواصل بعد ساعه لي جوهانسبرج وترجع طوالي مستفه لي اخرا بالركاب والطياره كانت ذات سعه عاليه. في خط هيثرو داك الاكل كان طعمو خاص. عصير الليمون والجبنه الهولنديه والكوراسا لي هسع طعمهم في خشمنا رغم مرور كل السنين دي. بالمناسبه كل التموين البيخص الخط وخطوط اخري كان بجي الخرطوم بواسطه الخط دا حتي التموين (التموين هو الاكل داخل الطائره) البخص الرحلات الرئاسيه الخاصه. يعني لمن ناس المراسم يتصلو بسودانير عشان يجهزو ليهم رحله رئاسيه طوالي كانو بتصلو بي لندن عشان يرسلو التموين في سفريه لندن (خط هيثرو). عشان كده خط هيثرو كان مهم حتي للقصر الجمهوري. رحله خط هيثرو كمان كانت مرتبطه بي رحلات شركات طيران اخري من امريكا وكتير من المبتعثين في الوكت داك كان بجو هيثرو ومن هناك بياخدو خط هيثرو بتاع سودانير للخرطوم وحتي لي بورتسودان او صنعاء لانو الخط كان مرتبط بيهم ايضا.
من الحاجات العالقه بالذاكره الطيارات ذاتا لمن تصل لندن كان بنضفوها نضافه خاصه عشان نضافه ناس الخرطوم ماكانت كافيه. بالنسبه للركاب, ناس التسويق عملو في الخط شغل رهيب لانهم ربطوهو بي القاهره واتينا وروما وفرانكفورت عشان كده الطيارات كانت مليانه لمن مدفقه. في مره الطياره جات فرانكفورت من لندن في طريقها للخرطوم ونيروبي ونسبه لعدم وجود مقاعد, نزلو احد المضيفين عشان يستفيدو من كرسيو لي واحد من الركاب. اخيرا الاسبيرات للطيارات الخسرانه في الخرطوم كانو برسلوها في خط هيثرو..عشان كدا لمن الطياره الجايه من هيثرو تصل الخرطوم بكون كل الناس مستننها. اذكر صديقي مهدي مصطفي الهادي وقد كان مديرا لقسم الامن بسودانير في بدايه الثمانينيات وقد حضرت الي المطار لوداع احد الاصدقاء حوالي الخامسه صباحا وقد كان ذالك وقت هبوط طائره لندن. كان يجلس علي كرس امام مكان وقوف الطائرات وقال لي ساخرا (لقد كان رجلا ساخرا) شوف المطار دا هادئ كيف. بس اقيف شوف لمن طياره لندن تنزل البحصل شنو. ياخ الطياره دي لمن نزلت فجاه كده الناس دي جات من وين ماتعرف. قال لي تعرف بدون طياره لندن دي (قاصد خط هيثرو) المطار دا مابسوي شئ. مواعيد نزول رحلات لندن كان بين الرابعه والسادسه صباحا مافيو تاخير اطلاقا. كنا نجي المطار وندخل مهبط الطائرات نشوق طياره لندن واقفه وحولها الناس كلهم زي العروس في ليله زفافها ويتكرر المشهد يوميا بلا كلل او ملل. تعرفو في كل الرحلات كان الزي قميص ابيض نص كم لكن في خط هيثرو كنا بنلبس قميص كم طويل مع كرافته وبدله سوداء تسر الناظرين.
وانا جالس في صاله المغادره 11 ج في مطار هيثرو في انتظار النداء لرحله الامارات 008 المتجهه الي دبي ودا طبعا خط هيثرو بتاع الاماراتيه وفيو نفس ملامح (خط هيثروالزمان) بتاع السودانيه والكان ماثل امامي في تلك اللحظات.. حركه الموظفين نفس الحركه. شكل الطياره واقفه في البوابه وناس طالعين وناس نازلين ومهندسين تحت المكنات وناس الوقود في عريبتهم تحت الجناح. ياخ لي درجه انا صنفتهم في راسي. داك مهندس ودا بتاع العمليات والمن هناك داك بتاع الحركه. الباب القدام فيو عربيه التموين. وعربات العفش ياهم ديلك علي اليسار تحت الطياره. امتع حاجه لمن دخل الطاقم وجلسو جنبنا في الصاله وبدو في مناقشه التعليمات (Briefing) قبل الرحله . رخيت اضاني وسمعته نفس الكلام الكنا بنقولو في رحلات خط هيثرو بتاع سودانير الزمان واتذكرته كابتن باسكال وماريو روفاييل وكابتن محمود ومس مرسون وريتا وزهير محمد الزبير.. واحسست بدمعه تنزل علي خدي. عند النداء الاخير ودخولنا الي الطائره اتذكرت شاديه ربيع وعفاف حسين وكابتن جزولي وتوالت الدمعات علي خدي بلا توقف.
خط هيثرو بتاع صاحبنا بتاع الكسره دا موضوع تاني. لا طعم له ولا رائحه..اذكر في عام 2006 وخط هيثرو بتاع الكسره مباشر بين لندن و الخرطوم وكنا ركاب علي احدي الرحلات. لمن دخلنا الطياره وجلسنا في مؤخره الطائره شمينا ريحه جاز رهيبه. ماحبيبت انادي المضيف واساله لكن الراجل القاعد جنبي كان مصر يسال. دقه الجرس زي 20 مره ومافي زول عبرو (زمان الماكان برد علي جرس الراكب بيحرم من رحلات لندن) وانا اتامل في الموقف بحسره. فجاه ظهر مضيف علي الممر قام الركاب قبضوهو لان شكلو كان عابر فقط وقالو ليو شنو موضوع الجاز دا. صاحبنا وبدون تركيز وبي سرحان قال ليهم (دا موضوع عادي ياجماعه ماتشيلو هم). مانشيل هم؟؟ بس اتخيلو الرحله للخرطوم 7 ساعات مانشيل هم كيف؟ لو طرشقت في السما؟..تمتمت في داخلي بصوت غير مسموع وقلته: ياحليل خط هيثرو الكان بشن وبرن وياحليل كابتن شيخ الدين (ووعثاء السفر حقتو).
السؤال الاخير. الزول بتاع الكسره اياها داير بي خط هيثرو المنيل دا شنو؟ هسع لو ادوهو ليو حايعمل بيو شنو؟ ياها الرحلات ام جاز دي؟ ياخ في حاجات محتاجه لي (شننننوووووو ) حقتك دي اكتر من خط هيثرو. سودانير انتهت ومابترجع وقروشا (بمافيهم قروش الخط) اتعملت عمارات في الخرطوم وشقق في دبي وبيوت في لندن وكمان شركات طيران لو ماعجبك. انته عارف في اكتر من مدير او نائب مدير لسودانير عندو شركه طيران الان؟ عشان كده (شنووووو) حقتك دي حقو توجهها لي حتات تانيه. رايك شنو في موضوع محيرني تبتدي بيو ومافيو خواجات (وكده) علي قولك. عندنا في كوبر القريبه دي شارع قبل كم سنه بدو يركبو فيو اعمده نور. عملو كم عامود ولمن وصلو نصف الشارع قامو وقفو. بقي نص الشارع فيو اعمده وباقي الشارع مافيو. بلاي مادام انته اصلا نفسك طويل كده وكسراتك زي (كلب توتي) شوف لينا باقي الاعمده الحصل فيها (شنننننوووووو) علي الاقل لو قدرته تجيب نتيجه بكون عندنا اعمده في باقي الشارع. خط هيثرو يطير علي قول الحاجه الله يرحما.
قالو في واحد مسطول مشي توتي المشهوره بي زقاقاتا الضيقه والطويله. دخل زقاق من ديل قام سكاهو كلب. هو جاري والكلب وراهو والزقاق طويل. المهم لمن طلع من الجانب التاني من الزقاق ونفسو اتقطع, الكلب وقف وقام هو وقف. اتلفت للكلب وقال (والله الكلب دا طويل طول). أششي (شنووووووو)

انقر هنا لقراءة الخبر من مصدره.