سودارس : لعيبة زمان بحبوا الشعار وما (بفكوّا للاعب الجديد الكورة وراء ضهرو)

ترتيبات في السودان بشأن خطوة تّجاه جوبا إعلان خارطة الموسم الرياضي في السودان توضيح من نادي المريخ حرام شرعًا.. حملة ضد جبّادات الكهرباء في كسلا تحديث جديد من أبل لهواتف iPhone يتضمن 29 إصلاحاً أمنياً تحالف "صمود": استمرار الحرب أدى إلى كارثة حقيقية شاهد بالفيديو.. لاعب المريخ السابق بلة جابر: (أكلت اللاعب العالمي ريبيري مع الكورة وقلت ليهو اتخارج وشك المشرط دا) شاهد بالفيديو.. بأزياء مثيرة وعلى أنغام "ولا يا ولا".. الفنانة عشة الجبل تظهر حافية القدمين في "كليب" جديد من شاطئ البحر وساخرون: (جواهر برو ماكس) "صمود" يدعو لتصنيف حزب المؤتمر الوطني "المحلول"، والحركة الإسلامية وواجهاتهما ك "منظومة إرهابية" شاهد بالفيديو.. حسناء الفن السوداني "مونيكا" تدعم الفنان عثمان بشة بالترويج لأغنيته الجديدة بفاصل من الرقص المثير صحة الخرطوم تبحث خطة لإعادة إعمار المرافق الصحية بالتعاون مع الهيئة الشبابية ميسي يستعد لحسم مستقبله مع إنتر ميامي امرأة على رأس قيادة بنك الخرطوم..!! كمين في جنوب السودان كوليبَالِي.. "شَدولو وركب"!! دبابيس ودالشريف إتحاد الكرة يكمل التحضيرات لمهرجان ختام الموسم الرياضي بالقضارف محمد عبدالقادر يكتب: بالتفصيل.. أسرار طريقة اختيار وزراء "حكومة الأمل".. تقرير يكشف كواليس انهيار الرباعية وفشل اجتماع "إنقاذ" السودان؟ ارتفاع احتياطيات نيجيريا من النقد الأجنبي بأكثر من ملياري دولار في يوليو وحدة الانقاذ البري بالدفاع المدني تنجح في إنتشال طفل حديث الولادة من داخل مرحاض في بالإسكان الثورة 75 بولاية الخرطوم "تشات جي بي تي" يتلاعب بالبشر .. اجتاز اختبار "أنا لست روبوتا" بنجاح ! أول أزمة بين ريال مدريد ورابطة الدوري الإسباني المصرف المركزي في الإمارات يلغي ترخيص "النهدي للصرافة" الخرطوم تحت رحمة السلاح.. فوضى أمنية تهدد حياة المدنيين "الحبيبة الافتراضية".. دراسة تكشف مخاطر اعتماد المراهقين على الذكاء الاصطناعي أنقذ المئات.. تفاصيل "الوفاة البطولية" لضحية حفل محمد رمضان بزشكيان يحذِّر من أزمة مياه وشيكة في إيران شهادة من أهل الصندوق الأسود عن كيكل لجنة أمن ولاية الخرطوم تقرر حصر وتصنيف المضبوطات تمهيداً لإعادتها لأصحابها انتظام النوم أهم من عدد ساعاته.. دراسة تكشف المخاطر خبر صادم في أمدرمان مصانع أدوية تبدأ العمل في الخرطوم اقتسام السلطة واحتساب الشعب شاهد بالصورة والفيديو.. ماذا قالت السلطانة هدى عربي عن "الدولة"؟ شاهد بالصورة والفيديو.. الفنان والممثل أحمد الجقر "يعوس" القراصة ويجهز "الملوحة" ببورتسودان وساخرون: (موهبة جديدة تضاف لقائمة مواهبك الغير موجودة) شاهد بالفيديو.. منها صور زواجه وأخرى مع رئيس أركان الجيش.. العثور على إلبوم صور تذكارية لقائد الدعم السريع "حميدتي" داخل منزله بالخرطوم إلى بُرمة المهدية ودقلو التيجانية وابراهيم الختمية رحيل "رجل الظلّ" في الدراما المصرية... لطفي لبيب يودّع مسرح الحياة بنك أمدرمان الوطني .. استئناف العمل في 80% من الفروع بالخرطوم زيادة راس المال الاسمي لبنك امدرمان الوطني الي 50 مليار جنيه سوداني وفاة 18 مهاجرًا وفقدان 50 بعد غرق قارب شرق ليبيا احتجاجات لمرضى الكٌلى ببورتسودان السيسي لترامب: ضع كل جهدك لإنهاء حرب غزة تقرير يسلّط الضوء على تفاصيل جديدة بشأن حظر واتساب في السودان استعانت بصورة حسناء مغربية وأدعت أنها قبطية أمدرمانية.. "منيرة مجدي" قصة فتاة سودانية خدعت نشطاء بارزين وعدد كبير من الشباب ووجدت دعم غير مسبوق ونالت شهرة واسعة «ملكة القطن» للمخرجة السودانية سوزانا ميرغني يشارك في مهرجان فينيسيا مقتل شاب ب 4 رصاصات على يد فرد من الجيش بالدويم دقة ضوابط استخراج أو تجديد رخصة القيادة مفخرة لكل سوداني أفريقيا ومحلها في خارطة الأمن السيبراني العالمي الشمالية ونهر النيل أوضاع إنسانية مقلقة.. جرائم وقطوعات كهرباء وطرد نازحين شرطة البحر الأحمر توضح ملابسات حادثة إطلاق نار أمام مستشفى عثمان دقنة ببورتسودان السودان.. مجمّع الفقه الإسلامي ينعي"العلامة" ترامب: "كوكاكولا" وافقت .. منذ اليوم سيصنعون مشروبهم حسب "وصفتي" ! بتوجيه من وزير الدفاع.. فريق طبي سعودي يجري عملية دقيقة لطفلة سودانية نمط حياة يقلل من خطر الوفاة المبكرة بنسبة 40% عَودة شريف لماذا نستغفر 3 مرات بعد التسليم من الصلاة .. احرص عليه باستمرار

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

لعيبة زمان بحبوا الشعار وما (بفكوّا للاعب الجديد الكورة وراء ضهرو)
مهاجم المريخ سانتو رفاعة الرمح الملتهب يحكي قصة الأهداف الذهبية

الصحافة نشر في الصحافة يوم 23 - 03 - 2012

شهد العام 1969 ميلاد النجم الكبير الكابتن فتح الرحمن عبد الفراج سانتو وكانت نشأته الرياضية في حواري رفاعة وبها تعلم فنون وجنون كرة القدم و احراز الاهداف و في روابطها تألق وإزداد لمعاناً وكانت البداية فريق الرابطة التحرير بفريق النهر ( ديم لطفي ) ثم الشعلة رفاعة ، وهي المحطة المهمة في حياته تركت بصمتها وكان اضافة للشعله، ثم بدأ اللعبة خارج رفاعة في عام 1984 للاتحاد مدني وعاد في عام 1985 لرفاعة مرة أخري ورجع للاتحاد مدني في العام 1986 م ومن ثم الى المريخ. وكان الجمال في العام 1987م حيث لقب بالرمح الملتهب مع المريخ والمنتخب القومي السوداني حتى سطع نجمه بالمريخ وكان مشواره حافلاً بالإنجازات والكؤوس بين مانديلا وسيكافا، معنا اليوم في ونسة الكابتن سانتو واحد من أعظم المهاجمين في تاريخ المريخ إستقبلنا بي إبتسامته وبشاشته الطيبة ليحكي لنا عن المريخ والكؤوس والذكريات الجميلة داخل الديار الحمراء ....
*بداياتك مع كرة القدم ؟
= بدايتي كانت مع فرق الروابط بي رفاعة مع فريق التحرير ثم فريق النهر وهو فريق الحي الذي أقطنه ،ثم فريق الشعلة كان في موسم ثم إتحاد مدني وعدت الى الشعلة ومرة اخرى للإتحاد مدني ..
*تسجيل النجوم به قصص وروايات ،سانتو من الاتحاد للمريخ الحصل شنو وكيف دخلت الكشف ؟
= طبعاً لعبت في مدني 1986م وكان هنالك مباراة ودية مع الهلال وكنت محرز احد اهدافها وكان الحارس اَنذاك الكابتن احمد آدم ،وأحرزت الهدف الاول والهدف الثاني احرزه مرتضى قُله وإنتهت 2/1 ،وكان سيد سليم لعب دوراً كبيراً جداً في تسجيلي وشقيقي الاكبر عبدالعظيم ،وفتح الله إبراهيم ،ذهبت للمريخ موسم 1987م ، التسجيل للمريخ كان في آخر يوم للتسجيلات !والساعة 6مساءاً
{هل كان هنالك صراع من الهلال لتسجيلك ؟
= يعني كان في صراع لكنه خفي وماظاهر،وكنت مفروض امشي هلال بورسودان أوالموردة ،لكن فتح الله حسم تسجيلي نهائياً للمريخ ،كان في مشكله في الخانه وناس المريخ محتجين شويه ،وتم شطب لاعب لتسجيلي واللاعب اسمه (عطيتو) وانا بحيهو وهو لاعب كان صاعد من الاشبال وقعد موسم واحد جيت انا إتسجلت في خانتو ،وماكان في لاعب غيرو ،ووقعت للمريخ في آخر يوم في التسجيلات .
*سانتو رفاعه فترتك في المريخ كيف تراها وتقيمها ؟
= هي من أجمل فتراتي وانقاها وانا لاعب كره ،وجدت جيلا فعلاً جيل بطولات وإنجازات وغيره على الشعار ،وكان الاحترام موجوداً وكان هنالك كوكبه من ابرز النجوم ،على رأسهم مكين وجمال أبوعنجة ،وبدرالدين بخيت وعبدالسلام حميدة ،والاسطورة حامد بريمة والراحل سامي عزالدين ..وفترتي في المريخ كانت من 1987-1995م واعتز بها جداً ولن أنساها ...
*الفاضل سانتو وفتح الرحمن سانتو ؟ اللقب والشبه والمقارنة ؟
= هذا اللقب جاني من جمهور مدني ،كماهو معروف الفاضل سانتو كان في اتحاد مدني وجاء للمريخ ،وكان لعبي شبيه بيهو في الضربات الرأسيه والشوتنج وحتى الباكورت ،عشان كده لقبوني بي فتح الرحمن سانتو ...
*شعورك وانتَ تحرز الأهداف والفريق منتصر والعكس لما المريخ يكون منهزماً ؟
= أجمل شئ في لعبة الكرة إحراز الاهداف ،وانا بكون سعيد جداً ،سيعد لما ارى الجماهير فرحانة في الاستاد وكلهم بصفقو ،بحس بي نشوة في احراز الاهداف وبالاخص الضربات الرأسية ، والعكس لما يكون المريخ منهزما وانا محرز للاهداف لا أحس بطعم الإ ونحن منتصرون لكن بتعطيني دافع لأقلص النتيجه أواعادلها ،وحتى لوطلعنا منهزمين بنحاول نعوض في المباريات الاخرى ..
* منو من أبناء جيلك تعتبره فلتة وفناناً وموهبة في تاريخ المريخ ؟
= كل اللاعبين الذين عاصرتهم كانوا مميزين لعباً واخلاقاً،واتمنى اي لاعب يعاصر هذا الجيل يكون في تواضع وغيرة وحب للشعار وإنجازات يسجلها التاريخ ،وحتى لما جيت جديد للمريخ وجدت معاملة كويسة من اللاعبين وحتى المهاجمين رغم انني بلعب في خانتهم الا ان التعامل كان شعارنا من اجل مصلحة الفريق ...
*ماكانوا بلعبو ليك الكرة وراء ظهرك ؟
= لا لا ابداً ماكان في كلام زي ده ،اللعيبة عايزين المريخ ينتصر وحتى اللاعب البجي جديد بثبتوه ومافي حاجه اسمها كرة بي ظهرك وبالذات في جيلنا ده انا ماشفتها ..
*هل اختلف اعلام اليوم عن الامس بالنسبة للاعبين ؟
= اختلف إختلافاً كثيراً وبالذات إعلام المريخ عندما نكون منتصرين والاداء سيئ ولا مهاجم ضيع هجمه ،بوجهو لينا إنتقادات شديدة ، عكس اليوم اللاعب بكون أخفق في حاجات كتيرة جوه الملعب لكن مابذكروا عيوبه !! وانا ماعارف ده خوف من الإعلام المضاد مثلاً وهم بقولوا نحن مانطلع عيوبنا ،لكن فرق شاسع إعلام اليوم عن الامس (وانا بقول اعلام الامس بدقك في رأسك ومافي مجاملة )..
*دوركم شنو كقدامى للاعبين في حركة التسجيلات ؟
= انا بالذات والله شغال وقبل سنة أوسنتين كنت قائد في غرفة تسجيلات المريخ وكان معاي الكوتش صلاح مشكلة و الكابتن محمد موسى وقدامى اللاعبين بشاركوا في التسجيلات والمجلس دائماً بيستعين بينا ،وانا شخصياً في كل موسم بكون معاهم ..وكنت مشرفاً على اللاعبين الشباب والسنيين وكنت من ضمن الذين اختاروا اللاعبين ..
*طيب منو الرشحتهم وأصابوا نجاحاً؟
= في راجي عبد العاطي وحمد الشجرة وأكرم و الهادي سليم لاعبون كتار جداً رشحتهم ولكن لم ينضموا للمريخ ..
*لماذا يفشل المريخ دائماً في الحصول على دوري الابطال؟
= في أسباب كتيره من اللاعبين والمدربين والمجلس بالرغم من عدم تقصيره واتى بالمحترفين وبأجهزه فنية لها سمعة ،لكن اللاعب السوداني ثقافته ضعيفة في المباريات الخارجية وليس له قوة تحمل ولا إرادة ،لكي تحرز بطولة خارجية لازم تعمل وتفوز خارج ارضك ،لكن هذا الموسم إنشاءالله موعود ببطولة خارجية ..
*ليه السنه دي بالذات ؟
= انا شايف الإعداد ممتاز السنة دي وهنالك تنافس قوي ،وعودة ريكاردو للسودان الناس متفائله بيها بحكم معرفته بالسودان وخبرته التدريبية ،بالرقم من تخوف الجمهور من مازمبيي في حالة تخطينا الدور الاول ،وانا ما متخوف من مازيمبي وإنشاء الله سوف نتخطاه بالعزيمة والقوة ..
*جمهور المريخ سلبي ولا إيجابي ؟
= نعم جمهور المريخ سلبي في بعض الاحيان واللاعبون بالذات محتاجين للجمهور في وقت الشدة والهزيمه وليس في حاله الفوز ،ولاحظت حتى جمهور الهلال بصفقوا مع دخول اللاعبين لكن تاني مابشجعوا واللاعبين محتاجين ليهم ،وحتى لوتقدم الخصم ولا لعب كرة جميله تبدأ صافرات الإستهجان وده خطأ كبير ومزعج وبفقّد الثقة وبسبب للمشاكل وعدم تركيز لللاعبين وبتمنى من جمهورنا يساند اللاعبين لمدة التسعين دقيقة بغض النظر عن النتيجة ..
*دائرة الكرة بالمريخ بها عشوائية ؟
= لا توجد ولا افتكر والدليل على ذلك الناس كلها مجتمعين وحتى الاعضاء بيناتهم تناسق وعمل كبير من اجل المريخ ومنذ قدوم المجلس ده هنالك انسجام في المجلس.. .
*طيب المجاملات شنو في الشطب ؟
= لا ليس هنالك مجاملات ،لكن التسجيلات الاخيرة دي ،كنا ضد إعارة اللاعب قلق وتمنيناه مع هذه المجموعة والكشف الاحمر.
*نقول المجلس أخطأ في إعارته ؟
= طبعاً المجلس ماعندو قرار لكن القرار عند الجهاز الفني ،والجهاز الفني هو البحدد الخانات والإحتياجات واللاعبين البمشوا والبقعدوا ..
*وصية للمهاجمين ؟
= بقول ليهم التركيز داخل خط ال18 والتركيز ده بشمل اي شئ انت كمهاجم عشان تنجح عليك بالتركيز ..
*اهدافك التي احرزتها في الهلال؟
= احرزت هدفين فقط ..
وضحكت وضحك !! وقال ليا شوية صاح ..
*حب جماهير المريخ هل اختلف بعد ان إعتزلتوا الكرة ؟
= لا لا ابداً والله وما إختلف وبالذات الناس اللاعبين الذين أحرزوا بطولات ومازلنا محتفظين بجمهورنا ،في اي المواقع نجد الاحترام والتقدير والمحبه منهم ،والدليل على ذلك جيت ادخل مباراة الرابطة وكان الصف طويل وقامت الجماهير تصيح وخلوني في بداية الصف، وكان في واحد من حراس البوابة عايز اتكلم معاي الجماهير صاحت واتكلمت معاهو،وانا دخلت طوالي ..
*كلمات لللاعبين وللجمهور وللمجلس ؟
= اتمنى من الجميع التماسك بين اللاعبين والجماهير وان يكون هنالك اجتماعات بين المجلس مع اللاعبين وحسهم على البذل والعطاء، ويكونوا قربين منهم بالذات في المعسكرات والمباريات الكبيرة المهمة ..
*سبب شطبك شنومن المريخ هل الإصابة ولا الظلم ؟
= لالا ظروف الإصابة هي التي أبعدتني عن المريخ وهي إصابة سيكافا 1994م وسبب رئيسي في هبوط مستواي وكان لابد انا اغادر الكشف بسببها ..
*الإداريون بين التميز والفشل !ماذا تقول عنهم ومن أفضلهم ؟
= كل الإداريين الذين عاصرتهم كانوا شاطرين وناجحين من عبدالحميد رحمه الله عليه ومحمد الياس محجوب وماهل ابوجنة والراحل فيصل محمد عبد الله والفاتح المقبول وكلهم كانوا في قمة الإنضباط والتميز ..
*رأيك شنوفي المعارضة النشطة الايام دي ؟
= انا ضدها وبقول الناس البتعارض دي تجئ النادي وتقول رأيها بي صراحة بعيداً عن الصحف ،والناس ديل بعيدين عن المريخ وماعارفم بعارضوا في شنو والإساءات الموجودة دي مامن مصلحة المريخ ،وبستغرب كانت في جمعية عمومية قبل ايام ليه مارشحوا نفسهم للمجلس ،لوعندهم حاجه يجو يقعدوا مع الرئيس ويقولوا ليهو رأيهم ،لكن هذه المعارضة بعتبرها معارضة هدامة ولن تخدم مسيرة المريخ وهذا المجلس شرعي ..
*الدوري الممتاز السنه دي رأيك فيهو شنو؟
= أرى ان الدوري هذا الموسم قوي شديد والدليل هزيمة المريخ في أرضه وتعادل الهلال مع اهلي شندي ،ودي اول مره تحصل وحتى اندية الاهلي والنسور وقفت ضد الهلال والمريخ ونتمنى يكون الدوري كده طوالي عشان مصلحة الكرة السودانية
*كلمه أخيرة؟
= شكراً لأُسرة صحيفة الصحافة وكل افرادها وكتابها سياسيين ورياضيين، وشكراً ليك كتير عمّارعلى هذه السانحة وانا من المتابعين جداً للصحافة ..

انقر هنا لقراءة الخبر من مصدره.