سودارس : مازمبي ليك يوم (نحن بنفتش ليك تفتيش)

شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك" شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها جلوس أكثر من 3500 طالب وطالبة لامتحانات الشهادة المتوسطة بمحلية الخرطوم جوجل توسّع الترجمة الحية إلى آيفون وآيباد الدولار يرتفع وسط توترات الشرق الأوسط إندونيسيا تصبح أول دولة في جنوب شرق آسيا تقيد وصول الأطفال لمواقع التواصل كل ما تريد معرفته عن نزاعات الزمالك فى الفيفا وخطة النادى لحل الأزمة تأجيل حفل شاكيرا فى الأهرامات من إبريل إلى نوفمبر 2026 ماجد المصرى: الخلاف فى أولاد الراعى تجاوز المال إلى جوهر العلاقات الأسرية هل يمكن علاج الكبد الدهنى؟.. دراسة جديدة تربط الوقاية بفيتامين ب3 الإعيسر .. حين يفعلها رئيس أكبر دولة يسقط عذر الآخرين.. الإعلام الصادق أمانة ومسؤولية وطنية شاهد بالصورة والفيديو.. رئيس المريخ السابق يفجر مفاجأة كبيرة بخصوص المحترف الجزائري المنضم للمنتخب السوداني ويعد بضم محترفين أفارقة لصقور الجديان شاهد بالصورة.. تيكتوكر مغربية حسناء ترد على تعليقات الجمهور بشأن علاقتها العاطفية وارتباطها بصديقها اليوتيوبر السوداني شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك" مساعدات غذائية تصل آلاف المستفيدين بوادي حلفا عبر منظمة اضافة للمساعدات والكوارث والتنمية بالصورة.. في مفاجأة كبيرة.. محترف جزائري ينضم لقائمة المنتخب السوداني استعداداً لمواجهة السعودية بسبب ضعف الراتب.. وزير الثروة الحيوانية بالسودان يبحث عن عمل إضافي هل من أمل في الكرة السودانية؟ إيطاليا تقترب من المونديال رئيس الوزراء يصدر قرارًا بشأن الرسوم الجديدة في المعابر بروح قتالية عالية.. الهلال يضع اللمسات الأخيرة لمواجهة «روتسيرو» بحثاً عن الصدارة والثأر تقارير تكشف عن تحرّكات كبيرة للجيش السوداني محمد عبد الباسط يكتب: لهذا تحركت باكستان الآن للوساطة بين أمريكا وإيران توضيح لجنة المنشآت بنادي المريخ : دورنا فني فى ملف المنشآت واللجنة القانونية تتولى اجراءات الاخلاء عمرو دياب يحيى حفلا غنائيا فى تركيا 2 أغسطس السكوت على هذا الأمر لا يرضي الله ولا رسوله!! دراسة : النشاط البدني مفتاح الوقاية من السكري رغم زيادة الوزن ماذا قال العميد طارق كجاب بعد إحالته المفاجئة للمعاش؟؟ ارتفاع أسعار الذهب في السودان أحمد العوضي : بشكر جمهوري إنه عمره ما خذلني وصاحب الفضل فى نجاحي دراسة تكشف ترابطا بين أمراض معدية وخطر الإصابة بالخرف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

مازمبي ليك يوم (نحن بنفتش ليك تفتيش)

قوون نشر في قوون يوم 16 - 05 - 2014

يلا كلبتوه كلكم ولحقو خبرو نشرة عشرة
""""""""""""""
تعاين للجوكر زي العندك معاه تار ...(حار خلاص الزول ينزّل الجوكر بس عشان يتم النزول)
""""""""""""""""""""""
اوعكم من الزول البرش الملعب ..واحذركم من قطوع الكهربة في السودان كلو ..الفيلم دا نحن شايفنو
"""""""""""""""""""""""""""""""""""
· الزول لو كان عاوز ليه قروش من زول ...وما لاقيه...(اصابعيه بتاكلو).
· اصابعيني بتاكلني.
· تلم اصابعينك عليك ..وتفرقن.
· زي الكوتشينة.
· الزعل – بظهر في (الاصابع).
· بكون دمك محروق (غيّر ليه مصفاة الجاز) ..وشايف الموضوع دا بندرج ضمن بنود (الحقارة).
· تبقى صغيّر من الغضب.
· حقارة عديل ..وفيها كمان طليع كراسي...وقعاد في خشم الباب.
· ونقنقة بي كلمات كدا ..ما مفهومة ..ولا معروفة (لغة الزعل براها).
· زول اتسلف منك قروش ..واختفى على كدا.
· دمك بغلي في عروقك.
· الباب القدامك تشوفو زي (الشباك) من الزعل.
· عندنا زول في الحلة وقت يزعل (بقطع) في الكلام ..حرف اللام بنطقو ليك (عين).
· والعين بنطقها ليك (سين).
· والسين ما بنطقها في الاساس ...بيجي ماشي فيها زي الفجل..(اي واحد بحاول يتجاوزو في الصينية).
· والفراخ بشوفها (عدس).
· والعدس ما بشوفو من الاساس.
· وعثمان اخوه الكبير بناديه يا عباس.
· ولو زوجتو جات فايتة ساكت ..برمي ليك فيها اليمين.
· ما بتلفت.
· زعلو كعب.
· وعيونو بتبقى ليك صغار ...متل النقطة في نص السطر ..تفتش ليها عشان تلقاها.
· الزول وقت يكون زعلان ما ياكل الشعيرية.
· دي وصية اهلنا الكبار.
· الشعيريه مع الزعل ما كويسة.
· هسع الشعيرية الدخلها شنو؟.
· زمان وقت تكون الشعيرية بسيطة في الصحن ..بنقوم نزعّل لينا زول عشان يقوم ويخلي لينا الشعيرية.
· الشعيرية زمان كانت حاجة سمحة ..هسع في الزمن النحن فيه دا ..الشعيرية ذاتها بتم النزول بالفول.
· موش مرات بتنزل ..يقولوا ليك نزولك ما تام ..تقوم تسمي (الجوكر).
· تعاين للجوكر زي العندك معاه تار ...(حار خلاص الزول ينزل الجوكر بس عشان يتم النزول).
· موش مرات بدون مناسبة كدا ...يقوم يجيكم ناس ..يقوموا يحاولوا يتظارفوا ويتراشقو و يعلقوا شوية عشان يكسروا الجمود ..يقوموا يقولوا ليكم (ملاياتكم) حلوة دي ملايات العيد!!؟.
· زي كأنو ما في ملايات حلوة ...إلّا ملايات العيد.
· ما في اي علاقة بين الكلام الفوق دا والملايات.
· وما في حاجة ذاتها بتجمع الملايات مع الشعيرية.
· إلّا تكون دي هضربة (مازمبي).
· المريخاب بهضربوا اكتر مننا ..نحن وصلنا المجموعات ..وهم طلعوا من دور ال (64).
· الطلوع من دور ال (64) دي فضيحة.
· فضيحة ما في كلام.
· مع فضيحتهم دي ..المريخاب بتفاصحوا.
· نحن بنهضرب فوق رأي ..انتوا على شنو؟..قاعدين لينا كدا زي الياء المعرجة.
· اول الياء المعرجة بتقعد كدا.
· بهضربوا بي دورة حوض النيل.
· زول عاوز منو قروش ..وما رجعها ليك.
· تعمل ليه شنو؟.
· سنة ..سنتين ..ما لاقيه.
· تضرب ليه تلفون – تلفونو مقفول.
· تمشي ليه في البيت ..يقولوا ليك الزول دا ما في.
· اختفى من الوجود.
· تقنع منو.
· يوم انت في الحافلة..عينك في الزول واقف منتظر المواصلات.
· بي قميصو الواحد داك ..من (الانتفاضة) ما غيّر قميصو دا.
· طوالي بتنزل من الحافلة ..و(تقبقب) الزول دا ..وتقول ليه وين انت يا زول انا بفتش ليك لي سنين؟.
· يقول ليك يا زول بتكرفس القميص.
· هو قميصك دا قميص...ما يتكرفس ان اتكرفس ..يعني شنو؟.
· هسع مازمبي دا نحن زي العاوزين منو قروش.
· كنا بنفتش ليه تفتيش.
· عاوزنو بالاسم.
· ح نقبقب ليكم مازمبي دا الليلة.
· نكلبتوا ليكم عديل كدا.
· كامبوس رجع ليه مخصوص ..(عندو حساب) مع مازمبي دا.
· عندنا حساب تقيل مع الجماعة ديل.
· صحيح الهلال فاز على مازمبي في ارضو ووسط جمهورو عقب خسارة الهلال في ام درمان.
· لكن برضو الفوز على مازمبي في الكنغو ..ما فشانا.
· عاوزين ننتصر على مازمبي في وجود الجماهير التى خسر امامها الهلال.
· عاوزين نرد كرامتنا في ارضنا ووسط جمهورنا.
· عشان كدا الليلة يا مازمبي حسابك معانا تقيل.
· نحن حقنا ما بنخليه.
· نحن اي حاجة عندنا بي نظام.
· جبنا ليك كامبوس من البرازيل مخصوص.
· رجعناه عشان يأخد حقو.
· ما بنخلي حقنا نحن.
· هسع يا مازمبي الدرب جابك لينا تاني.
· تاني عاوز تعمل لينا حركاتك دي.
· اوعكم من الزول البرش الملعب ..واحذركم من قطوع الكهربة في السودان كلو ..الفيلم دا نحن شايفنو.
· اعملوا حساب الكهربة.
· بالله في مباراة مازمبي الماضية ..الكهربة قطعت ليك في البلد كلها.
· السودان كلو قطع كهربة.
· عشان كدا المباراة كانت مهببة.
· هسع يا ناس الهلال اعملوا حسابكم.
· احرسوا الكشافات.
· واعملوا حساب الايادي الخفية.
· ونذكركم ..ونوصيكم ..ونقول ليكم ان الهلال كان فايز على الزمالك في المباراة الاولى بهدف انقيدي.
· حصل العطل في البرج ..والكهربة قطعت ..المباراة اتلغت.
· في اليوم التاني الهلال خسر امام الزمالك بهدف عبدالحليم علي ..وكانت تلك المباراة هي اخر مباراة يلعبها الراحل والي الدين محمد عبدالله.
· مباراة مازمبي لأنها كانت خمسة ..الكهربة ما قطعت في برج واحد.
· الكهربة قطعت في السودان كلو.
· عشان كدا ..اعملوا حساب الكهربة يا هلالاب ..احرسوا الابراج.
· الجماعة الطلعوا من دور ال (64) ديل ما مضمونين.
· احرسوا مروي ذاتها.
· اللعب في المجموعات حار عليهم.
· ممكن يعملوا اي حاجة.
· اعملوا حسابكم.
· وتعالوا يا هلالاب الي استاد الخرطوم ..عشان تشوفوا هلالكم وهو ينتصر ويرد لكم اعتباركم امام مازمبي.
· مازمبي دا ..قفل نفس الكثيرين.
· وعشان النفس دي تتفتح ..والناس ترجع تاني للهلاله ..تعالوا الليلة عشان تكونوا شركاء في عودة الهلال.
· المباراة في المقام الاول هي مسؤولية لاعبي الهلال.
· المباراة تهم اولا لاعبي الهلال ..وهم عليهم اليوم رد اعتبارهم بدوافع شخصية.
· انتم خسرتوا امام مازمبي بالخمسة.
· وعليكم اليوم ان تردوا على مازمبي بانتصار كبير.
· مازمبي جاكم جاهز ..لن يقوى على اي شيء ..انقضوا عليه ..وانهوا اسطورة حاجة اسمها مازمبي.
· امامكم فرصة تاريخية.
· الايام جابت ليكم مازمبي ..وكامبوس ذاتو رجع ..عشان اي زول عندو (حساب) مع الجماعة ديل يصفيه.
· جمهور الهلال الرائع دائما وابدا ..اليوم نسأله تفضلا منه ..ان يكون حاضرا بقوة.
· ان يأتي من كل فج بعيد ..ليشهد الهلال.
· ليكتمل الهلال في حضوركم بدرا.
· انهوا هذه الاسطورة الخادعة ..والتى ساعد في صناعتها الحكام والدجل.
· انتم قادرون على الانتصار على تلك الخرافات والاوهام.
· ما اسهل الفوز على الدجل والخرافات اذا كان هنالك يقين قوى ..وايمان حقيقي ..وعزيمة حديدية.
· ارادتكم اليوم في اختبار حقيقي..اذا حضرت بقوة ..كان الانتصار باذن الله وتوفيقه اليوم كبيرا.
· الانتصار اليوم على مازمبي يعني ان الهلال وضع قدم في دور الاربعة.
· الانتصار على مازمبي سوف يغسل الهلال من القصور السابق ..وسوف يفتح لنا ابواب الافاق.
· الانتصار اليوم ..يجعل الهلال يدخل لمباراة الزمالك بدوافع قوية ..والزمالك اضعف ما يكون في القاهرة.
· الزمالك يلعب بدون جمهور ...والاوضاع في مصر هذه الايام غير مستقرة مع الانتخابات الرئاسية.
· حتى مجلس ادارة نادي الزمالك الجديد ..مجلس يقوده مرتضي منصور الى الهواية.
· ويفتقد الجهاز الفني للزمالك بقيادة احمد حسام ميدو للخبرة ..وتنقصه الثقة.
· اما لاعبي الزمالك فهم اصحاب بنية صغيرة ..واغلبهم صغير في السن ..وفاقدين لحمي المباريات الكبيرة بسبب تدهور النشاط الرياضي في مصر.
· لذلك نقول ان الهلال عليه ان ينتصر اليوم على مازمبي وسوف يكون بعد ذلك الانتصار على الزمالك في القاهرة في متناول اليد.
· يبقى املنا ..عشمنا دائما كبيرا في جمهور الهلال العظيم ..القادر على حراسة الهلال ودفعه الى الامام.
· في حضور جمهور الهلال يبقى لا خوف على الهلال.
· تعالوا ..لتشهدوا كيف سوف يفرحكم الهلال ..وكيف سوف ينتصر لكم؟.
· جميعكم يريد هزيمة مذلة لمازمبي.
· كلنا عندنا هدف متفق عليه ..ان ينتصر الهلال اليوم انتصار كبير على مازمبي.
· والهلال باذن الله وتوفيقه قادر على ذلك.
· وشكرا مرة اخرى للقرعة ..التى وضعت لنا (مازمبي) في طريقنا لندهسه بانتصار عريض.
· وشكرا للاقدار التى اعادت لنا كامبوس ..ليسترد حقوقه كاملة من فريق انتصر على الهلال في غفلة.
· النصر قريب ان شاءالله.
· بل ان النصر اليوم عريض.
· سوف تفرح جماهير الهلال اليوم فرحا كبيرا.
· ملحوظة : وابقوا في الانتظار.
هوامش
· اليوم ...كان ترضوا وكان تزعلوا ...الهلال سوف ينتصر انتصارا كبيرا على مازمبي ان شاءالله.
· نزار الصاقعة ..لم يغب من التسجيل في كل المباريات الاخيرة.
· وهو حاضر اليوم.
· وبشه هدفه المنقوض في المريخ ..سوف يؤكده اليوم بهدف في مازمبي.
· نحن حقنا ما بنخلي.
· بنخلصها قرش ..قرش.
· موش مرات في حافلة ما بكون فيها (كمساري).
· يقوم السوق يتلفت لي اقرب زول جنبو ويقول ليه عليك الله اخلصها.
· يا بشه ...اخلصها.
· اخلصها الليلة.
· ونحن الليلة ما عندنا (طالب).
· اوعك من تحاسب بي نص القيمة.
· يوم الجمعة ما في طالب.
· ناس مازمبي ديل ما يدقوسكم.
· جماهير الهلال في الفرح عليها ضبط اعصابها.
· افرحوا في مقاعدكم.
· وشجعوا طوال التسعين دقيقة.
· ان شاءالله الاهداف تبدأ من بشه.
· وما تقيف إلّا في السادس.
· غياب كاريكا سوف يكون مؤثر...لكن صلاح الجزولي قادر على تعويض فقده.
· سيدي بيه مهم في مباراة اليوم.
· كوليبالي ايضا مهم في مباراة اليوم.
· وممكن ان يكون من نجوم المباراة اذا شارك من البداية.
· سيرجو حتى لو اكتملت اجراءات تسجيله ..صعب ان يشارك اليوم.
· المهم هو حضور الجماهير.
· المباراة منقولة على فضائيات عالمية.
· المباراة مشاهدة ومرصودة من كل الوكالات.
· لذلك مظهر الهلال وشكله وعرضه ..ونتجيته يجب ان تكون كبيرة.
· كما مطلوب من جمهور الهلال ان يكون في ابهى صورة.
· سينتصر الهلال باذن الله.
· اتجهزوا لمباراة الزمالك.
· نبحث عن انتصار في القاهرة.
· 6 نقاط من قولة تيت.
· ال (6) نقاط دي هدية.
· ما تضيعوا الفرصة.
· الهلال الان يمر بافضل حالاته ..نحن عكس كل الناس نرى ان الهلال الان في افضل مراحله.
· وتوليفة الهلال الان هى الافضل.
· نتمنى مهند الطاهر.
· الهوبة حاضرة اذا شارك مهند.
· امشوا على الاستاد ..ما عندكم اي عوجة.
· .....
· عاجل : عبدالماجد قال ستة ..قلت ليه انت قايل الهلال لاعب مع النسور.

انقر هنا لقراءة الخبر من مصدره.