سودارس : (يا زول جميل) ... وقت جرس الفسحة يضرب

مليشيا الدعم السريع تشيد قاعدة لإطلاق المسيرات قرب مدينة الخوي ردّ ناريّ من ضابط عسكري سوداني طائرات مسيّرة تضرب منطقة مطار الخرطوم قبل ساعات من إعادة افتتاحه رسميا..تشغيل مطار الخرطوم الدولي دولة أجنبية تحاول زعزعة منتخب السعودية مليشيا محمد حلفا!! الأمل يدشن الإعداد تحت إشراف منعم تيه وأبوبكر شريف القوز يتوج بطلاً للسوبر بعد فوزه على اتحاد الشرطة بثنائية مثيرة بأبوحمد القنصلية السودانية بأسوان تحتفل بأولى الشهادة السودانية ترامب يتوعد: سنقضي على حماس إن انتهكت اتفاق غزة شاهد بالصورة والفيديو.. تحت حراسة أمنية مشددة.. ظهور الرئيس السابق "البشير" وهو يتمشى في الشارع العام ويتفقد المناطق المتضررة من السيول والفيضانات بمقر إقامته بمروي.. تعرف على الحقيقة والتفاصيل كاملة ( "لينتي" كفكفت من عيني دمعات الليالي وجدتُ نفسي غارقا في الحب عاشقاً، محباً ومُريدا).. شاهد ماذا كتب العريس أحمد العربي لزوجته لينا يعقوب في أول يوم لهما بعد نهاية حفل زواجهما الأسطوري القضارف.. توجيه رئاسي بفك صادر الذرة المريخ يرحب بإقامة قمة في بنغازي تكريما للجمهور السوداني شاهد بالفيديو.. الفنانة السعودية زينة عماد: (أحييت حفل في الخرطوم حضره 5 ألف شخص وأحدهم قال لي أنك سودانية وهذا إطراء حلو) شاهد بالصورة.. حسناء الشاشة السودانية تخطف الأضواء وتسحب البساط من الجميع في حفل زواج "أحمد ولينا" شاهد بالصورة والفيديو.. أثناء جلسة إعلان ثياب سودانية.. مصور يشبه عارضات أزياء حسناوات بكلاب "الليدو" وإحداهن تنفجر في الضحكات وترد عليه: (قل هو الله أحد) أسطورة ليفربول مهاجماً صلاح: يجب رميه في الدكة مدير شرطة اقليم الأزرق يثمن جهود إدارة المباحث الجنائية المركزية بالاقليم في كشف غموض العديد من الجرائم ترامب: وقف إطلاق النار في غزة ما زال قائما المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية الرؤية الاستثمارية الاستراتيجية: تحول الاتحاد إلى مؤسسة رياضية اقتصادية متكاملة بعضهم يعتقد أن الجيش يقصف بالمنجنيق شرطة ولاية نهر النيل تضبط عدد( 74) جوال نحاس بعطبرة وتوقف المتورطين أسعار الذهب إلى أين؟ مباحث ولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية مباحث ولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية الشمالية تدشن قافلة لإعمار الخرطوم بعد أدائه القسم في «الشيوخ».. ياسر جلال يستعين ب مشهد كوميدي ل «مرجان أحمد مرجان» حسين خوجلي يكتب: التنقيب عن المدهشات في أزمنة الرتابة عرض قدمه بوتين لترامب.. "إنهاء حرب أوكرانيا مقابل هذا الطلب" ميسي يسجل هاتريك ويتوج ب"الحذاء الذهبي" جواز السفر لم يعد حلما.. أميركيون يتخلون عن جنسيتهم وزير الخارجية المصري: ننسق مع السعودية لإنهاء الحرب في السودان بسرعة حكومة الجزيرة تدعم مركز القلب بمدني بمولد كهربائي 550 KV الرئيس التركي: الصراع في السودان"يؤلمنا بشدّة" القبض على الفنانة عشة الجبل الذهب السوداني.. لوبيات تتحكم وسلطة خانعة محافظ بنك السودان المركزي تلتقي مديري عموم المصارف وتؤكد على الإصلاح المؤسسي واستقرار النظام المصرفي تطوّرات مثيرة في جوبا بشأن"رياك مشار" إيقاف جميع التعاملات النقدية في ولاية سودانية هل يصل الذهب إلى 100 ألف دولار؟ شريف الفحيل: تهديد جمال فرفور سبب مغادرتي السودان وتقديمي اللجوء في كندا رحيل علي «كايرو».. نهاية حكاية فنان أثار الجدل وكسب القلوب محل اتهام!! بنك الخرطوم يعيد تشغيل فرع الكلاكلة: إيذانًا بعودة الحياة الاقتصادية وفاة صحفي سوداني هكذا جرت أكاذيب رئيس الوزراء! جريمة اغتصاب "طفلة" تهز "الأبيض" دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر وزير الصحة يشارك في تدشين الإطار الإقليمي للقضاء على التهاب السحايا بحلول عام 2030 عملية أمنية محكمة في السودان تسفر عن ضبطية خطيرة السجائر الإلكترونية قد تزيد خطر الإصابة بالسكري الاقصاء: آفة العقل السياسي السوداني ضياء الدين بلال يكتب: (معليش.. اكتشاف متأخر)! وصية النبي عند خسوف القمر.. اتبع سنة سيدنا المصطفى

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

(يا زول جميل) ... وقت جرس الفسحة يضرب

قوون نشر في قوون يوم 09 - 04 - 2015

محمد النصري بمرق مع نصوصو ..بوصلها ليك بي نفسو...بي نفس الاحساس ..والحاجات الصغيرة ..بي كل التفاصيل
سيد أحمد عبدالحميد ..بغني له النصري : ( لا تكتر غيابك تاني شان ما يبقى عادي..بعد وادعنا الهموم رحلت مقبلة غادي)
وقت نكون عاوزين نطلع من الموضوع بنقعد نعمل فيها بنفتش عن شاحن الموبايل
نشيل (شنطة المدرسة) تاني...شنطة من (قماش دمورية)..و (تموت تخلي)..وبستلة فيها (عصيدة)
• نحن طبعنا كعب.
• ما بنشرب الشاي بالبسكويت.
• ولا بنشرب القهوة بالبلح.
• ولا عندنا حركات ناس (البندر) ديل نجيب لينا (فشار) مع الجبنة.
• ونرش الحوش ..وقت نكون عاوزين (نتفلهم) شوية.
• نحن بنشرب الشاي بالنصري.
• ونشرب القهوة بالنصري.
• ووقت نكون عاوزين نضبط الساعة ..اول حاجة بنسمع لينا نص من نصوص النصري.
• محمد النصري بمرق مع نصوصو ..بوصلها ليك بي نفسو.
• بي نفس الاحساس ..والحاجات الصغيرة ..بي كل التفاصيل.
• نحن كدا.
• كلمة واحدة ..يمكن تودينا وتجيبنا.
• لمن نقعد في الواطة.
• نطقطق اصابعنا و (21) مرة.
• ننخرط في (الحيرة)...ما نعرف نعمل شنو؟.
• عرقنا يُشر.
• تغلبنا الحكاية ..نبقى (متراوحين) من نفسنا.
• نفتش مفتاح العربية.
• يا ربي في (مطرة)؟..وإلا احساسنا براهو (مُتخوبط).
• عندنا احساس بالمطرة ..وهي ما في مطرة.
• شوارعنا بتتقفل ...ونغطس في الموية للركب.
• وما في موية.
• ولا في مطرة.
• ولا في حاجة.
• وقت نكون عاوزين نطلع من الموضوع بنقعد نعمل فيها بنفتش عن (شاحن الموبايل).
• ونحن - ولا عندنا هدف في (شاحن الموبايل).
• نقسم السبعة في الاتنين ..وقت نسمع محمد النصري بغني في (يا زول جميل).
• نشيل باقى الكلام ..ونجري (طرف الشارع).
• نشيل (شنطة المدرسة) تاني.
• شنطة من (قماش دمورية)..و (تموت تخلي)..وبستلة فيها (عصيدة).
• وكراس (املاء) كلو (اعد).
• لا بيرقر ..ولا شاورما.
• ولا العصائر البقوا يجيبوها لينا (مكيسة).
• تقول نحن في معركة (حربية).
• انتوا قايلننا نحن في (فيلم اجنبي).
• نطلع برة.
• نتفن في الرملة.
• الشمس مولعة نار.
• نتغبر بالنص.
• نتخربش بالكلمات.
• نقيف بعيد ..نتلفت متل (مرايات) الهينو.
• يتخيل لينا ..اننا بنلقي لينا زول ..يشرح لينا القصة – ويورينا (الحاصل شنو؟).
• زول يفشنا في (النص).
• البخليني أرجع تاني لي الصف الخامس شنو؟.
• جرس الفسحة يضرب.
• ننتشر في حوش المدرسة.
• نشتري لينا دومة من حاجة التومة في شجرة المدرسة.
• الفصل كلو يكد مع (دومتك).
• ولا بتزعل.
• الفصل كلو يشبع من الدومة ديك.
• نجي راجعين البيوت تاني.
• ولا بنفطر.
• شايلين (نص) محمد النصري ..وحايمين بيه من ضل لي ضل ..زي طلبة المدارس وقت يوزعوا ليهم اخر ورقة في الامتحانات.
• بتخيلوا نفسهم تاني ما برجعوا المدرسة.
• وتاني ما بلبسوا هدوم المدرسة (الاتهردت) في جتتهم.
• ولا بشيلوا (شنط الدمورية) المجدوعة في ضهورهم من بداية العام الدراسي.
• يا النصري ما تلفحنا بي (نص).
• تعال طالع.
• بتغلبنا القعدة.
• نمشى نمرق لي برة.
• نسكسك في (الفكرة).
• ما بنلقى لينا فكرة مقنعة.
• حايمين بي (يا زول جميل) من فصل لي فصل.
• ما بنخلي لينا (شجرة).
• في حاجة حاصلة.
• في شيء بيحدث.
• في حاجة غلط.
• لكن ما عارفين الحاصل شنو؟.
• نبلع لينا (13) حبة بندول ..ما تعمل اي حاجة.
• نوقف (النزيف) بي :
• (يا زول جميل..لمتين على خاطرك تشيل..مع انو زرعك ما بقوم لساك بتزرع في الجميل..يا زول حنين للناس وفاك..شان انت في طبعك نبيل..عندك كرامتك اهم شيء ..وماب تبقي لي قلبك ذليل).
• نقسّم القلب (21) مرة ..وقت نسمع الكلام.
• نقعد نتغالط في قلوبنا.
• نتشرق.
• نبلعها بي موية.
• لا بتعرف قلبك من قلب عبدالجبار ود ريا.
• الشاعر الجميل (رامي قسم السيد) ..اخصائي (الجمال) في نصوص محمد النصري الغنائية.
• بجيك واقع من فوق.
• طلع بينا على القمرة.
• مرق بينا الخلا.
• وما جينا راجعين.
• خلانا نصارع في الفكرة.
• نلبت نقع.
• نندرش على رأسنا.
• رامي قسم السيد بتلقاه قاعد فوق ..في اي (نص) بيهبش (الوتر الحساس).
• تطلع تاني برة ..تقعد تفتش في (حروف الجر) ..عشان تفهم حاجة.
• تتغلب صفر / 9.
• تقيف في اول السطر.
• تبلع ليك (موية).
• عشان (النص) ينزل.
• يقيف ليك في الحلق.
• تاني تمشي تقيف في (الزير)..تشرب ليك موية باردة.
• الموية ذاتها ما تنزل.
• تلحقها بي :
• (زي القمر تنشره نور..يوم تبقى كل الدنيا ليل..بتكون صحاري بلا رضاك..يوم ترضي زيك مافي نيل..شايل هموم الناس دوام..مع انو همك مو شويّ).
• نحن الجابرنا على (التلتلة) دي شنو؟.
• نحن ناقصين (اكتشافات).
• البخلينا نروج لي شنطة الدمورية شنو؟.
• دا (رامي قسم السيد) ذاتو (شايل هموم الناس دوام مع انو همك ما شوي).
• يتخيل لي كدا بيكون الزول الجميل.
• بالمواصفات دي بكون الجمال.
• يدقوا لينا الجرس.
• نرجع للصف الرابع تاني.
• بعد السن دي.
• بعد (الشيب) دا.
• مالنا نحن بنصعبها كدا..
• البرجعنا الصف الرابع شنو؟..لو ما ساي.
• (ما بترتا في حالك كتير.. دايما كريم وشجاع وحي..لي زول بيتلوم معاك..ماب تلقي في قلبك في شيء..والناس قدر ما يحسدوك..للناس تشيل الفرحه ضي).
• دا رامي نفسو.
• وقت تلقاه قاعد براهو.
• في حفلة او في مناسبة ..بتلقاه مطرف واقف بعيد.
• قاعد بزرع في الجميل.
• شوفوا الزول لمن ما (يرتا) لي نفسو ..بكون اخطر زول.
• دي اجمل حاجة.
• النصري بكتشف فينا تلك المشاعر.
• بفتش فينا الحاجات دي.
• سيد احمد عبدالحميد ..برضو عندو نص (تحذيري) خطير.
• نص قاطع.
• وواضح وصريح.
• سيد أحمد عبدالحميد ..بغني له النصري : ( لا تكتر غيابك تاني شان مايبقى عادي..بعد وادعنا الهموم رحلت مقبله غادي).
• الغياب ذاتو لو كتر ببقى عادي.
• عشان كدا نحن بنقول محمد النصري بغني في حتات براهو ..بغني لتصاوير ما اتغنت قبل كدا.
• بحوم في حلة مشاعر حقتو براهو.
• بجيب لينا (حالات) خاصة.
• نحن وقت يرسلوا لينا من (الشمالية) كرتونة البلح.
• ويجيبوا لينا (العجوة).
• برسلوا لينا مع الكراتين دي (نص) للنصري.
• نقوم نخلي البلح بي حلاوتو ..ونمسك في النص.
• محمد سفلة يمثل في حنين الطنبور حالة (الصمود) الواضحة ..التى لم يكسرها الهوى.
• (افتكرتك) ..احدى روائع النصري ..قدمها له محمد سفلة في حلة من المشاعر الباكية.
• في حفلة من الحواس.
• (افتكرتك لما عيني سالو ترجع..افتكرتك قبل ابكي الدنيا في عينيك تبكي.. ودم عيون عينيك تدمع..افتكرتك صدري حاني وقلبو يتقطع عشاني..ام بتتحسس رقادي وام بتتفقد مكاني..ما بتسيبني اعيش مشرد ما بتنوم لمن اعاني).
• الفكرة في حد ذاتها صعبة.
• عشان كدا ..تاني بترجع تقطع ليك جك موية.
• موية باردة ..ما باردة ...بقت ما فارقة كتير.
• المهم تنزل (النص).
• لكن محمد سفلة عرف دائما ان ينتصر لفكرته.
• لم ينهزم قط في قصة.
• خرج مرفوع الرأس بفكرته.
• العناد عندو حالة من الحب.
• والفراق ذاتو حالة من القرب.
• وسفلة بقول : (انت واحد يامنايا..انت واحد والله شاهد..النجوم خلقت كتيري..والقمر في الدنيا واحد...كان تعاند كان تجافي انت واحد ..كان تزيد ألمي الخرافي انت واحد ..كان تعاند كان تخاتر انت واحد ..كان تقنب كان تسافر انت واحد.. شان بريدك وغصب عني..هاك كمان اقرأ اعترافي..اعترافي انا قلبي غيرك مالو منية...أي دنيا يعيشا غيرك ماها دنيا).
• ما في اجمل من القفلة دي.
• بنرجع تاني نحوم في النص.
• نطلع ونقيف.
• ووقت خلاص تغلبنا.
• بنمشي البحر.
• نشرب من البحر ..لو موية الزير ما بتجيب موجة ام درمان.
• ...
• ملحوظة : اقيفوا عند النصري ..وابقوا مارقين.
هوامش
• وقت الكلام يكتر ..قلتو احسن.
• المفاجأة بقت..تفتح الماسورة تلقى موية.
• الموية بقت يجبوها معلبة.
• المسلسلات التركية عملت لينا ازمة في (التسالي).
• التسالي ذاتو بقى ما عندو موضوع.
• موضوع شنو؟.
• انا قلتا حاجة.
• لاحظوا اني في العمود دا كلو ما جبت سيرة للترجي.
• الترجي انا ولا شغال بيه.
• مالي ومالو.
• ولا سألتكم من (تراوري).
• ولا قلت ليكم بكري المدينة الخالعكم دا ..طلعوا ليه شريط كاسيت.
• ولا سألتكم من رمضان عجب.
• براكم انتوا بتتخيلوا في الحاجات.
• يقولوا ليكم الكلام الجد – تقعدوا تزعلوا لينا.
• يا احمد الحاج ..العمود ماشي عليك.
• ........
• عاجل : لكن رمضان عجب دا عملها ظاهرة.

انقر هنا لقراءة الخبر من مصدره.