سودارس : الحصة (ساني)

"أنظر إلى صورتك قبل أن أنام وأحدثك كأنك أمامي".. إبنة الشاعر السر قدور التي كتب في حقها أجمل أغنياته ترثي والدها بعبارات مؤثرة في الذكرى الرابعة لرحيله شاهد بالفيديو.. التيكتوكر سحر كوكي تنهار بالبكاء بعد اتهامها بشراء سيارتها في مصر بطرق غير شرعية والفنان سجاد بحري يواثيها ويطيب بخاطرها شاهد بالصورة والفيديو.. سوداني يعثر على قطعة من الذهب الخالص أثناء حفره بئر ماء بإحدى القرى السودانية تفاصيل جديدة بشأن انقطاع التيّار الكهربائي عن الولاية الشمالية إيران تهدد: موانئ الخليج لن تكون في مأمن إذا حوصرت موانئنا إحصائيات صادمة تؤكد ضياع كيليان مبابي في الوقت الحاسم 19 نزيلاً يجلسون للامتحانات داخل مدينة البر الإصلاحية 19 نزيلاً يجلسون للامتحانات داخل مدينة البر الإصلاحية رئيس الوزراء يدشن حصاد القمح بمشروع الجزيرة شاهد بالفيديو.. القائد الميداني بالدعم السريع "قجة" يفاجئ "حميدتي": (3 قادة بارزين في طريقهم للإنشقاق واللحاق بالنور قبة) الأحمر يكثف إعداده للقاء" موكورا " في غياب "داركو" خبير "الكاف" محمد سيدات يتفقد منشآت القلعة الحمراء ويجري اجتماع غداً لتقديم تقريره مان سيتي يشعل الدوري الإنجليزي رئيس أركان الجيش الأوغندي يطلب من تركيا مليار دولار.. ويعرض على إسرائيل 100 ألف جندي انطلاق امتحانات الشهادة الثانوية 2026 غداً بمشاركة 564 ألف طالب وطالبة شاهد بالفيديو.. الفنانة شهد أزهري تهز جسمها في وصلة رقص فاضحة خلال حفل غنائي خاص رسالة من البرهان إلى رئيس جيبوتي القنصلية السودان بدبي تعلن تعذر قيام امتحانات الشهادة السودانية في موعدها بنك السودان يقرر استبدال العملة في ثلاث ولايات الزمالك يقترب من حل أزمة القيد.. وإبراهيما نداى عقبة فى الطريق البنك الدولي : حرب إيران ستبطئ النمو وستكون لها تداعيات متسلسلة إعلام إيراني: نتنياهو يحاول عرقلة المفاوضات الأمريكية الإيرانية في باكستان تشكيل بيراميدز المتوقع لمواجهة المصري البورسعيدي قصص حب فى كواليس التصوير.. حين تتحول الكاميرا إلى بداية علاقة حقيقية تارا عبود عن أصعب مشهد فى صحاب الأرض: نضال شعبنا الفلسطينى منحنى طاقة كم يحتاج جسمك من السكر يوميًا دون أن يضر صحتك؟ أنشيلوتي يفاجئ نيمار قبل شهرين من المونديال غرفة المستوردين تنتقد زيادة الدولار الجمركي (9) مرات في أقل من عام كانتي.. (يا الزارعنك في الصريف) "كاف" يصدم نادي الهلال السوداني السودان يبلغ ألمانيا اعتراضه على مؤتمر برلين شرطة ولاية نهر النيل تضبط (53) جوالًا من النحاس المخبأ تحت شحنة فحم بمدينة شندي وتوقيف متهمين من الحب للحرب.. شاهد الحلقة قبل الأخيرة من القصة الكاملة لأزمة الفنانة إيمان الشريف واليوتيوبر "البرنس" الإمارات والبحرين توقعان اتفاقا لمقايضة الدرهم والدينار حالة طبية صادمة.. عدوى غريبة تجعل امرأة تعطس ديدانا من أنفها! ضبط شبكة تزوير مُستندات مركبات في الخرطوم الموانئ السودانية تتلقى عرضًا من الهند إيران تؤكد.. سنسيطر على مضيق هرمز بذكاء وسندعم "محور المقاومة" باحثون يطورون مستشعراً لكشف الالتهاب الرئوي عبر النفس البرهان يصدر توجيهًا بشأن ملف الكهرباء السودان.. القبض على 4 ضباط في عملية نوعية لمكافحة التهريب بالبحر الأحمر ضبط متهمين أجانب بحوزتهما أسلحة وذخائر ترامب عن إيران: ستموت حضارة بأكملها الليلة ولن تعود أبداً قضية أثارت جدلاً.. براءة عصام صاصا من تهمة المشاجرة بملهى ليلي ضبط شبكة إجرامية خطيرة في الخرطوم بالصورة والفيديو.. شاهد لحظة القبض على أخطر شبكة تقوم بسرقة العربات و"اسبيراتها" بالخرطوم بعد كمين محكم عثمان ميرغني يكتب: فساد.. الفساد.. شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل الأمن يداهم مخزن يبيع الوقود المهرب لعصابات التنقيب عن الذهب الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الحصة (ساني)

قوون نشر في قوون يوم 24 - 07 - 2012

الايامات دي في موضة جديدة.

زي موضة اعلانات (معجون الاسنان) ...الناس كلها بتضحك ..تقول بعلنوا عن (ابو وردة).

مرة مشيت لي قرية ...لقيت ليك سكان القرية دي كلهم بضحكوا ..(من الاضان للاضان).

قلت ليهم انتوا تعالوا هنا في شنو؟...انتوا جنبكم مصنع معجون قريب هنا...وإلا صارفين نص الشهر.

مالكم بتضحكوا كدا ..زي كرت الفتوح البتجرو في اخر جرة.

لكن (الضحك) دا نحن هسع ما عندنا بيه شغلة.

الموضة الايامات دي براها.

موضة جديدة.

اي هلالابي تلقاه ..يمسكك ويمشي بيك على زقاق ضيق ويقلب ليك (هوبة).

يا زول في شنو؟.

يا زول مالك؟.

بعزمك (هوبة).

يقعد يشرح ليك في هوبة ساني لمن يمسكك (ابوالشهيق).

عشان كدا (السكر) تاني رجعوا يوزعوه بالكروت.

تاني رجعوا التموين.

الايامات دي ايام (هوبة) ساكت.

أي هلالابي بلاقيك بمسكك ويقلب ليك (هوبة).

الهلالابي (الهوبة) ظاهرة في (لياقة) قميصو.

كترت الهوبات (هردت) اللياقة.

غايتو يا ناس شندي ...انا عارفكم ...وعارف طبعكم... الهوبة بتشرقكم عديل كدا.

الهلال لاعب في شندي يوم 4 اغسطس مع الاهلي في شندي.

جهزوا (السباتة) ساكت.

على الشايفو دا ...يمين تشبعوا (هوبات).

مهند في اتجاه ..وابراهيما ساني في اتجاه.

دا بعمل لينا (حول).

هوباتنا بقت تطاقش.

زي جكوك المويات في رمضان...اي باب تطلع ليكم منو (صينية).

واي صينية معاها 3 جكوك.

شفتوا النظام دا كيف؟.

هوبة ساني مقاس كبير - مقاس (x6).

بمناسبة المقاسات دي.

مرة عندنا واحد بيلبس (شبط) لا مؤاخذة مقاس 61.

الزول دا مشي سوق ليبيا يفتش ليه عن شبط قدرو بعد ما قنع من سعد قشرة.

سعد قشرة طبعا اكبر شبط فيه مقاسو بكون 32.

في سعد قشرة ما في زول بيلبس ليه شبط اكبر من 32.

عشان كدا زولنا دا طوالي مشي سوق ليبيا يفتش ليه عن شبط مقاس 61.

اول محل دخل ليه ...لقي ليك صاحب المحل برص ليك في احذية في الرف الفوق.

زولك دخل فيه شمال ...قال ليه اسمع بلقى لي عندكم شبط مقاس 61.

صاحب المحل سمع المقاس ..ما نزل ليه ...قنع ليك طوالي من الزبون..ولا اتلفت ليه.

زولكم في رفو فوق ...قال ليه: عليك الله لو بنجيب مقاسات قدر مقاساتك دي كان محلنا دا مدخلو ضلفة واحدة.

يا اخوي مقاسك دا ما بتلقى إلا في محل بابو 5 ضلف...عليك الله كدا اعقلها كدا ...مدخل المحل دا بدخل ليه (فردة واحدة) من مقاسك الطلبتو دا.

صاحبكم مشي على محل تاني.

اسمع يا ابوالشباب بلقى عندكم شبط مقاس 61.

61 ليه؟...انت ماشي تقاتل في افغانستان ..و61 دا ألا تلقي في محلين فاتجين في بعض...في محل واحد ما بتلقى.

هسع دحين يا مريخاب ..ساني دا كدارتو مقاسها 61.

عشان كدا من هسع كلمو ناس بلة جابر يعملوا حسابهم.

موسي الزومة دا لو وقف جنب ساني دا بتشافوا مع بعض زي (العشرة).

موسي الزومة كدا...بلة جابر كيف؟.

بلة جابر دا إلا يطلع ليه في (سقالة).

بس الله يجيب لينا يوم 18.

والله اليوم داك تفهموا حاجة.

اقول ليكم حاجة.

الليلة عندي ليكم حصة.

حصة عديل.

موضوع الدرس.

السونوة.

السونوة دي حاجة زي (النونوة)....كمان قولوا ما بتعرفوا النونوة.

لكن قبل كدا طبعا أي استاذ بدخل الفصل اول حاجة بعملها بكتب التاريخ.

ساني ما عندو الحركة.

ساني بدخل طوالي في عنوان الدرس.

التاريخ ...والحاجات دي ما عندو.

زول في مباريتين جايب ليه 4 اقوان (ما شاءالله) دا يعمل ليكم شنو تاني..غايتو دي ما في زول سبقو عليها.

دي الترزي يوم الوقفة ما بعملها.

بالله تقول ساني دا مواليد دوري الدرجة التانية في الخرطوم.

تقول لعب في ميدان عقرب قبل كدا.

زول دا جاء نازل فاهم أي حاجة.

من اول مباراة سجل قون.

في المباراة التانية جاب هاتريك.

اقول ليكم الحكاية دي زي شنو؟.

الحكاية دي زي الفنان المن اول حفلة بطلع ليه شريط.

نرجع لموضوع الدرس...(السونوة).

المعطيات:

3 باكات زي (موسي الزومة).

يا جماعة عاوز اطبق ليكم النظرية عملي.

عشان ما في زول يغالط.

احضر 3( موسي الزومة) و4 كشافات.

اضف لهذه المقادر 2 (بلة جابر) زايد طلب كمونية.

بلة جابر عرفناه ...(الكمونية) لي شنو؟.

الكمونية للبعمل فيه (ليما) دا.

اول مرة اشوف لي محترف بدخل الملعب شايل ليه (مرايا).

اول نحن المحترف البدخل الملعب شايل ليه (نضارة) شفناه ...(البوسني نجاد).

لكن المحترف البدخل الملعب شايل ليه (مرايا) دي اول مرة نشوفو عند (ليما).

قالوا ليك ليما دا المباراة كلها بسرح في شعري في المرايا.

برازيلي وجديد في الدوري السوداني ...ليه حق يعمل كدا.

ليما بي (شعرو)...باسكال على شنو؟.

انا اول مرة في التاريخ ..اشوف لي زول بصبغ (صلعتو).

دي ما شفناها إلا عند (باسكال).

نرجع لموضوع الدرس.

ساني قال جيبوا لي 3 (موسي الزومة) و2 (بلة جابر).. و4 (كشافات ) وطلب

كمونية ..واسألوني من الباقي.

والله يطبق ليكم (نظرية) في الجماعة ديل سواق قندران ما عملها.

شرح الدرس.

المريخ دا عندو (اطراف) زي كورس الملاريا ...ما عندهم أي علاقة بالكورة.

عليه وبناء على (هوبة) مهند فان سين تساوي صاد.

دا طبعا شغل رياضيات.

ناس الرياضيات ديل طبعا بدون مناسبة كدا ممكن يقول ليك : اذن سين تساوي صاد.

جات كيف ما تسألوني.

تلات ارباع الطلبة ما فاهمين حاجة.

لكن أي زول عندو مشكلة في الحتة دي يدخل كورس (ساني).

يمين يطقطق ليكم الرياضيات دي زي (الترمس).

الترمس هسع ذنبو شنو؟.

الدرس الثاني.

عنوان الدرس ...(العصعصة).

المقادرير 4 (هوبات)..اضافة الي عكسية من (معاوية فداسي).

العمل :

صل عكسية فداسي براسية ساني.

المطلوب اثباته :

الكورة دي قون.

البرهان:

هوبة ساني.

الحل :

يا مريخاب شوفوا ليكم بلد ساكت.

انا عارف بعد (التقشف) دا تاني ما عندكم طريقة لي سيكافا.

غايتو لو عاوزين تطلعوا من الحتة دي إلا تعملوا ليكم اسبوع ثقافي ساكت.

سيكافا مع ظروف الدولة ما بتقدروا عليها.

لكن لو عاوزين تعملوا اسبوع ثقافي اعملوا.

ولو جبتو ناس (سلك) بتكلموا ليكم كويس عن الكاسات الجوية ...والطابق التاني.

مزمل الوالقاسم بعملها ليكم كلها (تاريخ).

ويا ريت لو كنتوا في التاريخ بتنستروا.

احسن تشوفوا ليكم موضوع من بدري.

ندخل بعد كدا للدرس الثالث.

عنوان الدرس.

(الليلة الكتمة وين؟.).

الكتمة يعني (الحفلة).

الحفلة في البعمل فيه الهلال الايامات دي.

ناس الهلال الايامات دي بي أي تشيكلة بغلبوا.

ما عندهم أي مشكلة.

يمشي بشة ..يجي محمد احمد.

يغيب نزار الصاقعة يظهر ايكانغا.

يقيف صالح الامين ..يتألق فداسي.

يا زول ها ..والله نحن افترينا عديل كدا.

الهوبة بقت عندنا بالكوم.

محل ما تقبل تلقي ليك هوبة.

الجرس ضرب قبل ما نكمل الدرس.

عشان كدا اقلبوا الصفحة ..وانتظرونا الحصة القادمة.

ملحوظة : الامتحانات قربت.

هوامش

القاعدة الثابتة هى ان ينتصر الاهلي القاهري على الزمالك.

ونحن في انتظار ان تشذ هذه القاعدة.

لكن مع الوضع الحالي للزمالك ..ما اظن القاعدة دي سوف تشذ قريبا.

وكذا الحال هنا بالنسبة للهلال والمريخ.

الشوط الاول بين المريخ والرابطة كوستي انتهى تعادل 1-1.وانا عاوز الحق المسلسل وارسل العمود.

ما ح انتظر المباراة تنتهي.

لكن بكرة بينا موعد ان شاءالله.

مامون ابوشيبة الايامات دي بتكتب في شنو؟.

طولت من كتابات الاخ الفاضل ابوشيبة..لكن طالما ان الهلال والمريخ سوف

يلتقيان يوم 18 اغسطس ..فاني ارجح ان تكون كتابة ابوشيبة عن ظلم الحكام

للمريخ.

يا ابوشيبة حكم مباراة القمة القادمة (اجنبي)..يعني عمودك دا تاني إلا تكتبوا بالفرنسي.

نصيحة للاخ ابوشيبة ..من هسع يا مامون شوف ليك عذر.

قول أي حاجة.

المقصورة ما اكتملت.

السور قصيّر.

قول أي حاجة.

مع ناس ساني ديل الهوبة بقى تشوفوا اربع مرات في المباراة.

مباراة الهلال والاهلي الخرطوم كانت صاحبت اعلى معدل للهوبات.

3 ساني وواحدة مهند الطاهر.

شوفتوا كيف؟.

قلت ليكم الايامات دي أي هلالابي بلاقيك بمسكك ويمشي بيك اقرب زقاق ويقاب ليك (هوبة).

خاصة بعد ان تم تبرئية الامين البرير.

هو البرير بدون تبرئية ما مريح الناس.

عاوزين تقعدوا ليه بعد ان انصفته المحكمة الرياضية.

شوفوا ليكم بلد.

انا عارف البلد بقت عليكم ضيقة.

اضيق من خرم الابرة.

قلنا ان الهلال عليه ان يضبط كروت الصفراء التى يتعرض لها لاعبي الهلال.

ايكانغا لعب مباريتين ووقف.

دي ماى حصلت.

ساني جاب 4 اهداف في مباريتين ...وايكانغا وقف بعد مباريتين.

نحي أي حاجة عندنا بي نظام.

مازلنا في انتظار هيثم مصطفى (حفظه الله ورعاه).

عودة البرنس سوف تضاعف من قوة الهلال.

عجلوا لنا بالعودة.

على ما يبدو ان الهلال حسم الممتاز بشكل نهائي ان شاءالله.

غارزيتو مدرب بدون خسارة ..(اللهم احفظها نعمة من الزوال).

الانتصار ال 15 للهلال في الممتاز على التوالي.

ولا حتى تعادل.

قولوا ما شاءالله.

الاهلي الخرطوم امام الهلال ركز على الشُباك واهمل الشبَاك.

الاهلي ركز على الدخل.

لكن الدخل في الشباك (المرمي) كان اعلى.

كان اكتر.

عشان تاني تركزوا في حاجة تانية.

قلنا ليكم حصص ساني دي ما تفوتكم.

انتوا قعدتوا تغالطوا.

السنة كلها تغالطوا.

تقول ما صايمين.

عاجل : صيامكم دا ما غلاطكم بروح عليكم ساكت.

انقر هنا لقراءة الخبر من مصدره.