وزير الشباب ووالي الخرطوم يشرفان ختام الفعاليات الرياضية بالشقيلاب    شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها    جلوس أكثر من 3500 طالب وطالبة لامتحانات الشهادة المتوسطة بمحلية الخرطوم    جوجل توسّع الترجمة الحية إلى آيفون وآيباد    الدولار يرتفع وسط توترات الشرق الأوسط    إندونيسيا تصبح أول دولة في جنوب شرق آسيا تقيد وصول الأطفال لمواقع التواصل    شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك"    كل ما تريد معرفته عن نزاعات الزمالك فى الفيفا وخطة النادى لحل الأزمة    تأجيل حفل شاكيرا فى الأهرامات من إبريل إلى نوفمبر 2026    ماجد المصرى: الخلاف فى أولاد الراعى تجاوز المال إلى جوهر العلاقات الأسرية    هل يمكن علاج الكبد الدهنى؟.. دراسة جديدة تربط الوقاية بفيتامين ب3    الإعيسر .. حين يفعلها رئيس أكبر دولة يسقط عذر الآخرين.. الإعلام الصادق أمانة ومسؤولية وطنية    شاهد بالصورة والفيديو.. رئيس المريخ السابق يفجر مفاجأة كبيرة بخصوص المحترف الجزائري المنضم للمنتخب السوداني ويعد بضم محترفين أفارقة لصقور الجديان    شاهد بالصورة.. تيكتوكر مغربية حسناء ترد على تعليقات الجمهور بشأن علاقتها العاطفية وارتباطها بصديقها اليوتيوبر السوداني    شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها    شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين"    شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك"    مساعدات غذائية تصل آلاف المستفيدين بوادي حلفا عبر منظمة اضافة للمساعدات والكوارث والتنمية    بالصورة.. في مفاجأة كبيرة.. محترف جزائري ينضم لقائمة المنتخب السوداني استعداداً لمواجهة السعودية    بسبب ضعف الراتب.. وزير الثروة الحيوانية بالسودان يبحث عن عمل إضافي    هل من أمل في الكرة السودانية؟    رئيس الوزراء يصدر قرارًا بشأن الرسوم الجديدة في المعابر    بروح قتالية عالية.. الهلال يضع اللمسات الأخيرة لمواجهة «روتسيرو» بحثاً عن الصدارة والثأر    تقارير تكشف عن تحرّكات كبيرة للجيش السوداني    محمد عبد الباسط يكتب: لهذا تحركت باكستان الآن للوساطة بين أمريكا وإيران    توضيح لجنة المنشآت بنادي المريخ : دورنا فني فى ملف المنشآت واللجنة القانونية تتولى اجراءات الاخلاء    عمرو دياب يحيى حفلا غنائيا فى تركيا 2 أغسطس    السكوت على هذا الأمر لا يرضي الله ولا رسوله!!    دراسة : النشاط البدني مفتاح الوقاية من السكري رغم زيادة الوزن    ماذا قال العميد طارق كجاب بعد إحالته المفاجئة للمعاش؟؟    ارتفاع أسعار الذهب في السودان    أحمد العوضي : بشكر جمهوري إنه عمره ما خذلني وصاحب الفضل فى نجاحي    دراسة تكشف ترابطا بين أمراض معدية وخطر الإصابة بالخرف    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    ضبط 2800 قندول بنقو بالجزيرة في عملية نوعية لمكافحة التهريب    ترامب يصدر أوامره ويكشف تطورات مثيرة مع إيران    هل مخالفة ترامب خلل في الكون؟!    الأمن يداهم مخزن يبيع الوقود المهرب لعصابات التنقيب عن الذهب    تراجع معدّل التضخّم في السودان    بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    أغلى علبة كعك في مصر تشعل مواقع التواصل    قيم الهلال المتوارثة يجب أن تبقى أبد الدهر    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    ملتقي التحصين للعام 2025 ينعقد بحضور التحالف العالمي للقاحات والشركاء    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



حجزوا على الكراسي والكشافات والابراج وجوازات اكرم وفييرا (قولوا واحد) بعد الحجز على (طابق شاخور) ..يا هيثم مصطفى اعمل حسابك على (كدارتك)
قوون نشر في قوون يوم 05 - 01 - 2013

في الفيلم المصري (ابوعلي) لكريم عبدالعزيز ومنى زكي ...ذهب كريم عبدالعزيز لزيارة (عمته) منى زكي للاحتماء عندها بعد مطاردة البوليس لهم ...لقوا البيت كلو عامل (جوطة) ...وشكلة لي رب السما ..عشان (عمته) مني زكي (الله يديها العافية في الفيلم) اكتشفت ان التلاجة فيها (قطعة جبنة) مفقودة.

قلبو البيت قلب ...عشان (قطعة الجبنة) دي ...الاكلها منو؟....واتفقدت كيف؟..والشالها شنو؟.

عمته مني زكي ..موقفة الشفع كلهم على فد رجل ..وبتستجوب فيهم لمعرفة الشافع الاكل (قطعة الجبنة).

الطريف في الامر ان كريم عبدالعزيز بعد ذلك اكتشف ان الزول الاكل (قطعة الجبنة) هو ابو العيال ذاتو...وان العيال (المزرورين) ديل ...ما عندهم أي ذنب.

الحكاية خربانة من كبارها...(زي حكاية السكر).

يعملوها الكبار ..ويقولوا ليك (الدولار) ارتفع.

هسع السكر ذنبو شنو؟.

السكر ..خلي ...الدولار ذاتو ذنبو شنو؟.

عامل (سنونك) دي ...زي شنطة الميكانيكي.

مثل هذه الحكاية ..تحصل كثيرا في البيوت السودانية (حكاية قطعة الجبنة) ...وهناك حالات فقد كثيرة قيدت ضد مجهول.

يعني مرات بكون عندك (بارد)...جبتو معاك ...ووضعته في التلاجة ..فتحت التلاجة (ساعة الصفر) وما لقيتو.

الشالو منو ما بتعرف.

فص ملح وداب.

البيت كلو ينكروه ليك ...تقول (مخدرات).

ومرات بتفقد من التلاجة ..(طعمية) او سندوتش بيرقر (لو الدنيا كانت اخر شهر).

في شفع (شفوت)...ما بخلوا ليهم حاجة في التلاجة.

قالب التلج ..ينزلوه.

عندهم حملات (تفتيش) على التلاجات بعد العودة من المدارس.

جوعة اخر الحصص دي ..بتخليك تقضي على الاخضر واليابس في التلاجة.

في شفع (عجورة) ما بخلوها.

الطماطم ما بريحوها ليك ...شفع (شواطين)..اي حاجة يشوفوها لازم يشيلوا منها (حبة).

مزاجهم كدا.

وفي شفع (الدكوة) ذاتها ما بخلوها...كيس (الدكوة) بقدوه.

شفع الزمن دا الواحد ..ترسلو لي بسكويت ...يجيب ليك صندوق البسكويت ..ناقص (بسكويتة).

الرصيد ...بسحبو منو.

ما تدقس وتخلي تلفونك فاتح.

عشان كدا في (تلاجات) بعملوا ليها (طبلة ومفتاح) عديل كدا....والموبايلات بشفروها.

زي ما في (شفع) شفوت ...في امهات شفوت برضو ..السكر برفعو ليك في اخر رف.

لو بقيت (سوبر مان) ما بتلحقو.

دا شكل من اشكال (التقشف) المنزلي.

في تقشف تاني.

مرات يوم الخميس ...والدنيا اخر شهر ..رب البيت بكون مفلس ..وما عندو قرش ...وما عارف يتصرف كيف؟.

يدخل ويطلع من غرفة لي غرفة....زي كمساري الحافلة الناقصة (نفر).

لا الحافلة عاوزة تتم ...لا السواق راضي يقوم ناقص.

رب البيت وقت يلقى نفسو في الورطة دي ..بنادي الولد الكبير ..وبقول ليه ..ادخل القفص ..وجيب (الديك) الاحمر دا ...خلي امك تشدو لينا في الغدا.

انا اول مرة اشوف لي (ديك) بشدوه.

دا ديك ..وإلا حصان؟.

ما مهم.

دا برضو شكل من اشكال (التقشف) الاسري ...الذي يحدث في السودان.

الله يستر بس.

في اشكال تانية من اشكال التقشف.

اصبروا انتوا بس.

انا عارفكم ..انتوا ضايقين ...وعاوزني اتحدث ليكم عن (الحجز) على طابق شاخور.

الدنيا دي ضيقة خلاص ..وانا ماشي عليكم.

وموضوع زي دا ...نحن ما بنفوتو...موش كان سجلتوا هيثم مصطفى ..والله لو سجلتوا (كرومة) ذاتو ما بتتفكوا مننا.

انتوا يا مريخاب ..وقت ما عندكم قروش ..(الفخشرة) ليكم في شنو؟.

الجوطة في شنو؟.

طابق شاخور ..وقت ما دفعتوا قروشو ...مسمنوا على (شاخور) ليه؟.

شاخور دا زول ما ساهل ..(له الرحمة والمغفرة).

كنتوا تسموه طابق (ود الياس)...كنا لقينا ليكم عذر.

انتوا بتسموا ساكت.

فوضي هي.

او كان تسموه طابق (همد)..والله زول بسألكم مافي ...لو خايفين من ود الياس.

ود الياس كان بسجل بالاتوس ..صاح ...لكن في ولايتو ..ما حصل ناس الكهرباء ..قطعوا الكهرباء من النادي ..او حجزوا على (كرسي) واحد في المقصورة.

الموضوع دا برجع ليكم عليه بالتفاصيل المملة.

عامل كدا زي عداد الكهربا ..وقت يكون فيه 3 وحدات بس.

خلوني ..اول حاجة اوقع ليكم الكلام ...عشان ما تغالطوا ساكت.

باقي نحن ..اي حاجة عندنا بي نظام.

في الشتاء ..في الصيف ..في الخريف ..اي حاجة عندنا بي نظام.

لو لقيت ليك زول شايل (نضارتو) ...وبحاول يبيعها ...اعرف ان الزول دا حالتو صعبة.

دا تقشف (بصري).

مرحلة حرجة ..انك تفكر تبيع (النضارة).

في اعتقادي (الفلسفي) ...الزول في مثل هذه الحالة ..بقول انا وقت ما عندي (قروش) الشايف ليها شنو؟.

خسارة (عيون) ساكت.

والزول وقت يكون (مفلس) ...الدنيا (بتضلم) ليه في وشو ...يعني ما في داعي للنضارة.

يبقى زي القميص الفيه (زرارة) واحدة.

ولو لقيت ليك زول شايل ليه (دبلة) وحايم في عمارة الدهب ...عاوز يفكها ....اعرف ان الزول دا بمر بي ظروف حرجة شديد.

الزول من يفكر يفك (الدبلة)...بكون وصل لمرحلة تفكير (سلبي) خالص في الحياة.

ولو مشيت (دلالة الجمعة) ...ولقيت زول (معتل) التلاجة ...وعاوز يتخلص منها ..اعرف ان الموضوع بقى خطير.

اخطر من كدا ..تفك (باب) التلاجة ...وتحاول تفكو.

يعني عاوز تتخلص من التلاجة ..قطعة ..قطعة....(قطاعي) يعني.

ناس المريخ وصلوا للمرحلة حقت (التلاجات) دي.

قبل كدا قلت ليكم الشاف فاروق جبرة شايل ليه (مروحة تربيزة) ببيع فيها في سوق ستة ما كضب.

قعدتوا تغالطوا فينا ...وتشوفوا كلامي دا بعيد.

اها هسع الكلام ...الكنا بنقولوه ليكم عن المريخ ...حصل.

الموضوع وصل مرحلة ان تصدر محكمة (حجز) على استاد المريخ.

حجزوا على طابق كامل.

يعني تاني في (بوليس) بكون واقف في الباب ...اي زول عاوز يقعد في (طابق شاخور)...البوليس بقول ليه معليش ...الطابق دا ما حقكم.

الطابق دا طلع من ايدنا.

ما في طابق شاخور تاني.

شركة باكار التجارية ما خلت ليها حاجة في استاد المريخ.

والله نحن وصلنا حد ..بقينا خايفين ...يتم الحجز على (كدارة) ولدنا هيثم مصطفى.

يا مريخاب ...هوي ...(الكدارة) دي جايبها هيثم مصطفى معاه من (الهلال).

يا هيثم ..ثبت حاجاتك بالقانون ...واحصر ممتلكاتك ...عشان موضوع (الحجز) دا لو استمر ...ما بخلى ليه (موبايل) حايم.

شركة باكار التجارية قالوا بواسطة المحكمة حجزت على كل هذه الاشياء :

كل الهياكل الحديدية بالطابق العلوي من الجهة الشرقية والشمالية الشرقية والجنوبية الشرقية.

شفتوا كيف؟..(الهياكل) الحديدية ...حجزوا عليها....ناس المريخ بقوا على (الحديدة).

والله نحن ما كنا فاكرين موضوع توقف (النفط) وضخه بأثر في المريخ لهذا الحد.

اتاريكم كنتوا كاتلين الجدادة ..وخامين بيضها.

كانت بايضة ليكم في (القفص) يا مريخاب.

الحجز شمل:

كل الكراسي الموجودة على الهياكل في نفس الطابق.

تاني الواحد لو ماشي يحضر ليه مباراة في استاد المريخ ..يشيل ليه معاه (كرسي).

شيل الكرسي لو بقى ليك صعب وحسيت بي احراج في الحتة دي ..شيل معاك (بنبر).

البنبر ما فيه حاجة.

بحدث في ارقي العائلات.

ما تقعدوا تطيروا لي عيونكم كدا ...زي الفول الما فيه (ملح).

والله نحن كراسي (محجوز) عليها بحكم قضائي ...لا بنقعد فيها ولا بنكضب.

ولا بنجامل في الحاجات دي.

حاجة تانية...بنقولها لي اولادنا (الجداد) في المريخ ..هيثم مصطفى وعلاءالدين يوسف ...يمشوا (استاد المريخ) بي كراسيهم.

اولادنا القدام ..الباشا واكرم الهادي سليم وكلتشي ...ان شاءالله يشمعوا ..ما عندنا معاهم قضية.

بس سيدا وفييرا ديل ..قعدوهم لينا عليكم الله....هم ما متعودين على الحاجات دي.

شوفوا فييرا بالذات ما بحمل ليكم أي (تقشف).

لا بعرف (تقشف)...لا بعرف الظروف البتمر بيها البلد.

الكراسي خلوها ...الكراسي (هينة)....ناس (سلك) ومعاوية الجاك ديل ..اصلوا (الكراسي) جديدة عليهم.

معاوية الجاك ...(كراسي) في مكتبو ..ما عندو.

عارفين موضوع (الحجز) وصل وين؟.

الكشافات في كل الاتجاهات بالاستاد تم الحجز عليها.

اها عليكم الله ..دا يقولوا عليه شنو؟.

تاني يا عصام الحاج ..مباريات المريخ ..إلا تلعبوها (عصرا).

اتمقلبتوا ساكت ..ودفعتوا فاتورة الكهرباء.

الكهرباء لزومها شنو؟...والكشافات حاجزين عليها.

تتفاصحوا ساكت بي ...(كشافات) ...قروشها ما دافعينها.

ويا ريت لو بقت على (الكشافات).

الأبراج التى تحمل الكشافات ذاتها (حجزوا) عليها...تقشفكم دا ..وصل مرحلة خطيرة.

الله يستر على (عربية) فيصل العجب.

اقول ليكم حاجة ...الابراج الاتبرعتوا بيها لاستاد الحصاحيصا ...رجعوها.

انتوا وقت ما عندكم قروش ...التبرع ما في داعي ليه.

ما في زول لايمكم ...جمال الوالي ..واستقال.

وناس عصام الحاج ديل ما عليهم حرج.

عصام الحاج ..لو عرف معلومة ابراج الحصاحيصا دي ..برجعها.

عصام الحاج ما بخليها ..في ظل (التقشف) دا.

البلد حالها واقف..زي الزول القافل على (كرت ميت).

والله نحن لو كنا عارفين ..توقف ضخ (النفط) بعمل فيكم كدا ....كنا عملنا المستحيل عشان الجنوب ما ينفصل.

اسوأ من دا (الكشافات) الموجودة بالمخزن ذاتها قالوا ليك حجزوا عليها.

يا عصام الحاج ..لو عندك (كشافة)..او زاوية قديمة في بيتك ...ممكن يحجزوا عليها.

الجماعة ديل وصلوا (المخزن).

دا تقشف شنو؟.

غايتو يا عصام الحاج ..اتمقلبت ..جنس مقلب في الدنيا دي.

دا وقت تمسك فيه المريخ.

ليه حق جمال الوالي (يستقيل).

يا زول جمال الوالي (الحجز) دا ما بقدر عليه ...ولا بستحملو.

انتوا عارفين (الحجز) شمل شنو؟.

كراسي الجلوس الفاخرة بالاستاد.

وكل المكيفات الموجودة بالاستاد.

وكل الكمبيوترات الموجودة بالمركز الاعلامى.

معقولة بس ..خليتو شنو لي عصام الحاج ..يا جمال الوالي.

تمسكوه نادي (محجوز) عليه.

يعمل بيه شنو؟.

يعني لو في مسؤول عاوز يحضر ليه مباراة في استاد المريخ ..إلا تأجروا ليه (كراسي) مناسبات.

استادكم دا ...طلع ما عندكم فيه أي حاجة.

انتوا تعالوا هنا ...(سور الدقير) الحاصل عليه شنو؟.

السور مرق منها.

الشيء المحزن ...ان (الحجز)...امتد ..اكتر من كدا.

يا ريت الموضوع لو بقى على الكشافات ...والابراج والكراسي.

يا ريت الموضوع لو بقى على (طابق شاخور).

انتوا عارفين جوازات علاءالدين يوسف واكرم الهادي سليم في الامارات تم (الحجز) عليها بواسطة المحكمة.

انتوا الجماعة ديل طلعوا في (المحاولة التخريبية) وإلا شنو؟.

بالجد كدا ...المريخاب ديل حالتهم بقت (صعبة).

قولوا واحد.

التقشف ...دخل عليكم ...دخلة شديدة.

موضوع (التقشف) دا ..ذكرني حاجة.

عندنا جماعة كدا ...ما في داعي لذكر الاسماء ...اخر الشهر ...بظهر في (كديستهم).

كديستهم اول الشهر ...تلقاها مبسوطة ..وفرحانة ....منفوخة ..وتلعب بالستائر ..وتهز في (ضنبها).

اول الشهر ...الكديسة ..بتكون بتضرب في السمك ..والفراخ.

اخر الشهر ..رأسها بيضرب.

انا بعرفها ليك من حوامتها تكتر على الجيران.

هسع دحين ..يا مريخاب ....التقشف ..ظهر في (كديستكم).

معقولة (الابراج) بقت ما حقتكم ...وما بتملكوا تصرفوا فيها.

دي حالة اخير منها (الدرجة التانية).

انتوا عارفين ...لو الموضوع دا حصل في ايطاليا او انجلترا ..بلوائح الاحتراف ...النادي طوالي بنزلوه (درجة تانية).

الاتحاد العام لو طبق الاحتراف ...مفروض ينزل المريخ (درجة ثانية).

لكن عشان (هيثم مصطفى) الجاكم من الهلال وعشان تاريخه 17 سنة بنخليكم سنة في الممتاز.

تكتروا ..تقللوا ...بنزلكم التانية مع الحرية وود نوباوي.

هى الحرية ..وود نوباوي ديل وين؟.

ملحوظة : انتوا رأيكم شنو؟...خلوني انا.

هوامش

محمد عثمان الكوكي ..قال في (ساعة رياضة) مع هشام عزالدين في الشروق امس ...انه ح يطبق (الاسلوب) الذي كان يطبقه في الاهلي شندي في المريخ.

تتخيلوا.

يعني المريخ الموسم القادم ..بطلع من الكونفدرالية قبل المجموعات.

ومع (الكشافات) الحاجزين عليها دي ...يمكن تطلعوا من دور ال (32).

علاءالدين يوسف لو كان عارف ..(تقشفكم) دا ..وطابقكم المحجوز ...كان مشى (اهلي شندي).

فييرا ..جنو وجن (التقشف).

بالجد ..الكوكي امس في الشروق ...كانت نفسو مارقة من المريخ ..واجاباته غير مطمئنة.

الكوكي وقت كان في الاهلي شندي ..كان بضحك من الاضان لي الاضان.

الظاهر (التقشف) دا جاب كثافة الكوكي.

من اجابات الكوكي ..قوله عن فيصل العجب ...ان العجب ممكن يكون (كابتن) اذا شارك!!.

اذا شارك!!.

في الوقت الذي لم يحدد مشاركة هيثم مصطفى ..وعصام الحضري من عدمها.

يعني بالواضح كدا ...العجب لن يشارك في تشكيلة الكوكي.

الحجز الظاهر شمل ايضا ...(فيصل العجب).

تعليقا ..واعتراضا ..نقول ان الامين البرير في حلقته مع عوض الجيد كباشي في قناة النيلين امس الاول ..رفض التعليق عن هيثم مصطفى ..وقال ان هيثم اصبح لاعبا في المريخ.

البرير احترم المريخ ...ولم يعلق ..بينما لم يحترم البرير الهلال عندما كان هيثم مصطفى (قائدا) للهلال بتاريخ يمتد ل (17) سنة..وظل البرير يصرح ..ويهاجم في هيثم مصطفى في الاذاعات والفضائيات.

هسع وقت بقى اللاعب لاعب المريخ ..قال (بدون تعليق).

كان اجمل ان يقول البرير ذلك وهيثم مصطفى (قائدا) للهلال.

لكن نقول شنو نحن بس.

الحاجات الغلط ..واضحة ..وما عاوزة ليها ..لف ودوران.

انتوا تعالوا هنا ...وقت اتكسرت كراسي استاد المريخ ..في مباراة القمة التى لعبت فى استاد المريخ ...مجلس المريخ ..ليه فلقونا بيانات ..وشكاوي ..واستقالات.

يا همد ...انتوا بتستقيلوا في (كراسي) ما حقتكم.

والله دي الفهلمة العوراء ذاتها.

عاجل : ناس الهلال قالوا دخلوا (الشغيل) الكورس الاول ..(تابعونا ..وابقوا معنا سوف نوافيكم بالمزيد).

انقر هنا لقراءة الخبر من مصدره.