***** بى إذن الله و عرق أجسامنا .. نلعب نتعب نرفع شانك. يا سودانا الوطن الغالي .. كل أرواحنا ؛ دمانا عشانك. *** لو ناديت لبيك ؛ لبيك .. دايماً ليك و بيك فرسانك. في وجدانا و جوه قلوبنا .. يا سودانا تملِّي مكانك. *** قايْد الفرقه و يا أصحابو .. هاك تاريخكم أقروا كتابو. سودوا الحاضر كونو صحابو .. و المستقبل شيدوا جنابو. *** نحنا رياده و نحنا قياده .. حق تاريخي نمسكوا قيادها. يلا نكافح عزم وإراده .. شان ما نصبح ديمه سيادها. *** شان ما نسود في الكوره العالم .. أحمي عرينك و أحرز هدفك كؤوس القاره و كاس العالم .. لو صمَّمت هدفنا و هدفك. *** لو مغلوب أو غالب لاوي .. ما تستسلم لمنافسنَّك. نحنا معاك و وراك دافعنك .. بالتشجيع و الفال راجنك.