هيثم كابو العتب مرفوع (مسحور) من الخير ..!! * دايرين نكتب عن كورة عزام لكن بصراحة في حاجة (سحرتنا) ..!! * الزعيم في قمة الجاهزية والحضور، و(كبسور) مسحور ..! * البعملوا فيهو الوصايفة دا بأكد أنهم (مسحورين) ..! * (الكبسوراب) يهددوا بكري المدينة بلوزان ويقولوا بلا خجل أن المهاجم الصاروخ سيتم إيقافه عن ممارسة كرة القدم، والجمهور لن يراه مرة ثانية في الملعب .. (فأبشر بطول سلامة يا عقرب) ..! * حمل الوصايفة لقب كبسور عن جدارة، وطرقوا أبواب الفيفا عشرات المرات ولم يسبق لهم كسب قضية، وهكذا هم دائما (كثافة في الشكاوي، وخسران مستمر منذ زمن البرقاوي) ..! * لو كانت لشكاوي كبسور قيمة لما تأهل على حسابه فريق بغض النظر عن ادمان الوصايفة للخسران والهزيمة ..! * ما دخل (كبسور) طرفا في شكوى الا وخرج منها يجرجر اذيال الخيبة، ليستحق عن جدارة لقب (ملك القضايا الخاسرة)..!! * سيبكم من الشكوى دي موضوعها منتهي وانسوا قصة بكري ..(لكن حقو تجهزوا أوراق قضية ولدنا نزار من بدري) ..! * يا مزمل : اتكلم مع (ابو النيز) دا قول ليهو تجيب معاك (البدلة الزرقاء) لأنها بترفع ضغط الوصايفة وشكلها جميل وبالنسبة لينا أهم من التسجيل ..! * نأسف لتسريب معلومات سرية لم يتم الإعلان عنها، ونقولها ليكم بصراحة : (موضوع نزار انتهى بس في أختلاف صغير في موضوع البدلة) ..! * (ابو النيز) اتحسم، لكن ما تقولوا لي (خلاص أستلم) ..! * تلاتة مليار ما كتيرة علي نزار ..(ولا عزاء لآدم) ..! * لمعرفة من هو آدم (راجع كتاب "المقلب" في شرح قصة كردنة مع العقرب) ..!! * إندهشت لإعلام الوصايفة الذي أطنب في الإشادة بمدثر كاريكا بعد طول هجوم لا لشئ سوى أنه أحرز هدفا في هلال كادوقلي، و(يا جماعة ما تضللوا جمهور الهلال، وزولكم دا بعد كدا ما عندو حل غير الإعتزال) ..! * أعتقد أن إلتحاق مدثر كاريكا في خواتيم هذا الشهر بكورس تحليل رياضي سيجعله يظهر على الشاشة في الدورة الثانية بمستوى جيد، فكل المعطيات تشير إلي أن كاريكا سينجح (محلل) أكثر من (مدرب) ..! * عزيزي باتريك : نتمنى منك أن تجهز (ميسي السودان) لتحليل الدورة الثانية من الدوري على قناة (بي إن سبورت) وتلفزيون السودان ..! * كاريكا (ضامن مقعدو) في الاستديوهات ..(والهلال سرو "باتريك") * احتمال كاريكا دا يكون (مسحور) ..!! * يا جماعة ورونا كاريكا دا مالو بقى (برا الشبكة) .. جاوبوا (مسحورين) من الخير .!! * أتفق مع (جوهرة رمضان) في قصة أن الهلال (نادي مسحور) لأنو مافي نادي لو ما كان مسحور بقبل باتريك دا مدرب ..! * نحنا ما ناس شعوذة ودجل .. (لكن بامانة البلجيكي دا معمول ليكم فيهو عمل) ..! نقش أخير * الخوف من فريق (كم كم) يفور الدم ..! هيثم كابو
