سودارس : مجلس الهلال شيلة المدرب عندو اسهل من (شيل النغمة)

العدل والمساواة تهنئي الامة بعيد الفطر مدير شرطة ولاية كسلا يتلقي التهاني بمناسبة عيد الفطر المبارك الهلال السوداني في مواجهة حاسمة بدوري أبطال إفريقيا الجيش في السودان يصدر بيانا بشأن اتهام كواسي أبياه: مواجهة الأرجنتين كبيرة بكل الحسابات ولكن لن تحقق أية فوائد فنية لصقور الجديان الترجي يكرر فوزه على الأهلي ويقصيه من دوري الأبطال الشعباني يعترف بقوة الهلال السوداني هيئة محلفين تدين ماسك بتهمة تضليل مساهمي منصة "تويتر" قبل استحواذه عليها الدولار يتجه لهبوط أسبوعي 0.94% رغم ارتفاعه "جوجل" تطلق الجيل الجديد من البرمجة التوليدية والي الشمالية يقدم تهاني العيد لمنسوبي قيادة السيطرة والشرطة والمخابرات العامة شيرين عبد الوهاب تفاجئ الجمهور بظهور جديد مع ابنتها بنك الخرطوم يفعّل أول خدمة تحويلات مصرفية USSD دون إنترنت عبر تطبيق بنكك حسين خوجلي يكتب: *الكاميرا الجارحة* الحسرة تصيب منتخب السودان بعد الصدمة الكبرى لماذا غابت النجمة الثانية عن قميص "أسود التيرانغا"؟.. الاتحاد السنغالي يصدر بيانا لكشف السبب 1000 تذكرة.. توضيح مهم لنادي الهلال السوداني كريم قاسم: شخصيتي في "مناعة" من أكثر الأدوار المركبة التي قدمتها دراسة تؤكد تأثير صحة الأب على الحمل والجنين أكثر مما كان يعتقد الأطعمة فائقة المعالجة تقلل فرص الحمل لدى النساء شاهد بالفيديو.. نجم كرة القدم المصرية الراحل: (مرة لعبنا مع الهلال السوداني وتفاجأنا أنا الطرف اليمين يبقى والد الطرف الشمال بتاعهم) شاهد.. مشجعة الهلال السوداني الحسناء "سماحة" تبهر متابعيها بصورها في العيد وتتباهى بجمالها: (أنا احلي من جورجينا وشاكيرا) شاهد بالصورة.. الناشطة وسيدة الأعمال السودانية رانيا الخضر تخطف الأضواء في ليلة العيد بلقطة على الطريقة الأرستقراطية شاهد بالصورة الفيديو.. الناشط منذر محمد يعانق اليتامى وأطفال الشوارع بالخرطوم ويهديهم "كسوة" العيد والإشادات تنهال عليه هل مخالفة ترامب خلل في الكون؟! هل تستطيع أمريكا احتلال جزيرة خارك الإيرانية؟ فيصل محمد صالح يكتب: العيد في كمبالا بالصواريخ والمسيّرات.. هجوم إيراني يستهدف 5 دول عربية رسالة من المرشد الإيراني مجتبى خامنئي الأمن يداهم مخزن يبيع الوقود المهرب لعصابات التنقيب عن الذهب غوتيريش يخاطب إسرائيل وأميركا: حان وقت إنهاء الحرب تراجع معدّل التضخّم في السودان ظهور لنجاة الصغيرة يفرح جمهورها.. والفنانة ترد "رجعت الشغل تاني".. مطرب المهرجانات مسلم يعلن انتهاء أزمته بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق دراسة : الأطعمة فائقة المعالجة تهدد كثافة العظام رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر انقطاع طويل للكهرباء يضرب مُدناً وقُرى سودانية واسعة في رمضان ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

مجلس الهلال شيلة المدرب عندو اسهل من (شيل النغمة)

كورة سودانية نشر في كورة سودانية يوم 03 - 03 - 2015

محمد عبد الماجد
دق الدلجة
مجلس الهلال شيلة المدرب عندو اسهل من (شيل النغمة)
واحد من الناس الفوق – عيونا خضر زي علبة الكبريت.
اول علبة الكبريت عيونها خضر؟؟.
الجماعة ديل ما تسألوهم – ممكن يشبّهوا على كيفهم ..ما في زول بقدر
يقول ليهم حاجة.
الزول قال لي (اكرا) ضيّع ضربة الجزاء ليه؟.
قلت ليه يكون فاكرها (كورنر) – اصلا ما في ضربة جزاء (لا وجود لضربة
الجزاء)..زولكم دا نفذها تنفيد (الكورنر).
طبعا اكرا ما بعرف عربي – قدر ما قالوا ليه ناس علاءالدين يوسف الشيء
دي (ضربة جزاء) اكرا ما فهم حاجة.
معقولة في (ضربة جزاء) بتمشي رأية الكورنر.
ضربة الجزاء بتمشي (الكورنر) اذا الحكم بيحسبها من (النص).
غايتو يا اكرا انت افضل من يرد على حكم المباراة.
….
محسن سيد زي ما اشار حسن فاروق في برنامجه (زمن اضافي) حسب تصريحاته في
(الصدي) امس ان الباشا والمعز محجوب هما من طالب باشراك ضفر.
يعني يا محسن سيد (غارزيتو) دا كان واقف في الخط عشان الكورة ما متلفزة.
طيب يا عبدالصمد – خلوا غارزيتو يقسم مع الباشا والمعز محجوب.
……..
زول من ناس الحلة قال لي انت تعال هنا (موسى الزومة) كان مشارك في
مباراة المريخ وعزام.
قلت ليه يا زول انت جنيت ..موسى الزومة بيلعب في الاهلي الخرطوم.
الزول قال لي طيب بكري المدينة دا ما بيلعب في الهلال – مع ذلك كان
مشارك في المباراة.
……….
طيب الذكر – قال لي رأيك شنو في كوفي محترف المرخ الغاني؟.
اكتفيت بي اني قلت ليه الظاهر كوفي دا بيحب اللحمة شديد.
……
الباشا كابتن المريخ بقى يقعد في الكنبة ويتلفت.
تفتكروا الزول دا قاعد يحول رصيد.
كل مرة يتلفت يعاين للجمهور.
…
بلة جابر كابتن المريخ – برضو اختفى.
بلة وقت يلقى اللحمة ما بيلعب ليكم.
……….
واحد تاني من الجماعة برضو ..قال لي بكري المدينة جاب ليه قون كيف؟.
قلت ليه بكري المدينة القون (عزومهو) عليه (عزومة) ناس (عزام) وما عاوزنو يجيبوه.
واقفين للكورة يتعازوموا.
انا يا دوب عرفت كلمة (عزّام) دي طالعة من وين؟.
…..
شفت اخر ..قال لي انت ناس النيل الازرق جابوا مباراة المريخ الساعة 12 ليه؟.
قلت ليه يكونوا افتكروا الهلالاب ناموا ..كورتهم انتهت من سبعة
البيسهرهم للساعة 12 شنو؟.
لكن الشفوت ديل ما بنوموا.
لو بنوموا دا ما كان حالهم.
نحن غايتو وقت شفنا (ضربة الجزاء)…قلنا خط 18 بتاع المريخ بيبدأ من
الحلة الجديدة.
معقولة في زول بيسحب ليه ضربة جزاء في المنطقة الصناعية.
طيب (الخرفان) على شنو؟..وقت بيسحبوا ليكم ضربات من برة البلد.
…..
الزول وقت يكون عاوز يشكر حاجتو …ساهل جدا يرفع من قدر الحاجة البيصرها.
لذلك قالوا ليك اي زول عاجبو الصاريهو.
ان شاءالله صاري ليه (حلبة).
عكس هذا بقولوا ليك الما بريدك في (الضلمة) بيحدر ليك.
الواحد لو عاوز يرفع ليك قدر (العدس)..بقول ليك : (والله عدس زي اللحمة).
زي اللحمة كيف؟ – عدس فيه (عضم).
ومرات الزول وقت يكون عاوز يشكر ليه جماعة ما عملوا ليه اي شيء – وما
قدموا حاجة ..بقوم يقول ليك : (والله عندهم موية بااااردة).
مويتهم سمحة لكن!!.
وزي ما في ناس بيشكروا ساكت – في ناس شغلتهم في الدنيا دي (الشناف).
يمشوا ليهم عرس ..يجوا راجعين منو – يقولوا ليك والله مشينا لينا عرس –
العروسة زي (يوجد مريض يحتاج لعملية نقل دم عاجلة).
يمين لو ما العريس واقف جنبها – كان فتحنا فيها بلاغ انتحال شخصية.
الضعفة كاتلاها.
او جابوا لينا صحن الكوكتيل لو ما (الموزة) كنا قلنا (كلمات متقاطعة)
اي حاجة فيه من حرفين.
والعجب الفنان.
كمان وقت يقبلوا ليك على الفنان – (كرومة) في قبرو يتململ.
مرة مشينا لينا حفلة – جاء واحد اتبرع لينا بالمعلومات قبل ما تبدأ
الحفلة – وقال لينا الفنان دا بغني غنا الحقيبة.
شفنا ليك الفنان عمرو على الاقل 110 سنة – قلنا ليهم اكيد الفنان دا
زامل (سرور) في سوق الموردة.
على اقل الفروض يكون اشتغل معاه فردة كورس.
طبعا الكورس بتاع اغنية الحقيبة ..بتلقاهم بعاينو في اتجاه – وبصفقوا
في اتجاه تاني.
والغريبة بعد دا بدخلوا ليك صاح وقت يشيلوا ليك (الرمية).
عندنا زول كبير في الحلة كان فردة كورس حقيبة – الزول دا وقت يقول ليك
(يلوحن لي حمامات) ريحة الحمام المشوي تشمها.
ناس وصّافين.
وقت كمان يدخل ليك في (بدور القلعة وجوهرها) لو ما فصلت الكهربة بتحصل حريقة.
وناس المطافي طبعا بيجوك السنة القادمة.
تقول معزومين حفلة عيد ميلاد.
مرة حصلت حريقة ..ناس المطافي وصلوا لينا بعد اجازة الفترة ..قلنا ليهم في شنو؟.
قالوا لينا قالوا في حريقة في الحلة.
نحن نسينا الموضوع – قعدنا نتذكر في (الحرايق) القديمة.
اخر حاجة رجعنا لي (غوغل) عرفنا ليك في حريقة حصلت في الحلة قبل (45) يوم.
قلنا ليهم طيب انتوا الجابكم هسع شنو؟.
قالوا لينا معليش المدير كان في اجازة.
قلنا ليهم خلاص – تاني قبل ما تحصل حريقة بنشوف جدول اليومية عندكم –
نوعدكم لو اي واحد فيكم كان في اجازة نأجل (الحريقة) شوية.
قالوا لينا : ايوا انتوا يعني الحريقة قاعدين تقصدوها؟.
قلنا ليهم ابدا ما قاعدين نقصدها لكن اي حريقة بنحكي ليها ظروفكم دي
بتقدر الموقف واتأجل الموضوع شوية.
مرة تانية عندنا زول طقتو ليك ملاريا.
الملاريا خلتو ليك زي الملايا من الضعفة.
شلناه وجري على المستشفى.
الدكتور قال لينا الزول دا محتاج ليه (17) قزازة دم.
قلنا للدكتور 17 قزازة دم نجيبها ليه من وين؟..نحن 17 قزازة سمنة ما
عندنا ليها قدرة – عاوزنا نجيب ليه 17 قزازة دم.
قالوا لينا امشوا بنك الدم.
قلنا ليه لو مشينا البنك المركزي ذاتو الرقم دا ما بنلقاه عندهم…(17)
قزازة دم انتوا عاوز تعمل لينا منو (خزان).
عاوز تعمل ليك سد يا دكتور.
عاوز تعمل ليك صهريج دم.
الدكتور مشى ليك على الزول الضاربوه ملاريا – قال ليه شاعر بي شنو؟.
زولكم رفع رأسو وقال ليه شاعر يا دكتور ان انبوبة الغاز ح تبقى ب (75) جنيه.
الدكتور قال لينا الزول دا حمتو عالية.
وملاريتو (طارت).
قلنا ليه طبيعي يا دكتور طول ما هو بتكلم ليك عن انبوبة الغاز.
بعدين الما طار شنو في البلد دي.
……………
واحد قال لي انت تعال هنا الكاردينال دا كل ما يجي راجع من برة يقولوا
ليك الكاردينال يحسم الملفات العالقة.
الملفات العالقة دي شنو؟.
يكون عاوز يشيل مدرب ويجيب مدرب.
ناس الهلال المدرب عندهم بيشيلوا زي (شيل النغمة).
ما بتلفت.
الكاردينال في كل سفرة بشيل ليه مدرب.
ويجيب ليه مدرب جديد.
خليك جاهز يا الفاتح النقر.
الكاردينال سفرتو بي مدرب.
…….
واحد تاني خالص قال لي تفتكر الهلال ممكن يرجع (خليفة) في يونيو القادم.
قلت ليه احتمال طول ما عاوز يرجع (ميشو).
اصلو ميشو كان افضل مدرب بكوريك في الخط (يا هليفة ارجع) ..هو وكامبوس.
…………..
شفتوا ناس الهلال من يقولوا ليك (الجوهرة الزرقاء) اعرف طوالي الزومة مضايقة.
يا كاردينال صلّح لينا الفريق اول.
ما عاوزين لينا (جوهرة زرقاء) في الاوضاع دي.
………
و
الهلال عنده اربعة لاعبين في المنتخب الاولمبي ..يعني السمتقبل كله في الهلال.
بشه الصغير متعة التمرير الموسيقي.
بنعرف التوزيع الموسيقي – لكن التمرير الموسيقي دا شنو؟.
…..
السيدة (ل) لو فكرتي في الهجرة …هاجرة بي (ركشة) طيارات الزمن دا ما
عندها ضمان.
وقرّض على كدا.

انقر هنا لقراءة الخبر من مصدره.