سودارس : شيبوب عملها في الملعب السوسي

القوز يقرر السفر إلى دنقلا ومواصلة المشوار لاعب منتخب السودان يتخوّف من فشل منظومة ويتمسّك بالخيار الوحيد الدب.. حميدتي لعبة الوداعة والمكر ⛔ قبل أن تحضر الفيديو أريد منك تقرأ هذا الكلام وتفكر فيه إلي اين نسير منشآت المريخ..! كيف واجه القطاع المصرفي في السودان تحديات الحرب خلال 2025 صلوحة: إذا استشهد معاوية فإن السودان سينجب كل يوم ألف معاوية إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل كامل إدريس في نيويورك ... عندما يتفوق الشكل ع المحتوى مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته إجتماع بسفارة السودان بالمغرب لدعم المنتخب الوطني في بطولة الأمم الإفريقية بولس : توافق سعودي أمريكي للعمل علي إنهاء الحرب في السودان البرهان وأردوغان يجريان مباحثات مشتركة شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها) شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي) بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها وحدة السدود تعيد الدولة إلى سؤال التنمية المؤجَّل تراجع أسعار الذهب عقب موجة ارتفاع قياسية عثمان ميرغني يكتب: لماذا أثارت المبادرة السودانية الجدل؟ ياسر محجوب الحسين يكتب: الإعلام الأميركي وحماية الدعم السريع محرز يسجل أسرع هدف في كأس أفريقيا شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! وزير الداخلية التركي يكشف تفاصيل اختفاء طائرة رئيس أركان الجيش الليبي "سر صحي" في حبات التمر لا يظهر سريعا.. تعرف عليه والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة استقالة مدير بنك شهير في السودان بعد أيام من تعيينه كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) مياه الخرطوم تكشف تفاصيل بشأن محطة سوبا وتنويه للمواطنين الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

شيبوب عملها في الملعب السوسي

كورة سودانية نشر في كورة سودانية يوم 27 - 12 - 2015

دق الدلجة
محمد عبد الماجد
شيبوب عملها في الملعب السوسي
ناس الهلال في تونس وصلوا مرحلة المباريات الاعدادية.
وجماعتنا ديل لسه بيسكوا في (التأشيرات).
لسه في موضوع (شيبوب).
عاوزين يشتكوا (شيبوب).
عندي ليكم سؤال ..(رسوم الشكوى) عندكم.
تشتكوه بي شنو؟.
قروش الشكوى دي لو عملتوها في (كهربة) احسن ليكم.
لو اشتريتوها (سيوترات) في البرد دا لي ناس خالد النعسان ..افضل ليكم.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
الجوهرة الزرقاء وصلت (الطابق الثالث).
وجماعتكم في (شيبوب).
طلع بالماسورة.
ونزل من الطابق الثالث.
الهلال لعب امس في تونس (في البرد دا).
وناسنا ديل بفتشوا ليهم في زول يديهم حق الكهرباء.
وشيبوب ما كان يعمل كدا.
وما حلوة من شيبوب.
وما ظريفة منو.
مزمل ابوالقاسم ما قادر لغاية اللآن يطلع من موضوع (شيبوب).
قالوا ليك مزمل ابوالقاسم في (اليوم التالي) بكون عاوز يكتب عن (رفع
الدعم) بلقى نفسو بيكتب عن (شيبوب).
بدون ما يشعر.
يا جماعة (الندية) بين الهلال والمريخ (انتهت).
والله بعد (جوهرتنا) دي ..في الدوري واحد ما بنقبل نكون معاكم.
ناس الاهلي شندي سافروا (القاهرة).
وطلعوا من البلد.
ناس المريخ قالوا مصر غالية علينا – نشوف لينا دولة (رخيصة) كدا.
دولة قدر قروشنا.
قالوا ح يسافر (اثيوبيا).
واثيوبيا ذاتها ح يسافروا ليه (دفعات) – ما عندهم حق التذاكر مرة واحدة.
انتوا (الفادني) البتفاصح دا – ما يدفع ليكم قروش المعسكر.
وإلّا اقول ليكم ..خلوه للكهربة.
الكهربة بتاعة النادي ممكن تكمل في اي لحظة.
اعملوا حسابكم.
رشدوا الكهربة.
ناس الهلال قبل شهر وزعوا (المعدات)…وجهزوا شعار الهلال في الموسم الجديد.
الهلال زيو الاحتياطي الثالث …حددوه ..والشركة جابت ليهم فنائل (سوداء).
وناس المريخ لسه ما طلعوا من صدمة (شيبوب).
مجلسهم لسه شابك ليك في القضية ..قالوا شنو قالوا ح يشتكوا (شيبوب).
بدل ما تشتكوا (شيبوب) ..مفروض تشتكوا (جمال الوالي).
عينكم في (جمال الوالي) وتطعنوا في (شيبوب).
لاقين ود الناس مسكين.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
المهم امس قالوا ليك لخطبة شديدة في مباراة الهلال امام الملعب السوسي.
قالوا ليك المدرب الفرنسي ..يكورك لي بشه الكبير ..يجيه بشه الصغير.
يرجع بشه الصغير ..يرجع ليه بشه الكبير.
الكسرة في الملعب يعملها بشه الكبير ..يطبقها بشه الصغير.
قالوا ليك من اللخبطة الكانت حاصلة في المباراة بشه الكبير جاب ليه قون
في بداية المباراة.
بشه الصغير قام جاب ليه قون في نهاية المباراة.
قون بشه الكبير حسبوه لبشه الصغير وقون بشه الصغير اتحسب لبشه الكبير.
شفتوا اللخبطة دي كيف؟.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
التوانسة لقوا ليك الابداع شغال زي حفلات محمد الامين في نادي الضباط
..قالوا عاوزين شوط تالت.
شوط تالت في البرد دا.
التوقيت شتوي طبعا يا جماعة.
في التوقيت الشتوي ..المباراة فيها 3 اشواط.
والشوط 30 دقيقة.
وقون يجيبو بشه الكبير.
وقون يجيبو بشه الصغير.
شغل عالمى.
يمين ناس موسى الزومة عرفوها.
موسى الزومة دا كمان لو لقاهو ليك ناس بشه الصغير ..بخلوا ليك موسى
الزومة يسرح بي عدلو.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
امس الناس الشاهدوا المباراة قالوا ليك (شيبوب) عمل جنس عمائل في (التوانسة).
ابداع ابداع مبالغ فيه.
يشيل ويطرح.
الزول دا عملها في ناس الجزائر ما يعملها في تونس.
شيبوب ..شغال (يخلط) في الباكات متل الليمون.
الباكات ديل بجمع فيهم اتنين ..واتنين.
وبطرحهم ليك على الملعب.
بجمعهم في الصندوق.
وبضربهم مع النجيلة.
وبيقسمهم على سبعة.
عمل فيهم عمائل عجيبة.
في واحد لحقنا ليك ..قبل ما ارسل العمود قال لي يا زول (شيبوب) ما شارك
في المباراة.
طلعو من العمود ما تحرجنا ساكت.
شيبوب ما سافر ذاتو…(انت بتتكلم ساكت).
قلت ليه عارفو ما سافر ..لكن عاوز اجهجه ليكم ناس علي جعفر وضفر.
عاوز اقطع ليك نفسهم.
بعدين شيبوب دا ما محتاج يسافر.
الزول دا من مخباه السري ممكن يجهجه ليك الجماعة.
هو عليكم الله ..شيبوب دا يخطفوه من فندقو.
وينزلوه من الطابق الثالث.
ويرجعوه عبر (4) مطارات.
ويتصوروا معاهو.
ويجي (الكاردينال) في منتهى الباسطة يسحبو منهم.
زول زي دا محتاج يسافر تونس.
محتاج يشارك.
اها اقول ليكم.
شيبوب دا من غير مشاركة بطلع نجم المباراة.
ومن غير ما يجيب ليه قون بطلع هداف المباراة.
الزول دا في الجزائر جاب ليه هدف عديل كدا.
الحكم قال الكورة عبرت.
الجزائريين ديل قالوا ليك والله نحن بلد المليون شهيد …المليون شهيد
ديل شفناهم شهيد ..شهيد ..زي قون (شيبوب) دا نحن ما شفناه.
عشان كدا نحن قون بشه الاول حسبناه لي شيبوب.
وقون بشه الصغير برضو بنحسبو لي شيبوب.
بس عشان نحرق ليك فشفاش الجماعة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
والعجب (ولاءالدين).
كمان دا قالوا ليك بعمل في حاجة.
الفرنسي كافالي …قالوا ليك بعد ما شاف ولاءالدين بطرح ليه في (9)
باكات بي غادي ..طوالي بقى يتكلم عربي.
كافالي قالوا قال بالعربي عديل كدا …العربي حقنا دا ..يا ولاءالدين
انت بي طريقتك دي ما بتخلي لي (بنكرياس) باك في الدنيا.
الفشفاش حقنا دا ..الفشفاش العادي دا ..عند الفرنسيين (بنكرياس).
عندهم كدا.
لكن شيبوب امس عمل عمائل.
امس سلك ضرب لي اثناء المباراة (19) مرة ..عشان يسألني من نتيجة المباراة.
قال لي النتيجة كم؟.
قلت ليه 3 / 1.
قال لي اوعك شيبوب يكون جاب ليه قون – الزول دا لو جاب ليه قون نحن مع
(الفلسة) دي ممكن نموت فيها عديل.
قلت ليه كلامي الاول ..القلت ليكم في بداية العمود ..قلت ليه شيبوب لكن
ما سافر مع الهلال.
سلك قال لي شيبوب ما محتاج يسافر ..الزول دا من (الكلاكلة) ممكن يجيب
قونو في تونس.
شيبوب دا نحن عارفنو.
نحن جبناهو من جوبا واتصورنا معاه ..ولقينا ليك تاني يوم مع الكاردينال.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
غايتو (البرد) بعمل ليك حاجات غريبة.
شيبوب من غير ما يشارك بجيب ليه قون.
اول انتوا يا ناس المريخ الزول دا ما شارك معاكم ..وجاب ليكم قون عديل
كدا ..وما حسبوه.
تاني يعمل ليكم شنو؟.
……………..
و
الناس دربهم مرق.
وناسنا ديل كلموا قروشهم في الجري وراء شيبوب.
قروشهم كلها كملت في السفر من مطار لي مطار.
هسع وقت بقوا على المعسكر ..لقوا قروشهم انتهت.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
…………
السيدة (ل) – قلنا ليك شيبوب خطير ..قعدتي تغالطي.
وقرّط على كدا.

انقر هنا لقراءة الخبر من مصدره.