بابكر سلك المواطن علي حسن سلوكة *تقدم المواطن علي حسن سلوكة *بطعن امام محكمة التحكيم الرياضية الدولية *وقبلت المحكمة الطعن شكلا بصفته تلك *وصفته تلك هي صفة المواطنة الملازمة للطاعن *ثم ناقشت الطعن موضوعا *واجابت طلبات الطاعن *لا لشئ سوي ان المطعون ضدهم المابتعرف ادوها تغرف *كشحت الملاح وضقلمت الكسرة وحشت السلطة حش *انتهي *وده المهم *اما الأهم فهو انتصار الامس والتأهل لمرحلة جديدة في بطولة كأس السودان *كان التأهل مهما جدا *لذا شفع عن سوء الاداء *وقد يكون ذلك السوء لحداثة المدرب *او يعود للحمل الزائد وتغيير البرنامج *لكن المهم التأهل *وقد كان *ولي سؤال *هل تحت اشراف(غراريتو) او غارويتو *نستطيع ان نلغي فارق النقاط ونتوج بالدوري؟؟؟ *ام ان العراك سيظل مشتعلا ويفقدنا نقاطا ووقارا نحن نحتاجه؟؟؟؟ *وهل النظام الاساسي 2019 تعديل يوليو 2021 والذي اعترفت به كاس *فيهو فقرة بتبيح للرئيس منفردا اخذ قرار تعيين مدرب للفريق؟؟؟؟؟ *واذا كان ذلك النظام يحرم علي الشخص الرئاسة وهو بره *الا يكون ذلك النظام قد ضغط علي سوداكال ؟؟ *لانو سوداكال شايفو برة *ايها الناس *دعونا من العنتريات وضياع الجهد في تحدي بعضنا *ومن كان لديه جهد فاليكرم به المريخ *وعلي المجلس الشرعي *ان يوسع صدره *ويزيد مساحات صبره *ويفرد جناحيه *ليضم كل ابناء الكيان *خلونا من الشلليات *والكيمان *والجهويات *مريخاب تكفينا جميعا وفيها متسع للكل *ما المهم منو جاب القون *المهم المريخ يجيب قون *مع فائق الاحترام لكل من يحترم القوانين والاحكام *ايها الناس *الحبيب الشفت الشايقي يحتاجنا *يحتاج للدعاء *فلا تنسوه *ايها الناس *ان تنصروا الله ينصركم *اها *نجي لي شمارات والي الخرتوم *كان شفت ياوالينا *القعدوا ماعندهم تفويض منينا *قاعدين لي شنو؟راجيين الباص ياوالينا؟؟؟؟ سلك كهربا ننساك كيف والكلب قال كاس قدامها ناس ووراها ناس والي لقاء سلك