عبدالعزيز المازري ناس جدة هوي…نحنا كلنا اخوان !!! *وطعون ما تخرش المية! *طعون موضوعية وطعون في الشخوص *مخالفات واضحة للنظام الأساسي لنادي الهلال! *مرفوعة للجان العدلية ببطلان قرار المجلس! * هلالاب جدة قالوا رامي والطباخ هم من تواصلوا مع الأعضاء المعينين طالبين مؤازرة اللجنة المريخية! * المؤسف ان مريخابي النوع (البكاتل) اتصل مباركا قبل صدور القرار من المجلس *اذن عندما نقول ان اللجنة لها علاقة مباشرة برامي والطباخ الثعلب المكار لم يأتي ذلك من بنات افكارنا! *قلت لهم كل هذا لا يثبت تورط الثنائي في العملية القبيحة الخسيسة التي سببت الشقاق في مجتمع جدة! * علاقتي مع الاخوان عثمان الأحمر ورامي كمال الهلال ولست مثل مجموعة الأغنام والقطيع والهتيفة والصفيقة الذين يسبحون بحمد رئيسهم الان ويسبون ويشتمون خلق الله كرام الاخلاق من هلالاب جدة بمؤازرة وتشجيع وتصفيق من مريخاب جدة ! *اقولها صراحة علي هلالاب جدة ان يثبتوا كل هذا وإلا عليهم مباركة اللجنة المريخية واهي كلها تسعين يوم وفي النهاية كلنا اخوان! *رامي وعثمان اخوان! *وباوارث وخلف الله كمان! *يعني اللجنة زاتا ياها هلال ومريخ *ومجموعة الغربية والرابطة الرياضية المريخية اخوان! *وكلنا اخوان ! *انتو هلالاب جدة مالكم معترضين! *القصة كلها علاقات اجتماعية وعملية *وما فيها حاجة انو اللجنة تكون بتدخلات اخوانية *ما مشكلة انو تكون من هلالاب الغربية المجموعة الصغيرة والرابطة الرياضية *مش هم اخوان ورئيس الغربية هو عثمان الأحمر وود الأحمر ورامي اخوان *ومجلس الهلال يعمل ما سامع حتي بوجود مريخاب *ماهو زاتو في أقوال يرددها المريخاب قالوا زولنا مريخابي عديل *الكلام دا كلو قفشات بين هلالاب ومريخاب والسوباط ازرق زي لون السماء *لكن يا نادر ماليك حق يا اخي! *انت زاتك وابوشيبه اخوان *رامي وعثمان اخوان يجمعهم حب الهلال ! *الموضوع دا ماعاوز زيادة ولا نقصان! *يبقي كلام تدخل عثمان ورامي في تعيين إخوانهم من الرابطة المريخية ومجموعة الغربية محال *زي ما قلت وسأظل اردد دوما! *سوف ادافع دفاع مستميت عن باشمهندس رامي كمال والأستاذ عثمان ود الأحمر فهم اخوان بحق وحقيقية، في الهلال العظيم وفي السراء والضراء ! *شباب يعرف كيف يخطط ويتكتك من اجل مصالح هلالية *ومصالح دي زاتا البتهمنا كهلالاب *ماليك حق الحبيب نادر!! معقوله يعني باشمنهدس رامي موقوف من قبل اللجان العدلية في الهلال *طيب طالما هو موقوف مالو السوباط عامل نائم !! طيب مش يمكن القروش اتسددت *ولا ظروف البلد غطت علي الموضوع * المهم ماعلينا فرامي كمال شاب لم يأتي للهلال اعتباطا بل جاء بتخطيط وتكتيك يعلمه رواد نادي الهلال ,انا معجب به شخصيا فهذا لوحده رسالة لكل الشباب الطامحين في مناصب ان يفعلوا مثل ما فعل حتي نراهم غدا في الأمانة العامة وفي دائرة الكرة وكل قطاعات الهلال الا الرئاسة دي عاوزه قروش *عادي يعني ممكن بكره تلاقي نفسك في الهلال والموضوع بسيط خذ تجربة رامي وعثمان واجعلهم غدوة لك وستصل بإذن الله *الحبيب ود الأحمر سعدت جدا وانا اراه ببدلتة الزرقاء وهندامه الانيق يتقدم الصفوف في زيارة النادي الأهلي كرئيس لقطاع العلاقات الخارجية في الهلال السوداني *انا زاتي اول مرة اعرف المعلومة دي وانبسطت شديد ! لانو هو الرجل المناسب في المكان المناسب فقد تدرج من رابطة الهلال ثم الرابطة الرياضية المريخية كما عمل في لجان الرئيس السابق الارباب وهاهو الان يصل مجلس السوباط كأحقية وخبرة جهنمية كروية *ولا اعتقد ان من مهام العلاقات الخارجية التدخل في الروابط الخارجية للهلال وحتي الهلال نفسه كمجلس لا يحق له التدخل بصورة مباشرة في عمل الروابط الخارجية *كلمة حرة أخيرة.. ناس جدة هوي…نحنا كلنا اخوان … حكاية عضو الرابطة المعينة يا جماعة البرير اسم علي مسمي تقليد ساي تشابه أسماء ليس له علاقة بالبرير الأصلي رئيس نادي الهلال ..جري هذا للتنبيه البرير حق جدة براهو وتطابق أسماء ليس إلا ! ما يكون رامي عينو عشان كده!! سيد الاسم محبوبى وكتين يبتسم…الدنيا ياناس تنقسم..(حليل البرير سيد الاسم) حكاية ثانية من يزكي باوارث ياهلالاب !! حكاية أخيرة خبرك شنو يا سمبرية!! حكاية قبل النوم النور الجيلاني عندو اغنية اسمها خواطر فيل وفعلا فيل (صغمبتوني) االمرة دي الموضوع خطير في حياتي مثله أنا ما رأيت قبضوني زي مجرم كبير ما قدرت أزوغ حد ما جريت قبضوني ليه جابوني ليه
