*عقد اجتماع بالديم الحبيب ضمانا والأشقاء الحبش. *وبعد أن قتل المجتمعون الموضوع نقاشاً *اقترح احد الاشقاء الحبش الاقتراح التالي *قال نحنا بنموت ليكم بسولارا في بحر دار *وانتوا موتوا لينا هنا بي....بي....بي راحتكم *وبكده نكون وفرنا على جمهورنا وجمهوركم عناء السفر وتكاليفه الباهظة *لاقت الفكرة استحساناً من الحضور واتفقوا على تنفيذها بحذافيرها *وتظل الاشكالية فقط في النقل التلفزيوني للمباراة *المباراة الهنا *البعض يقول ان المباراة ستكون ام غمتي *والبعض يقول ان العروض التلفزيونية ضعيفة *وبعض ثالث يسأل ضعيفة بالضا؟؟؟ *بدورنا طمأنا الاشقاء الحبش *وقلنا ليهم انتوا حاتلعبوا على ارض لا يظلم فيها بشر *واسألوا الحيمودي ومحل الحقنة *كما وان الاخوة في الصومال اشتهروا بالنزاهة وكرههم الشديد للمال بالذات الدولار *وعلمنا تحت تحت ان مساعد الحكم الاول عضو مؤسس في حركة الشباب المسلم الصومالية *والمساعد التاني داعشي اورنيك جمارك يادوبك رجع من كورس في افغانستان *اما حكم الوسط *فهو من المتشددين الذين يرون ان الرشوة فساد وان مس الدولار مس للحرام وكل ذلك عقوبته الاعدام بحد السيف *ضف الى ذلك ان استاد (الشيخة) يضم اللقاء *اذن لا ظلم سيحدث ولا يحزنون *وان عدم النقل التلفزيوني ما هو الا لتواضع العروض المقدمة من القنوات *المهم *بعد الاجتماع انتهى *والناس راجعين بيوتهم *اتنين من الشفوت بتونسوا *الاول: زولك ده ما وافق ينقل كورتنا للابيض؟؟؟ *التاني: ينقلها الابيض ليه؟ *الاول:عشان ندخلها *التاني:يعني ينقلها ليك هو الابيض عشان انت تحضرها وهو ما يحضرها؟؟؟؟؟ *المهم *مباريات اعلان التأهل للمرحلة القادمة شارفت *بروح الثورة نتمنى ان نرى السودان بانديته الاربعة في المرحلة الجديدة *بروح الثورة *واللهم طولك يا روح *المهم *اذا وفق الله الهلال في التأهل *على الاتحاد العام ان يشوف طريقة فترة انتقالات جديدة وسريعة *لانو مشروع العليقي اتضح من المباراة الاولى انو لحق مشروع الجزيرة *تشليع شديد *شلعوها العليقاب *وفطومة اختي تنتظر بفارق الصبر *ساصبر حتى يعجز الصبر عن صبري *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *المطرة بتجي من فوق بي ضبانها وطينا *ده عشان عاليها بقي واطيها وواطيها واطينا سلك كهربا ننساك كيف والكلب قال نحنا ذاتنا واطينا في طينا وبواعيضها وطنينا والى لقاء سلك