(تمت كتابة أصل النص على الذاكرة داخل سجن جهاز الأمن في الاعتقال الأخير) ... ضد الرحمن الحاج مدير الأمن موحد تب ما بتني الكلمة لي قوش الرب أو يسأل : ليه؟ وقوش ذات نفسو بيعبد بشة وبرضو بيهوى السي اي ايه بشة يصلي تجاه البيت البيت الابيض ! يتضرع ل ترمب داير دولار داير بمبان ودوام السلطة . وأمام الشعب يضرّع الزارعنا اليجي يقلَعنا صلاة الضهر يقبل موسكو وقبلة عصرو على الصهيون *** الأمن جهاز حرامي الغاز ودقيق العيش ضد الرحمن سرّاق بنزين سباب للدين بلسان الحال كتّال أطفال *** أولاد الثانوي مرقو وهديلا بنات الصف السابع أولاد الشارع أصلا في الشارع ظلو سنين منتظرين واقفين بثبات كالشجر الفارع ومازن محجوب أب عشرة سنين طلع الشارع دق الرصاص طلع للشارع لاقى المحبوب في رمشة عين *** ضد الرحمن كاتل قنّاص # وعبد الرحمن شايل كراس ضد الرحمن سكران سنّن خمر السلطان عبّ الرصاص # وعبد الرحمن فرحان سنّن قلم الرصاص ضد الرحمن فتح النيران # عبد الرحمن انصاب في الراس حلّق لجنان وعب الشارع ضد أنجاس ** ضد الرحمن الخالي مروّة فتح النار في العامل كوّه وفتح الكاتل شتت وفرّ وفتح السما للأنوار كوّه ولاقى شفيع والعمال الزايدين قوّة مرقو صفوف تجاه القصر حتى النصر *** رسل مذموم لابسلو نقاب حنتو من دم ضد الرحمن يدخل بالباب جهة النسوان لا إحم دستور لا رحم سودان أو قيم أديان والبلد الصي نسوان مرقن زغرودة تصد صوت الرصاص بالايد قفلن لي شارع الديم وملوهو هتاف دايرات إنصاف ضد الرحمن حلاف طلاق بزناد رجاف مرّق طلقات جرحت إنصاف وفاطمة الزين أم سبعة سنين ونبتن آلاف شعب السودان الجوة هدير والبرة سند نسمات أرواح ضمّاد لجراح *** ضد الرحمن يتجسس على الرحمة النازلة من الله شان تفرج الضيق يتحسس يترصد يطق الرحمة في مقتل ما الرحمة لازم تاخد تصديق الشهدا قالولو : رحمتو واااسعة كورك: يااا قوش رسل لي مدد *** الدم السال في محل طارق قاموا طوارق النور ومجاهد وود مرسال والنيل شاهد دليل للجيل جيل الفُرّاس .. مارق كالسيل صوت الرصاص .. في اضانو هديل ضربو البمبان .. النيم منديل يتشعبطو ديل فوق الدخان من قمم االبنيان يرمو القناص يا رقاص من فوق الدم جوعت الناس وانت المتخم ألعاب النار كانت تمرين التنك الفارغ من بنزين والبنك الفارغ وكلو مَدين والقلب الفارغ من الدّين عملوه اطار والني للنار *** مهند قوّام صوتا مسلول موبايل كام كشف المشهد مين الكتال ضد الرحمن صوّب سدد الموت الموت للعايز يشهد سقط الشاهد واتشهد حضن الارض شهّد شهّد ومد الكام للثوار صورة سامر وحولو نسور جيل الفيسبوك ديل الإعجاز طايعين للعدل للظلم عُصاه نُص البمبان قام القى عَصاه لغفت كذّاب معروف الماء طفاي للنار جيل الواتساب حرّاق للماء عرّاهو سراب . وفجّر لعيون في كل وشي بدل العينين اتناشر عين تسقي العطشان *** أبو ذر يستعجب كيف ما عندنا قوت ونِسْتَنا الموت والصومعة كلها كرشة كوز والصوت مكبوت ريسان السوط طااالت .. طالت دقون الزيف وعفن البوت خراب ود قوش مُنَشِّن ديمة ب عينو يمين صاب أبو ذر الخلى وصيّة جيبو دمانا بي سلمية حمرة عين *** وجوك كتار طالعين نابتين من الاض نازلين صابين زي أمطار حاسبو هظار يا غردون الجوك أنصار هذا الجيل الطرد الخوف العوّاض للزمن الراح ديلا ثبات أوتاد قضروف ماركو تواوا ومكي الشابك شرف الكاكي ود حلوف زي حردلو الكلمة فصاح جود ود زايد بالأرواح النصر أكيد نساء ورجال هتافا سلاح شباب أبطال الشهدا اطفال لا شك واكيد ترمي الأصنام وزي الأزهري يرفعو جد علم حرية واستقلال عدالة سلام والنصر أكيد عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.
