يامجدول على كتف الليل نجمات تفتح آهات كدة ساى يازول ؟! تنسج لوعات من لون الدم والجرح ألم !! غاير ح يطول ؟! كل ما النسمات هبت ح نقول : ياخ ما معقول !!! والفوضى تبعثر ترتيبنا مين المسؤول ؟! على كل مدماك فى الحزن وقتين يعصر دمعاتنا هطول مين المسؤول ؟! وقتين الغصة نشيج فى حلوقنا تؤول مين المسؤول ؟! ياخ ليه يادين ؟! كدة بس من غير ماتقول ؟! عاشقنك نحن وقابضين على كل ذرات الرفقة حنين والصبر حبال من نار مقتول ياطيب عادى وبسيط تبكيك البسطاء المحرومين من أى علاج لو كان بندول فى سوق لقاق واللحمة هناك الله كتلا أو كان مسكول يا أنبل زول تحترم الناس وأصدق إحساس إنسانى بجد حد الممكن واللا معقول ورسمت طريقك بتفلسف رؤية وحياة كنت المتحاوز يا يامهيمن يا صوتك عليو نسمع ونقول يامهيمن صول بينات الشعر بينات الزهر بستان وحقول البيلاسان أويا إنسان حيآ ميتآ نعشك محمول إنت المأمول إنسان كونى مستشرف أفق البشرية وتراهن على شوف الضو من شمسآ شارقة ومالا إفول يامهيمن صول محور فكرى فى ركن نقاش قوى جديدة ديناميكا مهول تفكيك الفكر الدينى الأيدولوجى من نزغ الوهم الميثولوجى فاسد معقول يا ماهر فن الآركولوجى وإزاحة طلسم من آخر تنقيب الحفر للمجهول ياساخر ضاحك يا باسم لمصير العدم البترول فى أجود مكانيكا الحركة الهايدوروليك والطاقة الكامنة اللا تفنى الماها تؤول والحركة الجامدة المختطفة والضعف الباين متحول والدهشة الفاغرة لفاه رفقات والهم هم هم والعجز ذهول ما كانت حركة لو ما الشك تجسيد لوصول حيآ ميت أديت القول ووقفت براك وأمامنا مثول من جيل الجدل المابعد حداثى وأول من كفن نقد فى القبر نزول يلغ سلامتنا للخاتم للكد كانديك فى أول قدة يا الفوته عجول وتفتح بالآس ألهو أساس الناس وسؤال مسؤل ماشين لى وين ؟ هم ساكت جو ! جايين لى شنو ؟! كدة ساي يازول ؟! عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته. ////////////////
