بسم الله الرحمن الرحيم في السلك داير ادخل في موضوع تاني لكن حكاية العربيه دي واجعاني شديد ابت تدور قدر ما دفروها ابت تقوم ابت تقوم نهائي تكون ياربي العربيه دي ابت تقوم عشان قعدت مع الوالي ! البقعد مع الوالي مابقوم كلمناكم العزيز قسم خالد زعلان من كلامنا عن العربيه يا قسم غلطان الفكاها عارت ولا اللقاها عايره اداها سوط ؟ عربيتكم ابت تدور نحن قلنا العربيه ابت تدور الغلط شنو ؟ عينكم للعربيه يا ناس قسم تزعلوا من ناس سلك ! انشاء الله المره الجايه تدور ياقسم لكن كان دورت الضمان شنو تعشق افرض عشقت الضمان شنو تتحرك افرض اتحركت الضمان شنو تقيف الفرامل ما مضمونه غايتو الزول السايقها الا يبقي زي سواق الكارو اول ما تتحرك يقعد يكورك حاسب 0000 اوعه 000 اعمل حسابك ياكابتن هيسسسسسسسسسسسسسسسس عشان تقيف وانا مني البرسيم حاوووووووووووووووو اعملوا فيها مسجل مني ليكم هديه كاسيت تركبوهوا وتشغلوهوا اركب الحنطور تربت تربت واتحنطر تربت تربت وحبيبي الجو بتاعي يركب جمبي ويتحنطر تربت تربت حاووووووووووووووووو ونتموا ونسميهوا نشيد العربيه عشان ما تزعل يا قسم المهم العجب قفل الميه الاولي المؤيه التانيه ياعجب يجب ان تبدأ بجوز في الخرطوم والطريق الي المؤيه الافريقيه يا عجب يجب ان يبدأ بثنائيه في الترجي عجب ماشي صاااااااااااح نحمد الله لا فتر ولا دشر اتدشري قالوا فرحانين عشان الحضري بكي في التلفزيون وقال ماشي الاهلي عشان كده الاسماعيلي ما بلعب الحضري كورة الرد ماتفرحوا ساااااي الحضري لو فرش ودق صيوان وسكل واتكندك بالتراب , كورتكم لاعب لاعب اخير تعملوا خطة الجزائر وتزوغوا قالوا الناس اللاعبين مكرر حايلعبوا بعد شهرين يعني ابو الهل ده يقعد شهرين معلق بين السما والارض ! ماكتيره يا اخوانا ! قال لي التحكيم قلت ليهو التحكيم السكت علي كدارة مدافع المورده وهي تلثم خد مصعب ولا التحكيم السكت علي رفس اللمعز لماهجم الاسماعيلي في وجهه ومررها الا ان المعز كرر المخالفه واجبر الحكم علي احتساب الاخيره الغير خطيره والتي احرز منها الاسماعيلي هدفه الشديد ولا التحكيم الاحتسب ضربة جزاء لما الكورة ضربت في ( ضهر ) لاعب كانو بلايزر ولا التحكيم السكت علي ضربة جزاء جزيرة الفيل ولا التحكيم الطرد رقم (2) وعدلها في التقرير الي رقم (12) ولا التحكيم الاحتسب ضربة المرمي ركنيه رغم انف امبيلي اتلفت لقيتو مشي العربيه دي واجعاني وجع ! العربيه الماسوره ايها الصفوه شباب الاولتراس يناشدونكم بالاحتشاد يوم الترجي البروفه يوم مباراة الخرطوم اي مقترح للتشجيع الداوي هم في انتظاره من له مقترح عليه الاتصال بالرقم 0904949027 طارق محمد او 0915152172 محمد رحمة الله قرأت عمود الرائع احمد محمد احمد الذي جاء بعنوان كاربوني وفرصة العمر وجاء في العمود انه ( اي احمد ) قرأ ما كتبه الرائع حسن عبدالرحيم بعنوان اعتبروني مجنون 000 الهلال سيتأهل 000 الحقيقه قريت كلام احمد محمد احمد وفي حتة ( سيتأهل ) الطباعه كانت طاشه شويه فما عرفت الكلمه ( يستاهل ) ولا سيتأهل افتينا يا ابو حميد انت القريت سلك كهربا لن ننساااااااااااااااااااااااااااااااااااك والي لقاء سلك babikir maki [[email protected]]
