بسم الله الرحمن الرحيم في السلك قاعدين بنتونس عن كاس العالم في واحد من ناس قريعتي راحت فتح خشمو وبسمع قلنا الارجنتين احسن فريق عندها تسعه نقاط صاحبنا نطه وقال الهلال احسن من الارجنتين عندو تلاته وتلاتين نقطه ضحكنا ماحبينا ندخل معاهو في نقاش وماحبينا نقول ليهو التحكيم عندو واحد وعشرين نقطه من التلاته وتلاتين اولها نقاط جزيرة الفيل وضربة الجزاء المسكوت عنها وماحبينا نقول ليهو والحظ عندو تسعه نقاط من التلاته وتلاتين نقطه اول تلك النقاط نقاط المورده التي عاكسها الحظ في هدفين انفراد كامل وبرضو من تلك النقاط قون كاريكا من المنتج للمستهلك من الدعيع لكاريكا كاريكا الضيع البلنت ماحبينا نخرج عن موضوعنا الاساسي واصلنا كلامنا عن كاس العالم قلنا الارجنتين تسعه نقاط ميسي نجم المباريات الثلاثه بامر الفيفا كم هدف احرزه ميسي ؟ تقول لي برضو اعارة وارقو ! المهم واصلنا كلامنا اكتشفنا انو الجزائر اتشربكت في مصر سااااااي وطارت اسي لو المشاركه مصر كان سمعنا المعلق يكورك لما صوتو يروح احمااااااااااااااااااااااااااد حسن لجدوووووووووووووووووووووووووووووووووووووووو يااااااااااااااااااااااااااااااااااااااااااه يا ولاااااااااااااااااااااااااااااااااااااااااااااااااد جوه القون مصر للمرحله القادمه لكأس العالم امريكا مين ياعم المصريييييييين اهممممممم مصر لكن ربك اراد وواصلنا في الحديث عن المونديال استنكرنا عدم مصافحة مدرب فرنسا لمدرب جنوب افريقيا وقارنا ذلك برفض الوصيف الطلوع للمقصوره واستلام الميداليات موش قلت ليكم كل من لبس الازرق خرخار حيرتونا ياديوك ديوك فرنسا الرائع قسم خالد تحدث عن تطويع القانون ولم يحدثنا عن طي القانون وكسر رقبته المهم عدنا لتسجيلات شداد لم نتحدث عن التجاوزات لانها كتيره وبتاخد زمن قالوا البرنس قال تسجيل المعز تسجيل امه امه قومي ياربي ! البرنس زاتو اعاد تسجيله اربعه سنوات قادمه قادمه موش فائته تخيلوا اذا كان تسجيل المعز تسجيل امه يبقي تسجيل ده شنو ؟ تسجيل امم متحده ! اربعه سنين قادمه قلت لي ميلا لعب وعمرو كم ؟ المهم قال لي الوالي حايستقيل بعد التكميليه قلت ليهو طيب ليه يلتزم لكلتشي باعادة قيده في ديسمبر ؟ روشا تحدث عن النجم الخلوق علاء الدين يوسف ياسلام ياروشا رددوها وصدقوها واحلفوا عليها الرشيد قال المدينه الرياضيه حلمنا حلمكم من وين ؟ بتحلموا سااااي انتوا ؟ يسمكم ياروشا دايرين كمان تتشبكوا في حاجه ما حقتكم ؟ حقتنا نحن ارجع للقرار ولشريط التلفزيون عشان تعرف المدينه الرياضيه حقتنا للعلم صرح الشهيد الزبير بمطار الخرطوم عند عودة المريخ بكأس مانديلا وقال بالحرف الواحد تكريما للرياضه والرياضيين بمناسبة فوز المريخ بكأس الكؤس الافريقيه قررنا نحن مجلس قيادة الثوره ان نقيم مدينه رياضيه كبيييييييييييييييييره عرفت انها حقتنا ؟ يعني لو ماجبنا كاس مانديلا كان المدينه الرياضيه دخلت الخطه الاسكانيه يا روشا قال نحلم قال تحلموا ساي انتوا ؟ احلموا ليكم بحاجه حقتكم احلموا بمنقاش خلاكم اجل الدلاله الجقر مات حاجات زي دي ذكرتني يا روشا الزول القال حلمان دخل الجنه جنه بالجا ؟ الصفوه دايره مهاجم اصلي من امو يكون بديل لايداهو يعني لاتهم الاسماء المهم العطاء والولاء والغيره الاخوه في لجنة التسجيلات ماتستعجلوا تسجيل ماستر مادايرين تسجيلات الحفلات الدكاكينيه بتخرب ( الهد ) وبتتشربك في المسجل منقاش متين ؟ جاهزين وبالكااااااش كمان الناس تفرح باعادة تقيد التعاون تقول لي نعير وارقو ! وارقو نشاء الله لاتموت لاتفوت سلك كهربا النسيان عدم عشره والي لقاء سلك babikir maki [[email protected]]