مسطول صحا من النوم مخلوع و قعد يبكي مرتو قالت ليو مالك في شنو ؟؟ قال ليها انا حلمت انو في ناس مسكوكي ودقوكي قالت ليو ما تخاف دا مجرد حلم قال ليها انا ما ببكي لانو حلم ******* بايره عندها 50 سنه جاهم حرام قعدت تكورك الحرامي الحرامي ! الحرامي قال ليها يا اميرة الشباب انا جايك عريس قعدت تضحك ناس الحله جو قالو ليها وين الحرامي قالت ليهم هووووووووي حراميتنا بنقبضهم براااااااانا. ******* وحدة عذبه راجلها بقروش الصندوق كل يوم ياراجل: جيب قروش الصندوق قال ليها : ي وليه انا مما عرستك تدخلي فى صندوق وتمرقي من صندوق ..قزازة بارد إنتي؟ ******* مسطول مشى لخطيبتو زياره يوم الجمعه قابلتو وبزهج سألتو: الحكايه شنو !! سنتين وانت بتجينا كل جمعه حا نتزوج متين ؟؟ رد عليها : نتزوج ؟؟ !! وتاني انا يوم الجمعه امشي وين؟؟؟ ******* اتنين حراميه ,, واحد ذكي واحد غبي ,,, نطو في بيت ,,, سيد البيت صحى بيهم ,,, قال دا منو؟؟ !! الذكي قال : ميااااااااااو !!.... الغبي قال : ديل نحنا الكدايس ي عمو !!!!.... ^_ ******* مسطول ابوه طردوا من البيت قعد ساعتين البرد ضربو ليك جاء تاني راجع دق الباب ابوهو فتح ليه المسطول قال لابوه اسمع داير اسألك سؤال ؟ دا بيت ابوي ولا بيت ابوك ؟؟ قاليه بيت ابوك طبعا المسطول قال ليه خلاص زح لي كده ولا كدة ******* مسطول بيلعب كوره شات لى كوره قويه الحارس ماشافها الا فى القون الجمهور صفق ليه شديد المسطول اتكيف للآخر وقال ليهم الحالة دى شايتها بكراع وحده مسطول بحكي لبتو قصة قبل النوم يقول كان ياما كان فيه مرة تيس شاف عصفور فقال الاسد هاتوا لى هذا الارنب فسقطت البقرة من فوق الشجرة ووجدت الام ولدها فرجع الشرطى الى القسم وطلقها زوجها وقال انتى طالق طالق طالق فوقع من فوق واصيب بالشلل فغرق فى البحر ونامت السمكة بين الصخور فقال النسر لازم نتعاون كى نصطاد الحوت واحتضن كيس البصل وقال لها انا احبك وعندما سافر محمد للدراسة ضاع منة دفتر الدرجات وقالت الزوجة انا رايحة لبيت اهلى وقام الفيل بعد يوم طويل وسبحنا فى نهر النيل وقال بسبس فقال الكلب مياو ******* واحد عندو غنماية ضعيييييييييييفه وداها السوق عشان يبيعا .. اول ما دخل السوق لاقاو تاجر سألو الغنماية دي ادوك فيها كم ؟ الزول قال ليو ادوني فيها 750 الف .. الغنماية دنقرت راسا و قعدت تضحك ******* واحد مليونير عمره 50 سنة بيحتفل بعيد ميلاده فعزم كل الناس إللي بعرفهم، وفي الحفلة أخذ الميكروفون وقال للحضور : في الحديقة حوض سباحة، وفي ... ... الحوض سمكتين قرش وإللي يسبح من أول الحوض ويطلع من آخره بديهو اللبطلبوا وطبعا ماف واحد تجرأ يسبح .. وبعد شويه سمعوا صوت واحد نزل الحوض الناس إتلموا عشان يشوفون منو النزل شافوا واحد بسبح ويسبح والقرش وراه وبسرعه طلع قبل ماياكلو القرش .. فقام صاحب الحفلة وأخذ الميكروفون وقال: أنا عند كلمتي آمرني وأطلب أي حاجة عاوزه حتى لو عايز بيتي أو سيارتي أو تتزوج بنتي أو تاخذ كل حلالي.. فأخذ المسطول الميكروفون وقال : ماداير قروشك ولا داير بيتك ولا داير بنتك بس داير أعرف منو ابن الكلب إلدفرني ده؟؟ ******* مسطول حرامي تلب في بيت ووقع في طشت لقي المرة بتغسل قاليها امي قالت ليك حميني هسي ******* بت بايره مسطوله سطله جد سطلت و رفعت يدها للسما وقالت يارب المطره تصب رجال.. قبلت وراها لقت ليها شافع .... قالت هى بدت تنقط. ******* مسطول مشا عرس لقا العروس سمحة شديد والعريس شين شنا قاسية مشا سلم عليهم وعاين للعريس قال ليهو صحي النور بلم الحشرات. ******* مسطول طالع من البيت مرتو قالت ليه : ماشي وين ياراجل قام شاكلها وقال ليها : مية مره مش قلت ليك ما تساليني السوال دا طلع الشارع اشر لي تباع تاكسي بتاع التاكسي قال ليه : ماشي وين المسطول قال ليه: انا مرتي في البيت ما وريتها اوريك انت ******* مسطوله عزموها عرس... مكتوب في كرت الدعوه: السيده فاطمه وكريماتها مشت العرس شايله معاها فازلين ونيفيا وجونسون وفير اند لفلي