قدم التلفزيون القومي حلقة مميزة .. عن الحركة الشعرية في السودان وعلاقتها بالجهاد.. والحماس .. تحدث فيها الدكتور الكاروري و المميز خالد شقوري تناولوا فيها الحركة الشعرية وربطوها بالجهاد .. والمجاهد بالصوت قرشي الطيب وكما قال الشقوري إن اعلى درجات الجهاد هو الجهاد بالنفس .. واعلى درجات الشعر هو الشعر الجهادي.. وافرد هذه المساحة للملحمة القوية التي اجتاحت وجدان القلب المجاهد .. والمجهد من عرق الحروب .. اهداء للقوات المسلحة.. وللجنود الذي يتجاذبون الموت .. من اسنان الوحوش.. ومن اجل الوطن.. القصيدة من تأليف هاشم سعيد موسى .. الذي لم اعرف منه سوى الصوت الواضح .. والمريح .. والعبارات الواثقة .. والنبرات الراكزة.. غزير الاحساس .. والتحسس.. واخراج المبدع دون جدال والمميز بلا نكران ...شكر الله خلف الله .. وغناء الصوت القوي عماد عوض الكريم .. عشانك انت يا وطني عشانك انت يا وطني وعشان سيفك صعب بتار عشان ناسا غبش زينين نقيف سندالة نبقى ستار ونتلملم صغار وكبار وكبار وصغار ونبقى كتار .. وللسودان تجي القومة محل نمشي بتبق النار طعم الفرحة بي جيتنا موصوفين ونحنا منار اتلملمنا من كل بيت وللسودان نعز الدار اتعاهدنا نصون الوطن كان نستشهد في الميدان البدورلو حنان حنين تب والبدورلو قتال نختو قرض نشيل الليل ونتحزم نسوي من الفقر خلخال يمين لو متنا نحنا رجال عطية الواحد الجبار جنودنا هديل ادب وابداع ..وفي الحارة جسارة ونار نقلع شو ..نطير في الجو ..ونمسح اي زول غدار جدودنا زمان وصونا على الوطن اغاني قديمة تجدد..تجدد فينا ..روح اجدانا في كرري البسالة ..نهار ..وجدودنا وصونا على الوطن