مهما يحدث وحدث من متاعب وشقاء وتعب في سبيل العيش في السودان لن نتخلى عنك يا بلد..... بل سنملأ نفوسنا أملاً وتفاؤلاً من أجل غدٍ أجمل وأسعد..أتمنى أن يدرك الشعب السوداني أهمية الزراعة ويزرع كل الأراضي البكر حتى تعود عليه بحصاد وفير وخير دفيق...... وينعم الشعب السوداني بصحة جيدة وكل شيء سيصبح عال العال.... بس عاوزين نتسامح من الداخل ونحترم بعضنا ونعز بعضنا (وأحسن منك يا بلد مافي( عاوزين نتماسك ونتشابك من أجل البلد.....(الفات زي مابقولو مات) خلونا نبدأ من الليلة وكلنا نعيش من الخيرات الوفيرة، وعشان خاطر البلد ننسى الحصل من السوء والسيء ونشوف بلدنا ونشوف مستقبلنا ...... حتى نستطيع أن نعيش في أمن وأمان ما عاوزين بلدنا تضيع عشان لحظة قدر.. حصل الحصل.. أتمنى أن تنتهي كل الخلافات وأن يسود نوع من الوعي الثقافي والسياسي والاجتماعي والاقتصادي ...... (السودان ليس من الدول الفقيرة) بل أهله من أفقروه فأصبح ضمن تلك الدول، وإذا أراد اللحاق بركب الدول المتقدمة يمكنه فعل ذلك، لكن أين العزيمة والقدرة على فعل هذا!! مايجعل السودان عاجزاً عن فعل شيء عدم الاتفاق في الرأي وكثرة المشكلات والأنانية الزائدة.. وهناك ملحوظة مهمة جداً العاطفة الزائدة هي ما تجعل الدول تستغل امكاناتنا ومهاراتنا سواء كان في التجارة أو في الصناعة.. أتمنى أن يتخلص السودان من كل السلبيات التي تجعله في ذيل القائمة .