أنا بكره اليوم الصنع قلباً يكورك ويندهك أنا بكره الوطن البلم شرف الغرام المنتهك من ياتو باب طليت عليْ ما كنت أصلاً بشبهك أنا بكرهك أنا شلت ريدك في القليب وسقيتو من دم العروق صنقعت دليت النجم دنقرت كبيت نور وشوق وعصرت موية الانتظار ختيتا في وجع الحروق وكان النتيجة تبيع هوى هو أريتو كان سويتلو سوق أنا بكرهك من وين أجيب ليك الدموع من وين أصنقر حيل كلام كان أمنيات قلبو الرجوع من وين إذا هتك الضلام حيل خيلي ألقالك شموع لكني مجبور أطردك وأقفل وراك باب الضلوع شديت رحالاتي ومشيت وكتين هتك حيلك هواي ارتحت في موجي ورسيت لا حرك الموج البحر لا صد قلبي ولا قسيت لكن طلعت خيال عشم ضمخ رؤى الوجع المميت أنا بكرهك قدر اشتهاي أنا بكرهك قدر الغرام الكان زمان كابت مساماتي وهواي أنا بكرهك قدر إني ما لودت بيك كريات شراييني ودماي أنا بكرهك قدر إني غنيتك غناي