معروف الخريف في القضارف.. وطبيعي قطوعات الكهرباء.. ولكن الشيء غير المنطقي خدمة ال «4848» تحت الرقم «3» قريب الثلاث دقائق حتى يرد عليك المسؤول.. والمواطن أو العميل المغلوب على أمره يكون مستنزفًا من الاتجاهين قطع لكهرباء واستنزاف رصيد.. ليه الاستغلال ده؟؟ ليه بلاغات الطوارئ يا أخوانا ما تكون مجانية؟؟ مش كفاية الشفتو من نارك وقطعك يا الكهرباء كمان تسلطوا علينا ناس الاتصالات؟ يا أهلنا نحن مواطنون والله مواطنون عندنا حقوق ويا ريت لو في فايدة.. تبلغ بي جاي تقطع تاني بي جاي.. وشركات الاتصالات الغنيانة تعمل بنظام مصائب قومٍ عند قوم فوائد.. واتفقوا علينا أكبر شركتين في البلد.. وينسوا أننا مواطنون ما في زول بشتري سمك في الموية يا ناس.. إلا نحن في السودان.. قالوا الدفع المقدم قلنا ممكن لكين ليه تدفعونا «4848».. مش من واجبكم تحتملوها وواجبكم وانتو شركة ربحية تلتزموا بالإصلاح؟ والخريف في القضارف وما ادراك ما الخريف والكهرباء و«4848». هند جلال عبد الرحمن