قلت ليكم غداً برجع بيكم وليكم لمباراة الهلال الليلة داير أوفي بالوعد فوعد الحر دين عليه السرير التاني كان باااااااارد فجأة جات كتاحة كندكت الملايه بعض الناس افتكروا حكاية السرير انتهت ولكني كنت اثق في السرير التاني الجو راق عبدالشافي نفض الملايه ختاها في صدرو وفرشها حلالالالالالاتها وحلاة السرير الباااااااارد سرير يستاهلك يا محمد عبدالماجد سرير بشيل كتير وكان النفوس اتطايبت السرير بشيل مية محمد عبدالماجد وشجرابي وروشا ورمضان وفطومة اختي ومبارك البلال شجرابي ختوهوا بالراس التاني عشان بشخر فطومة اختي ختوها في الطرف عشان تقوم بدري تعمل الشاي وود البلال خلوهوا في الطرف التاني السكري ده ما بريح سيدو كلو دقيقة بقوم محمد عبدالماجد خلوهوا وسط اصلو مناسب الوسط مع الاحتجاب بتاعو ده باقي امس زاغ اسبورت برضو كورة كانت عجيبة مية وستة ركنية للزمالك سبعة وتسعين عكسة من الجناح اليمين وتسعة وسبعين عكسة من الجناح الشمال ده غير امتلاك الوسط والهلال مُصر «ما تقروها مصر بتاعت ام الدنيا» مُصر يلعب بي طريقة وديها قدام يا مان يسكها الحصان والحصين امس طارت ليها وصلاح الجزولي داير يقشر بحاور جوه خط طمنطاشر بتاعو ختفوها منو وعينك ما تشوف الا النور يا شافي يا شافي البلا المهم حسب الاداء النتيجة بسيطة شديد والزمالك ما زمالك زمان فريق تعبان اسمو الزماااااانك ايها الناس اول امس ومن خلال الاداء الهلال لم يمثلنا لكنه مثل بينا ولكن لطف الله علينا تخارج الوطن من خماسية وسداسية فكان يمكن للزمالك ان يفوز بنصر عشاري وده برجع لانو الاخوة الاهلة الشرفاء صدقوا ان مستواهم هو الذي ادخلهم للمجموعات تناسوا كل الاسباب الظاهرة والخفية والحظ صدقوا اتشبرقوا وقدلوا قدلة الطاؤوس البطولات الجوية عمرها لا تأتي بالصدفة يا اهلة اسألونا نحنا اسيادها واذا دايرين بطولة جوية بي طريقتكم دي ما بتجي اسألوا مجرب نحنا جربنا وجبنا واذا مصرين على البطولة الجوية بتطولوا وتاخدوا مدة هليفة يا كامبوس !!!! ايها الناس ده حالتو الكورة بدون جمهور يعني السبب الذي يرجح كفة الزمالك مافيش يعني زي اللاعب في ارضك وزي الزمالك ده بخسر رايح جاي اذا قابل فريق بطولات حقيقي ايها الناس البعض يرى ان كامبوس هو سبب الهزيمة كامبوس ده يجيب لاعبين غير ناس هليفة والمدينة من وين ؟؟؟ ما ياها نفس التشكيلة الحزينة زي البنطلون الواحد عند الزول تشكيلة ثابتة روشا اسألونا كيف تأتي البطولات الافريقية واستمعوا لنا جيداً عشان تستفيدوا خمسة وتمنين سنة ؟؟؟؟؟؟ المهم البطولة التي نشارك فيها الآن ليست بالضعيفة لان الذين يسخرون منها الآن سخروا امكانياتهم لعشر مشاركات وفشلوا حتى في الوصول الى النهائي بتاعها وآخرتها عاينو للمشلعيب بتاعها وقالوا عففففن بس يا روشا اقصد زح يا روشا لذا ايها الناس نأتي كلنا فالبطولات تنجح بالحضور الجماهيري وجماهير الزعيم لا اظنها تبخل على الزعيم ولو بح صوتها اها نجي لي شمارات والي الخرتوم والينا السحابة البتظلل الايام دي فينا طبيعية ولا صناعية مصنوعة لينا تكونوا جبتوها تخدرونا بيها يا والينا تخدر ضراعنا وشجرنا ويبابنا وشبابنا واول ما نتخدر يا والينا ونفقد باقي الوعي الفضل فينا العملية تجروها لينا سلك كهربا ننساك كيف والبنج بقى ما بخدرنا والى لقاء سلك
