* أيها الناس * تانى يا أيها الناس * برجع ليكم * لكن قبل ما ارجع ليكم * داير ارجع بيكم لى تصريح ميدو * ولا خليكم * بعدين برجع بيكم * المهم * إستبعاد أولاد الرديف من إختيارات أوتو حيرنى * وقد يكون للخبير رأى فنى * بالتأكيد بكون إذا كان * رأى أفضل ومتخصص ومفيد * ولكن * مجرد الإختيار لى واحد أو أتنين * حتى ولو لم يتم إشراكهما * موش كان بيرفع من روحهم المعنوية ؟!!! * موش كان بحفز الآخرين * موش كان بطمن الباقين أنو فى المريخ فى تصعيد وإعتماد على الأشبال؟؟ * موش كان بشجع غيرهم على الإنضمام للأشبال والرديف؟؟ * موش كان فى الإختيار لو حصل تهيئة معنوية للأشبال؟؟؟ * موش التهيئة المعنوية يا أوتو جزء من عملك كمدير فنى؟؟؟ * طيب ليييييييه؟؟؟؟؟ * أيها الناس * فوضى المريخ إستشرت * أمس كنا فى النادى *ولخلاف بين الرواد * واحد شال الديجيتال * وواحد شال الكرت * وواحد شال الرموت * قربت أشيل الشاشة * ده نادى محترم * وعلى القائمين على الأمر ان يعلموا بذلك * وصدق الشفت محمد آدم * محمد آدم زعلان شديد من باب النادى الفاتح ليل نهار لكل من هب ودب * بدون أدنى قيود ولا رقابة * وكان طوالى بقول لى للقاعدين جوه ديل * نصهم ما مريخاب * ولذلك قاطع محمد آدم النادى * بالرغم من انه يأتى يومياً * ينفذ إضرابه * ويجلس جوار النادى * يمغرس فى روحو * أيها الناس * عرفها محمد آدم وغفل عنها أولى الأمر * إحترمونا بإحترامكم للكيان يا هؤلاء * قبل ان نقول من أين أتى هؤلاء * أها * نرجع بيكم لى موضوع ميدو * ميدو فى تصريح رسمى له * قال الهلال بلعب عشوائى * قاصد كورة زماااااااااان * يشوتوها قدام ويجروا * يعنى بمبدأ تشوت قدام يا مان يسكها الحصان * يا جات يا طلعت يا جاتنا تانى * وأمس الكورة عبرت عن تلك العشوائية * ولأنو الموضوع بتعلق بالوطنية * نقول رأينا بكل وطنية * الكورة مفروض تنتهى إطناشر * ولكن تحضيرات الزمالك كتيرة جداً * لدرجة ان صديقى حامد بدوى قال لى تحضير ناس الزمالك ده * كان حضروا بيهو تسعة دكتوراة * الزمالك يمتلك كل المناطق * وعمر بخيت يعتمد على تميمة(حجاب)ظهرت فى الشاشة أكتر من عمر * الرتينزة صفرت * دايرة شحن يا كابتن * الفريق مصفر والرتينزة تصفر * أبو الأصفار ياخ * المهم * السرير التانى أمس جات الكتاحة بشتنت الملاية * لكن عمك عبدالشافى نفض الملاية * وطبقها على صدرو * وفرشا ليك من الحديدة لى الحديدة * واللواء بله قال لى * سريرك التانى يا دوبك برد يا سلك * ده سريرى يا سعادتك * أنا متأكد من أنو برد من بدرى * محمد عبد الماجد * قول يا شافى * يا شافى البلا * روشا * الله يشفيك * رمضان وشجرابى ومبارك البلال * يستشفون * اللهم لا شفاء الا شفاء منك * فطومة أختى كنت داير أسميك الشفا أو الشفه * لكن لأنك نسايه * ولأنك بتنكرى * وبعد سنه تجينا فى القناة القومية فى برنامجك المحايد داك * وتنكرى الهزيمة دى * وأنا قلت ليك بالسيسى * العلاج بالسيسى * والشفاء بالسيسى * عشان كده سميتك أم سيسى * عشان ما تنكرى * السرير التانى حلالالالالالالالالاتو * جيب معاك بطانيتك وتعال يا ولد * البرد شديد * اللهم انت الشافى أشف مرضاك المصابين بفوبيا الصفر الكبير * هلال الصفر الكبير * بحذفوا الصفر خجلة * وبقولوا الهلال الكبير * مزمل * يا ميزو * الصعيدى عبدالشافى خبط الأرنب بتاعك بالهراوة * وأهل الأرنب بقولوا يا شافىشخصيا خايف الحكاية تقيف على التلاتة نقاط يا روشا * لو وقفت بسميكم الشا يا روشا * الشين موش فيها تلاتة نقاط؟؟؟ * وتبقى خايلة معاكم * شا شجرة * أه يا بتوع الحركة الوطنية * روشا * عملتها الفين ونص * رجعها * ولا أقول ليك أعملها بى خمسمية يا حبيب * عشان ما تلحق حبيب البلد * يا شافى * المهم * طريقة شوت يا مان يحصلها الحصان ما بتجيب بطولة أفريقية * لأنو لو كده كان كاكى بقى راس حربة * أيها الاناس * فيتا متين السرير ده برد شديد * بعد ده بتلج * وما ممكن الزول الجاييهو * يجى يكسر التلج اول حتى يرقد * حقويجى قوام قوام * السرير سريرك وفى الحفظ والصون * محمد عبدالماجد مالك محموم؟؟؟ * قول يا شافى * ود البلال الجيوب الأنفية دى حساسية * لأنك بتشم الكاس وما بتشيلوا * ما تشمشم تانى يا أخوى * عشان الجيوب * أم سيسى بكره راجع ليك * أيها الناس * للمريخ عيوب * ولكن ما قدر ده * وممكن حلها بسهولة * بس بطريقة السر والجهر * ما كل شى نشروا فى الحبل يجى الهوا يلعب بيهو * الهواء ذاتو اليومين دى ما بقدر يقول يا شافى * أيها الناس * هناك من يتخوف من الإستعانة بالرديف * ومصدر خوفهم ان الأولاد صغار * لما سجلنا سامى وعبده الشيخ والساحر وعبده ساتى وفيصل العمدة وعادل أمين وغيرهم * موش كانوا من الدورة المدرسية؟؟ * موش ياهو عمر الأولاد ديل؟؟ * يبقى صغار كيف يعنى؟؟؟ * أها. * نجى لى شمارات والى الخرتوم. * أكان شفت يا والينا. * الأدوية غلت علينا * عيوننا بصيرة والقصيرة إيدينالكن ما تخاف يا والينا * البندول ده بيشفينا * قول يا شافى يا والينا سلك كهربا ننساك كيف والبلد كلها تنده يا شافى يا شافى يا شافى البلا. والللللللللللى لقاء سلللللللللللللللك في السلك - بابكر سلك
