& أذا اردنا اصلاح الحال. & يجب ان نتناول الأمور بشفافية ومصداقية. & واللذين يقولون بأن الحضرى أتى بحركة غير لائقة. & ويلوكون هذا الحديث يومياً. & كان عليهم أن يسألوا انفسهم. & بفرض ان الحضرى اتى بتلك الحركة. & هل كان ذلك قبل الحجارة ام بعد الحجارة؟ & وأصابة كروجر فى عطبرة بحجر فى رأسه قبل سنوات. & كانت برضو لأن الحضرى أتى بحركة فى ذلك الوقت؟ & طيب فى الوكت داك حضرى ماكان فى؟ & الحجارة كانت لى شنو؟؟؟ & يجب ان يتبع الناس المنطق عند تناول الأشياء. & المهم & يواصل أشبال المريخ رحلة الأنتصارات بنجاح. & أمس جابو هدف فى مرمى أمبدة. & وحصلت مشكلة بعده. & قام الحكم بطرد حارس أمبدة. & تدخل أحد الأداريين. & أنهى الحكم بكل شجاعة المباراة. & حكم شجاع وحقانى. & ويستحق التهنئة. & تصرف التصرف الذى يجب على حكم مريخ امل أن يقوم به مع اول حجر. & التصرف الذى صهين منه حكم مريخ هلال والحجارة تتساقط على غاندى فى الركنية. & عشان كده. & هذا الحكم شجاع. & مكانه ليس فى سجلات حكامنا. & وحتشوفوا. & بترفد قريب ده. & أحفظوا اسمو كويس. & أيها الناس & لا ننسى حضورنا القوى والمشرف. & وقفتنا مع فريقنا ضد الحملة. & نحافظ على فارق النقاط. & نحمى لاعبينا. & نشجع وبس. & نساند الجهاز الفنى. & ولو قمنا بذلك نقطتين كتار شديد. & ولو عملنا غير ذلك ميتين نقطة فرق شوية. & كلنا فى التمارين والمباريات. & كلنا من أجل كأس نستحقوا. & أيها الناس. & الحبر الذى يكتبون به أنتقاداً للحضرى. & أولى به الكتابة عن تراورى وعدم مرافقته للفريق & كان الأولى به الكتابة عن كيفية أعادة أكانغا صانع العاب تراورى الخاص. & كان المفروض ان يتناولوا به كيفية توفير شوربة للاعبيهم وتنفعهم فى الرحلات الولائية. & وكان اولى به أشياء كتييييييييييييييييييييييييييرة. & وهل تصدقوا ان جماهير الأبيض بعد ان انتصر هلالهم على الجماعة تحاصر بعد المباراة ناس خليفة وتشيد بالمستوى الراقى الذى لعبوا به. & تخيلوا. & ولكم ان تتخيلوا. & أها & نجى لى شمارات والى الخرتوم. & أكان شفت يا والينا. & لاحظنا حاجة كدة. & الدولة دى لما تتكلم عن رفع الدعم عن المحروقات(أن وجد) & بتتكلم وتصر وتنفذ. & ولما تتكلم عن رفع المعاناة عن كاهل المواطن. & بتتكلم وتنسى الموضوع. & شنو البخلى رفع الدعما واقع وكاهل المواطن خيال؟؟؟؟ & شنو بس ورينى يا والينا. & وكان شفت يا والينا. & أتنين بتاعين بحر. & واحد شغال فى شركة صينية. & والتانى شغال فى شركة ماليزية. & كلو يوم بعد الشغل بيتقابلوا فى البحر. & يفرقوا عناء يوم صعب. & يتونسوا ويرجعوا بيوتهم. & الشركة الصينية الأنتماء قفلت ومشت مع سلفا بعد الأنفصال. & سرحت العاملين وأدتهم حقوقهم. & الماليزية الأنتماء برضو قفلت. & وسرحت العاملين وحقوقهم لسه. & وأصحابنا لسه بيتقابلوا فى بحرهم داك يا والينا. & فجأة بتاع الشركة الماليزية أنقطع. & أربعة شهور ما ظهر. & بعد الأربعة شهور ظهر فى البحر. & صاحبو رحب بيهو وقال ليهو ويين أنقطعت الزمن ده كلو؟؟؟ & قال ليهو مشيت ماليزيا أشوف حقوقنا دى مشت وين. سلك كهربا && ننساك كيف وخريفنا صيف وشتانا صيف وصيفنا صيف وربيعنا صيف وبحرنا عدمان الموية كلو قيف واللللللللللللللللللللللللللللللللللللللللللللللى لقاء سلللللللللللللللللللللللللللللللللللللللللللللللللللك فى السلك - بابكر سلك