* بنعيد على الناس كلها. * حتى اخوتنا الأهلة. * بس ما بنقول لى هلالابى ربنا يحقق الأمانى. * لأنو أمانى الهلالاب معروفة. * تلات امنيات. * الأمنية الأولى نحن نموت. * وموش حانموت الله يخلينا. * أمنية الأهلة الثانية يجيبوا جوية. * ودى بالذت. * لو قبلنا نموت. * ما بنقبل تحقيقها أبداً. * والكلام ده لى أسباب. * أول حاجة نقشر على منو؟؟؟ * نحنا لما شلنا مانديلا فى نيجيريا طلعنا مسيرات فرح فى نيجيريا؟!! * كاوينا ناس بندل يونايتد؟ * ناس بندل ذاتهم زعلوا قدر ما الأهلة زعلوا؟؟؟ * الربة سويناها هنا. * عشان غظمة الأنجاز كانت فى هرية ناس. * ناس حياتهم كلها يحقدوا علينا. * الفين وسبعة قالوا ليهم رايكم شنو؟؟؟ * تشيلوا الكاس والمريخ يشيل الكاس ولا تطيروا الأتنين؟ * قالوا المريخ يشيل كاس تااااااااااانى؟ * نطير الأتنين. * وبعدين لو جابوا جوية لا سمح الله. * الحكاية دى ما من مصلحة الرياضة فى البلد. * الناس ديل الترابة ما جابوها. * وبتفاصحوا. * لما يجيبوا حاجة نمرق نخلى ليهم البلد ولا شنو يعنى؟؟؟ * ونحنا نشاغل منو تانى لو جابوا جزية. * عشان كدة ما بنقول ليهم ربنا يحقق الأمانى. * أما أمنيتهم الثالثة. * فهى امتلاكهم للشعار بتاع عصمت. * وده طبعاً يبقى خرق للقانون وأحتقار لمؤسسات الدولة أذا تم دون رضاء مالك الشعار الكامل. * ورضا مالك الشعار لا يتحقق ألا بقبضه لأربعة ملايين دولار. * والأربعة ملايين كتيرة على خزينة دولة ترفع يومى فى الدعم عن المحروقات. * الدولة ذاتها بتحس وبتشعر. * وما بتقدر تدفع أربعة ملايين دولار للتنازل عن الشعار للهلال. * خليهم يلعبوا سااااااااى. * بدون شعار. * فنيلة زرقاء. * وزى ماقال يس لا شئ سوى اللون الأزرق. * أذا ما عجبهم يعترفوا ويختوا الشجرة شعار. * شجرة كبيييييييييييرة. * مليانة عصافير واصفار. * أصفار كتيييييييييييرة. * عشان كدة فى اى عيد نقول للهلالابى كل سنة وانت طيب. * بس ربنا يحقق الأمانى دى تلقوها عند الغافل. * المهم. * روشا قال أسلام فى بداية السنة الجديدة قلبت. * معقولة يا روشا؟؟!! * لما كلمت أسلام قلت ليها عمو روشا قال كدة. * ضحكت. * قالت لى يا بابا. * معقولة أخلى البايرن وأنتمى للباير؟؟؟ * شفت كيف يا روشا. * أسلام بتفتكر انو فرقكم من البايرن فى النون بس. * الهلال يساوى البايرن ناقص نون. * وأتبورى. * الصفر جايب ليكم الكلام يا روشا. * المهم. * بدأ العام الجديد. * عام ألفين وأربعطاشر. * وزى ما قال الشفت صاحب الرقم 0911934330. * ألفين وبلة جابر. * نتمناه عام جوى يضيف الى سماوات الأنجاز للزعيم. * فبعد أن أكتسحنا أرضيات البلد. * نمشى على جويات أفريقيا. * لكن. * صدقونى. * تراورى لو جاب قون فى البايرن. * الجماعة تانى بيعتصموا. * وبطلعوا الكشافات. * وببكوا فى شارع البلدية. * عطا المنان حا تشوف حاجات. * والغريبة لو جدع باص القون لى تراورى سيدا. * الحريقة بتقوم. * وما تستبعدوا الأهلة يهتفوا. * عائد عائد يا البرير. * أيها الناس. * موقعة البايرن قربت. * ياربى الهلال لاعب أعدادياً مع كنو؟؟؟؟؟ * خاص صفحة الأحمر الوهاج. * الوحدة رابطة أمبدة؟؟؟ * الزمالك رابطة الكلاكلة؟؟؟؟ * ولا سانتوس البشاقرة عن بكرة أبيها؟؟؟ * شن جاب لى جاب يا سنجاب. * يا ربى لسة فى موقع البايرن ما أعلنوا الكورة؟؟؟ * المهم. * ندخل المباراة بأصرار. * ليسطر التاريخ لنا كالعادة نصراً يتحدث عنه كل العالم. * وما يهمنا ناس روشا يقولوا شنو. * يقولوا روبن بايعها. * يقولوا ريبيريه كان محموم. * يقولو فيليب لام كان مصاب. * خليهم يقولوا زى ما الناس يقولوا حلاوة يوم تسعة يومو وحلو فى قطر مقيلو. * وأنا نارى وأنا نارى وأنا وأنا. * أها. * نجى لى شمارات والى الخرتوم. * أكان شفت يا والينا. * فى كلو راس سنة. * الشباب بيحتفلوا. * ومن مظاهر الأحتفال الجديع بالبيض. * السنة دى ولا بيضة. * الرش موية ساااااااى. * البيضة بقت بالشى الفلانى. * البيجدع بيضة فى المحروقات دى منو عاد يا والينا. * الحوف راس السنة الجاى. * الموية ذاتها تبقى فى تلتلة. * والناس تكشح فى الأحتفالات دموع بس. * ده لو ماجان فقدان سوائل يا والينا للوكت داك. سلك كهربا *ننساك كيف وبيضة طايرة فى راس السنة مافى. واللللللللللللللللللى لقاء سللللللللللللللللللللللك فى السلك**بابكرسلك