((نصر هلال قمة القمم العربية))    باير ليفركوزن يكتب التاريخ ويصبح أول فريق يتوج بالدوري الألماني دون هزيمة    كباشي يكشف تفاصيل بشأن ورقة الحكومة للتفاوض    متغيرات جديدة تهدد ب"موجة كورونا صيفية"    مقتل مواطن بالجيلي أمام أسرته علي ايدي مليشيا الدعم السريع    تمبور يثمن دور جهاز المخابرات ويرحب بعودة صلاحياته    تقرير مسرب ل "تقدم" يوجه بتطوير العلاقات مع البرهان وكباشي    بعد الدولار والذهب والدواجن.. ضربة ل 8 من كبار الحيتان الجدد بمصر    محمد وداعة يكتب: معركة الفاشر ..قاصمة ظهر المليشيا    مصر لم تتراجع عن الدعوى ضد إسرائيل في العدل الدولية    حملة لحذف منشورات "تمجيد المال" في الصين    أمجد فريد الطيب يكتب: سيناريوهات إنهاء الحرب في السودان    زلزال في إثيوبيا.. انهيار سد النهضة سيكون بمثابة طوفان علي السودان    يس علي يس يكتب: الاستقالات.. خدمة ونس..!!    عصار الكمر تبدع في تكريم عصام الدحيش    (ابناء باب سويقة في أختبار أهلي القرن)    عبد الفضيل الماظ (1924) ومحمد أحمد الريح في يوليو 1971: دايراك يوم لقا بدميك اتوشح    الهلال يتعادل مع النصر بضربة جزاء في الوقت بدل الضائع    مطالبة بتشديد الرقابة على المكملات الغذائية    السودان..الكشف عن أسباب انقلاب عربة قائد كتيبة البراء    شاهد بالصورة والفيديو.. "المعاناة تولد الإبداع" بعد انقطاع الماء والكهرباء.. سوداني ينجح في استخراج مياه الشرب مستخدماً "العجلة" كموتور كهرباء    شاهد بالصورة والفيديو.. حسناء سودانية تخطف قلوب المتابعين وهي تستعرض جمالها ب(الكاكي) الخاص بالجيش وتعلن دعمها للقوات المسلحة ومتابعون: (التحية لأخوات نسيبة)    برشلونة يسابق الزمن لحسم خليفة تشافي    بالفيديو.. شاهد رد سوداني يعمل "راعي" في السعودية على أهل قريته عندما أرسلوا له يطلبون منه شراء حافلة "روزا" لهم    البرازيل تستضيف مونديال السيدات 2027    مدير الإدارة العامة للمرور يشيد بنافذتي المتمة والقضارف لضبطهما إجراءات ترخيص عدد (2) مركبة مسروقة    قيادي سابق ببنك السودان يطالب بصندوق تعويضي لمنهوبات المصارف    شاهد بالصورة.. (سالي عثمان) قصة إعلامية ومذيعة سودانية حسناء أهلها من (مروي الباسا) وولدت في الجزيرة ودرست بمصر    آفاق الهجوم الروسي الجديد    كيف يتم تهريب محاصيل الجزيرة من تمبول إلي أسواق محلية حلفا الجديدة ؟!    شبكة إجرامية متخصصة في تزوير المستندات والمكاتبات الرسمية الخاصة بوزارة التجارة الخارجية    إنشاء "مصفاة جديدة للذهب"... هل يغير من الوضع السياسي والاقتصادي في السودان؟    سعر الريال السعودي مقابل الجنيه السوداني في الموازي ليوم الأربعاء    وسط توترات بشأن رفح.. مسؤول أميركي يعتزم إجراء محادثات بالسعودية وإسرائيل    "تسونامي" الذكاء الاصطناعي يضرب الوظائف حول العالم.. ما وضع المنطقة العربية؟    شاهد بالصورة.. حسناء السوشيال ميديا "لوشي" تنعي جوان الخطيب بعبارات مؤثرة: (حمودي دا حته من قلبي وياريت لو بتعرفوه زي ما أنا بعرفه ولا بتشوفوه بعيوني.. البعملو في السر مازي الظاهر ليكم)    حتي لا يصبح جوان الخطيبي قدوة    5 طرق للتخلص من "إدمان" الخلوي في السرير    انعقاد ورشة عمل لتأهيل القطاع الصناعي في السودان بالقاهرة    أسامه عبدالماجد: هدية الى جبريل و(القحاتة)    "المايونيز" وراء التسمم الجماعي بأحد مطاعم الرياض    محمد وداعة يكتب: ميثاق السودان ..الاقتصاد و معاش الناس    تأهب في السعودية بسبب مرض خطير    باحث مصري: قصة موسى والبحر خاطئة والنبي إدريس هو أوزوريس    بنقرة واحدة صار بإمكانك تحويل أي نص إلى فيديو.. تعرف إلى Vidu    أصحاب هواتف آيفون يواجهون مشاكل مع حساب آبل    الفيلم السوداني وداعا جوليا يفتتح مهرجان مالمو للسينما في السويد    كيف يُسهم الشخير في فقدان الأسنان؟    هنيدي ومحمد رمضان ويوسف الشريف في عزاء والدة كريم عبد العزيز    تنكُر يوقع هارباً في قبضة الشرطة بفلوريدا – صورة    معتصم اقرع: حرمة الموت وحقوق الجسد الحي    يس علي يس يكتب: السودان في قلب الإمارات..!!    يسرقان مجوهرات امرأة في وضح النهار بالتنويم المغناطيسي    بعد عام من تهجير السكان.. كيف تبدو الخرطوم؟!    العقاد والمسيح والحب    أمس حبيت راسك!    جريمة مروّعة تهزّ السودانيين والمصريين    بالصور.. مباحث عطبرة تداهم منزل أحد أخطر معتادي الإجرام وتلقي عليه القبض بعد مقاومة وتضبط بحوزته مسروقات وكمية كبيرة من مخدر الآيس    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



ضنبو الككو..2014م
بابكر سلك نشر في النيلين يوم 26 - 03 - 2014


* ضنب الككو ده ما داير يتفكه مننا..
* او بالأصح ما داير نفكو..
* والله ياهو الككو..
* نصل لمرحلة دخول معسكر مقفول لمقابلة النسور..
* ككو يا عمك..
* مباراة عادية وجداً كمان..
* أذا كان لاعبنا لا يستطيع ان يحافظ على نفسو وهو فى بيتهم حر طليق.
* يبقى طلاقو أصبح فرض عين وواجب..
* معسكر للنسور ليه..؟
* عشان نضمن إستعداد لاعبيننا بدنياً وذهنياً.؟
* لاعب ما قادر يحافظ على إستعدادو البدنى والذهنى براهو..دايرين بيهو شنو.؟
* طالما المريخ بيعسكر للنسور.
* يبقى لسه الريس ماسك ضنب الككو.
* تبقى لسه العين الحمراء غائبة عن دنيا المريخ..
* يبقى لسه الممسكين الريس ضنب الككو يسيطرون على الأوضاع فى كوكب المريخ.
* وبى ورا الريس تمسك الجماهير الحزينة ضنب الككو.
* سرحهم يا والى.
* والما عندو مسئولية يحافظ بيها على نفسو ويحاسب بيها نفسو.
* سرحوا طوالى.
* فالتسريح بإحسان أفضل من إمساك فى ضنب الككو.
* أسمع كلامى يا والى.
* لاعب شاذ فى البلد دى مافى.
* جميعهم مستوياتهم متقاربة.
* فقط ما يجده المحظوظ منهم فى القمة هو الذى يميزه.
* يكون تحت نظر الإعلام.
* وصاحب شهرة يستحقها.
* وأساى قبل الكراسى فى أى تشكيلة وأى سفرية.
* أيها الوالى.
* الذين يجوبون حمدالنيل وأبونيران ليل نهار.
* لابسين الكت وشايلين فى الضهرية الشيشة.
* هم ديل المفروض يتفكوا عشان نتفكه من ضنب الككو.
* الذين يشكلون حضوراً كبيراً فى الحفلات المغلقة حتى أطراف الصباح.
* ديل أساسيين فى مسكة ضنب الككو.
* الذين يحفظون شارع النيل وبرج الإتصالات.
* وتظليل سياراتهم مميز.
* يأتون بعد ذهاب ستات الشاى فى آخر الليل.
* ديل هم ذاتهم الأجبرونا على الفرجة على الدورى الأنقليزى من بداية الموسم.
* زى ديل يا والينا مابجى منهم.
* وزول يمسك زول ضنب الككو أكيد بمرقوا من المولد أمفكوا.
* بدون حمص وبدون ترمس.
* والينا.
* بقينا نشترى كرت الجزيرة عشان نتفرج بيهو على غيرنا.
* فى اى سهرة وفى كل حفلة نلقى زولنا.
* وزول الناس ما بنشوفوا ألا فى الشاشة.
* ناسنا لافين فى الشوارع أكتر من الشماشة.
* والمشكلة ان كانت من اللاعبين.
* فهى تبدأ من الإدارى المسؤول عنهم.
* ثم الإدارى المسؤول عن الإدرى المسئول عنهم.
* وتتسلسل المسئولية.
* حتى تصلك يا ريس.
* وتبقى انت الماسك ضنب الككو.
* وغيرك مافى زول بتذكروا.
* الضبط والربط والإنضباط.
* التخلص من السوس المدسوس.
* مدمنو الهزائم..تسريح بإحسان.
* ضنب الككو مادايرين معاهو..إمساك ولو بمعروف.
* والأستعانة بالرديف والأشبال.
* صدقنى هم الحايمسكوا ضنب الككو.
* أيها الناس.
* ما يحدث الآن ليس مجرد زعلة مؤقتة.
* ولكنها ثورة أينعت وحان إشتعالها.
* من طرف وبدون فرز.
* المهم.
* كثير من الناس بيفتكر أن هذه الثورة سبب إشتعالها هو وجود الهلال فى التنافس الأفريقى.
* صدقونى ممكن يكون ده السبب عند البعض.
* ولكن عند الثوار ده ما سبب.
* لأن الثوار مقتنعين بمقولة هيثم صديق.
* المرة كان فاس مابتشق الراس..والهلال لو وصل النهائى ما بشيل كاس.
* والثوار أيضاً مقتنعون بمقولة.
* كاس ما جابو جكسا ما بجى دقسة..ولو كل حكام العالم لحسو من الكبدة لحسة.
* ولأنهم يؤمنون بأن معاناة جماهير الهلال هى الصفر الدولى.
* ويؤمنون بأنه لن ترفع المعاناة تلك عن كاهل الأهلة للأبد.
* لذا.
* الثورة مريخية.
* ولا دخل للهلال بها.
* فهلال الشجرة حدو قريب.
* والسرير التانى مفرش وبااااااااارد.
* والما عاجبو الكلام ده يجيب كاسو يختو فى السرير.
* المهم.
* كورة النسور نجى كلنا.
* ما جايين لى زولاً متقاعس.
* ولا جايين مجاملة.
* جايين لى كيان نرفض ان يمسك ضنب الككو.
* جايين نهش وننش الككو.
* جايين نحافظ على مريخنا.
* وعلى إرتباطنا بالمريخ.
* وعلى مسك دفاتر التاريخ.
* حتى لا يسجل فيها أننا جيل مسك ضنب الككو وسكت.
* أيها الناس.
* المريخ يحتاجنا أكثر من ذى قبل.
* فعند الشدائد نمتحن مريخيتنا.
* فإن كانت المقولة..لن ندعك تسير وحيداً.
* فإننا نجددها بمقولة جديدة.
* لن ندع الككو يسير بك وأنت ممسكاً بضنب الككو.
* ياريس.
* تسريح بإحسان لكل متقاعس.
* ومراجعة دفاتر.
* الثورة مستمرة.
* الككو لازم يطلع برة.
* عشان لما نمسك.
* نمسك فى أى شى ألا ضنب الككو.
* أيها الناس.
* قريبا سنتحدث عن ضنب سلطان القرود.
* ده حكايتو حكاية.
* المهم.
* وعدتكم أن أحدثكم عن عبدالقادر الجعلى.
* أنه مريخى أصيل وقديم وهميم.
* تربالى.
* مزارع بسيط عملو..وكبير حبو للمريخ.
* كان مرجعية للناس فى شندى.
* كان متكئاً للتاريخ ودار وثائق.
* يحفظ للمريخ عن ظهر قلب فى كل الأحداث.
* وعلى يديه تأمرخ معظم مريخاب المنطقة.
* عبدالقادر الجعلى حزن حزناً شدديداً عند مغادرتنا للبطولة الأفريقية.
* وكانت آخر كلماته.
* الخواجة ابردا طيرنا.
* وبعدها دخل فى غيبوبة أدخلته الأنعاش.
* حزن حتى فارق الحياة قبل مباراتنا فى شندى.
* وكأنه عرف أننا لن نكسب المباراة.
* فوقف التاريخ دقيقة حداداً عليه.
* الف رحمة تنزل على العم عبدالقادر المريخ الجعلى الأصيل.
* ويا ليتنا صرنا مثله فى عشق الزعيم أنقياء.
* عم عبدالقادر عاش مريخياً ومات رافضاَ لمسك ضنب الككو.
* الف رحمة تنزل عليه.
* أها.
* نجى لى شمارات والى الخرتوم.
* أكان شفت يا والينا.
* فرحنا بالحكومة القومية.
* لأنو كلمة قومية أعمق وأشمل من كلمة وطنية.
* فالقومى أكيد أفضل من الوطنى يا والينا.
* فحكومة فريق قومى بالتأكيد أحسن من حكومة فريق واحد.
* نسميها حكومة المنتخب يا والينا.
* بس الخوف إنتماءنا ليها يكون زى إنتماءنا للمنتخب.
* وكلو فريق يهدد بسحب لاعبيه من المنتخب.
* وكلو فريق يحتج على سياسات المنتخب.
* والغريبة لو بقى المدرب مازدا مدرب المنتخب.
* يطلع زول من الشعبى مثلاً.
* ويدخل بدلو زول من الشعبى.
* يعمل التشكيلة خمسة من كل فريق من فريقى القمة.
* وواحد من فريق تانى.
* الخانة الواحدة دي يغير فيها سبعة لعيبة يا والينا.
* والعشرة خانات بتاعت القمة.
* يطلع شعبى الخرطوم.
* يدخل شعبى أمدرمان.
*والكمسارى يكورك .
* السلك السلك.
* وكلنا ندنقر يا والينا.
سلك كهربا
* ننساك كيف ولسه القومية فى فهمنا ضيقة جداً.
والللللللللى لقاء
سللللللللللللللك
في السلك - بابكر سلك

انقر هنا لقراءة الخبر من مصدره.