* يا ربى الحكم حصل عليهو شنو؟؟؟ * يا ربى الإتحاد عمل للهلال شنو؟؟ * وهل يروح دم رجل الخط هدر؟؟ * ولجنة صلاح معقولة ما تشتغل بالدم الذى أهدر من إبنها أثناء ساعات العمل الرسمية؟؟؟ * والخلق الرياضى القويم والسليم هل يقبل بهذه الإهانة والمهانة؟؟؟ * فاروق جبرة إعتدى على رجل خط(لفظياً)عملوها يدوياً(مانيوال) وألغيت المباراة. * أعتبر المريخ مهزوم. * أوقف جبرة سنتان. * ولم يحتج شعب المريخ. * لأن الإعتداء اللفظى لى رجل الخط نعتبره بحسب أخلاقنا وتربيتنا جريمة كبيرة. * ما وقفنا مع جبرة. * الأمر عندنا سيان بين الأعتداء اللفظى والأعتداء المانيوال. * ودفع فاروق الثمن بالأيقاف الذى قاده للأعتزال. * ودفع المريخ الثمن بالحرمان من مجهود لاعب فلته. * ولكن كان المريخاب سعداء بتطبيق نص القانون. * أيها الناس. * الأتحاد حقو يعمل ليهو إصلاحية. * يعيد فيها تربية المتفلتين ويهذبهم ثم يتيح لهم فرصة جديدة فى التنافس. * ما ممكن نادى دولياً يختها إدارييهو للحكم. * يحرجنا مع الأجانب. * محلياً رجل الخط قرب يروح فيها. * ولاعبينو مرات يرفضوا صعود المقصورة لإستلام ميداليات وصافتهم على عينك يا تاجر. * ومرات ينسحبوا من المنتخب. * على كيفهم. * والغريبة الحكام كان الهنا كان البرة دائماً يخطئون لصالح ذلك الفريق. * مفروض يجدعوا الحكام بالأحجار الكريمة. * موش بالبلوك لمن يفح راس الحكم ستة غرزة. * غرزة تنطح غرزة. * سوستة بس بقت عنقرة الحكم. * الإصلاحية وجبت يا ناس. * ونحن فى إنتظار ما يحدث. * أيها الناس. * عمنا مريخابى شديد. * كبير فى السن. * عندو ضغط. * أمس جيت أديهو الحبة بتاع الضغط. * قال لى الضغط راح منى. * لقيت لى حبوب سمحات بودرن الضغط نهائى. * قلت ليهو أسمن شنو. * قال لى أسمن حبوب شندى. * حبتين بودرن الضغط كلو مدى الحياة. * بس تبلعن مع بعض سوا. * أيها الناس. * أمامنا معركة رهيبة. * الشنداوية شعللوها شديد. * والأسلحة الغير مشروعة إحتمال يستعملها العدو فى معركته معنا. * لأن العدو يضمن الخسارة أمامنا. * لذا. * حقو نتفق حالياً. * ونعمل على الإعداد بإستراتيجية لكسب المعركة ضد الروم. * بعد ننتهى من موضوع الروم ونقضى عليهم. * بعد داك ممكن نلتفت لى شأننا الداخلى. * نشوف إختلافاتنا مع أمير المؤمنين. * ونشوف كيفية ترتيب أوضاعنا الداخلية. * لكن الآن. * كلنا مع أمير المؤمنين ضد الروم. * خوسيوس وأتباعه. * ناس روشيوس وفطوموسيوس وأبومنذرسوسيوس. * والطابور الخامس فى الحتة دى بيظهر. * ولأننا أنقياء لا أعتقد فى طابور حايظهر. * نتفق على حرب الروم. * وعلى حرق الروم. * وعلى تفويت الفرصة على الروم. * ونخوضها ولو بحكمان وترجمان. * تحت راية أمير المؤمنين. * بعد داك نشوف موضوع أمير كمال. * أمير كمال شنو. * أمير المؤمنين. * أنها الحرب. * ونحن لها يا أمير المؤمنين. * أيها الناس. * الوقت غير مناسب لمناقشة تعيينات الولاة التى أعلنها أمير المؤمنين. * نخوض حربنا ضد الروم. * وبعدها كل منا يدلى برأيه. * وكل منا يرشح عامله لتولى أمر ما يراه من ولايات. * أأمر يا أمير المؤمنين. * فوالله لن تجد فينا من يكسر ظهر الجيش ويقسم الصفوف. * فهمتونى!!!!!!! * المهم. * إذا أردنا أن ينصلح الحال. * لابد من الإصلاحية. * إصلاحية مية المية. * أيها الناس. * الروم اليومين دي أعصابهم بايظة. * لدرجة أنهم أصبحوا يشككوا فى نزاهة جنودهم. * يتهموا من يتهموا بالتواطؤ وبيع القضية. * والبعض الآخر بالولاء للقائد الرومى القديم صلاحسيوس أدريست. * والبعض الثالث بترك سد الخدمة والسهر تحت دخاخين حجارة الصنوبر البرية. * والغريبة من يتهمهم هم نفسهم من خدعوهم. * وصورا لهم أن الروم أقوى الأمم. * وزينوا لهم إنتصارهم الذى لعب فيه الحظ دوراً هاماً على البربر. * صوروهوا لهم قوة ومنعه. * ولم يخبروهم ان منجنيق البربر لو دور لما تبقى من الروم نافخ نار. * الروم مجهجهين شديد. * لايثقون حتى بأنفسهم. * وأنها فرصة مواتيه للقضاء عليهم. * وزى ما عجوبة خربت سوبا. * ما كتبته فطومة الروم حايخرب روما لو توحدنا. * النسوان ديل يخربن أى حاجة. * ويقولن ليك يخربنى. * أيها الناس. * اليومين دي الروم جابوا ليهم خندقة. * وما أحلى الضربة فى الخندق. * قولة روووووووووووو. * الخندق يقوم فوق. * ولن يتأتى ذلك ألا اذا تضامنا جميعاً لحرب الروم. * تحت راية أمير المؤمنين. * أطمئن. * نحن لها. * فوالله لا أصبن الزيت على رأسى حتى نقضى على الروم فى موقعة أيار القادمة. * يلا يا فطومة أخربى روما. * أها.. * نجى لى شمارات والى الخرتوم.. * يا والينا.. * ما فاتت علينا. * حكاية التلتمية مليون الأتبرعت بيها من مال رسوم أهالينا. * أصل الحكاية دعاية إنتخابية ليكم لدينا. * لكن نسيتوا إنكم قسمتوا أصوات الناخبين بين لينا وعلينا. * لأنو لو المقصود دعم فريق رياضى فى ولايتك يا والينا. * الدعم كان أولى بيهو الموردة الفارقت الممتاز عشان تعود لينا. * حبيت أقول ما فات علينا ولا بفوت علينا ولا بمر فينا يا والينا. سلك كهربا * ننساك كيف والدعم من قروش الشعب لى بعض الشعب وفيهو خيار وفقوس. والللللللللى لقاء سللللللللللللللك في السلك - بابكر سلك