& أيها الناس. & واصل رديفنا صدارته للدورى. & مبتعداً كثيراً عن البقية. & وده دليل على الفارق الكبير بين فنيات أولادنا وفنيات أولاد الناس التانيين. & وده البخلينا كلو مره نقول إستعينوا بالرديف. & فكونا من درة التسجيلات ونجم التسجيلات وقنبلة التسجيلات. & على الأقل حانشوف حرارة قلب من أمها. & وحانشوف دموع فرح ما دموع ندامة يا بله جابر. & اللاعب الببكى حرقة للهزيمة. & هو اللاعب الذى يلتزم بالمحافظة على نفسه من السهر والكسحى. & هو اللاعب الذى يطور مستواه الى الأفضل. & هو اللاعب الذى لايدمن الفشل والهزيمة وخسارة الدورى على التتالى. & هو ذلك اللاعب. & ولكن البكاء على اللبن المسكوب لايجدى. & فاللاعب داخل المعسكر وهو داخل الفيس والواتساب. & يبقى بيهدر فى أموال النادى التى صرفها عليه ليعسكر حفاظاً على لياقته الجسدية والذهنية. & بعد ده كلو كمان بتبكى!!!!! & أيها الناس. & القرار الشجاع هو الذى يخرج المريخ من دائرة موت الطموح. & هو الذى يقود المريخ الى آفاق البطولات الجوية. & هو الذى يرد الروح فى لاعب المريخ ويعيد المشجع الى المدرجات. & وهل تذكر يا بله تعليقك ليلة إحرازك هدفاً عكسياً فى مباراتنا ضد الخرطوم والتى أنتهت بذلك الهدف؟؟؟ & هل تذكر ماذا قلت بمربع سبعطاشر؟؟؟ & طيب الببكيك شنو؟؟؟؟ & الأولى من الدموع العرق فى الملعب. & فالجماهير تقدر العرق ولا تأبه للدموع. & بدل تبكى بس. & أجر بس. & أيها الناس. & التعامل العاطفى لايصحح الأخطاء. & التعامل يجب ان يكون عقلانى بعيداً عن العاطفة. & يجب ان يكون بحساب. & الحسابو فارق يتحاسب. & وعجاج كرعينو. & المهم. & نأمل أن نرى الوجوه المسجونة فى الكنبة يوم الفاشر. & على الأقل نسقيهم قبل ان نذبحهم. & الخروف بدوهوا موية قبل الضبح. & فلا يعقل ان يبقى من يشارك ويسبب الكوارث. & ويمضى من لم يجد الفرصة. & ويا ريت ودى ما بتحصل. & نشوف بعض من اولاد الرديف. & عشان نسرح الكبار طوالى. & نسرحهم بالمشط. & المهم. & من سيحكم عطبرة يوم الهلال؟؟؟؟؟؟ & وهل إذا أخطأ سيتحلل برضو؟!!!! & وهل نفسيات الهلال تتحمل حكماً لا يخطئ؟؟؟؟ & أهلى عطبرة فريق كبير جداً. & فريق طموح. & فريق مثل البلد رسمياً. & فريق يطمح للفوز ببطولة جوية كأول فريق ولائى يفعلها. & كأول فريق سودانى بعد المريخ يفعلها. & ولكن طموحاته قد توقفها صافرة حكم يخطئ ولا يظلم. & وهذه الأخطاء التحكيمية هى السبب الأول فى تدهور كرة القدم السودانية. & ولكن كيف سيتحلل الحكام من هذه الأخطاء؟؟؟؟ & أيها الناس. & كورة عطبرة حكمهاأبوشنب ولا التنشيطية ولا بدرالدين؟؟؟ & الكورة دى مهمهة شديد. & دايرة حكم رشيد شديد يا الرشيد. & ولجنة الحكام توقع عقوباتها على حكم المباراة التى إنهزم فيها الهلال. & أنتو لجنة التحكيم دى برضو تخطئ ولا تظلم؟؟؟ & أيها الناس. & البلد دى ما في شى خربها إلا النسيان والعفو وقولة الفات مات. & الفات ما مات. & لأنو لو خليناهو بكتلنا واحد واحد. & عدم تطوير المستوى. & عدم النهوض بالطموح والمحتوى. & ديل سببين من أسباب مسكنة المريخ داخل الملعب. & وطبعاً فى أسباب مسكنة المريخ إدارياً ودى أسباب خارج الملعب ولكنها تؤثر داخل الملعب. & وفى مسكنة المريخ على المدرجات. & ودى بصراحة الحارقانى وهارية قلبى. & لاتشبهكم المسكنة أيها الشفوت. & فصافرات الحكام كثيراً ما تنطلق بنفس الجمهور. & فيكون الجمهور هو من نفخ فيها. & شغل شفتنة يعنى. & الحالة الواضحة يحسبها الجمهور الواعى الشفت قبل الحكم. & فيجبر الحكم على إحتسابها. & خلوا المسكنة دى شويه. & وأعلموا أنكم أنتم من يدر المباريات. & بالذات إذا كان الحكم يخطئ. & زى دى تصححوهوا طوالى. & أيها الناس. & صدقوى. & حكم قليل الأخطاء وبحيادية. & ستعود الصدارة الى أهلها قبل أن يعود قطار عطبرة الى الخرطوم. & أها. & نجى لى شمارات والى الخرطوم. & أكان شفت يا والينا. & دار نقاش طويل عن الحرامية وأنواع الحرامية المننا ولينا. & فى حرامى بشيل مننا بالسكينة. & وفى حرامى بشيل مننا بالشمال وباليمين يدينا. & وفى حرامى ما شغال بينا. & وفى حرامى بوصينا عشان الحرامى ما يعملها فينا. & وفى حرامى بشيل الموبايل وبخلى الشريحة رحمةً بينا. & وفى حرامية أولاد ناس يا والنيا. & وفى حرامية أولاد قبايلاً لينا. & وفى حرامية ما بيخجلوا مننا ولا برأفو بينا. & وفى حرامية بتحللوا وحرامية ما بحلوا لينا. & أنواع كتيرة يا والينا. & لكن وصلنا بعد بذلنا جهداً لينا. & أنو البنط الحيطة بتخسر أسرة والبنط الدولة بتخسر أمة يا والينا. سلك كهرباء & ننساك كيف والبنط البلد بيهرى أمة بحالها يا والينا. والللللللى لقاء سلللللللللللللك في السلك - بابكر سلك
