عيساوي: البيضة والحجر    بعد عام من تهجير السكان.. كيف تبدو الخرطوم؟!    ماذا قال دكتور جبريل إبراهيم عن مشاركته في مؤتمر مجموعة بنك التنمية الإسلامي بالرياض؟    الصليب الأحمر الدولي يعلن مقتل اثنين من سائقيه وإصابة ثلاثة من موظفيه في السودان    دعم القوات المسلحة عبر المقاومة الشعبية وزيادة معسكرات تدريب المستنفرين.. البرهان يلتقى والى سنار المكلف    انجاز حققته السباحة السودانية فى البطولة الافريقية للكبار فى انغولا – صور    والي الخرطوم يصدر أمر طواريء رقم (2) بتكوين الخلية الامنية    شاهد.. حسناء السوشيال ميديا أمنية شهلي تنشر صورة حديثة تعلن بها تفويضها للجيش في إدارة شؤون البلاد: (سوف أسخر كل طاقتي وإمكانياتي وكل ما أملك في خدمة القوات المسلحة)    شاهد بالفيديو.. في مشهد خطف القلوب.. سيارة المواصلات الشهيرة في أم درمان (مريم الشجاعة) تباشر عملها وسط زفة كبيرة واحتفالات من المواطنين    شاهد بالصورة والفيديو.. حسناء أثيوبية تخطف قلوب جمهور مواقع التواصل بالسودان بعد ظهورها وهي تستعرض جمالها مع إبنها على أنغام أغنية وردي (عمر الزهور عمر الغرام)    في اليوم العالمي لكلمات المرور.. 5 نصائح لحماية بيانات شركتك    الأمن يُداهم أوكار تجار المخدرات في العصافرة بالإسكندرية    جبريل: ملاعبنا تحولت إلى مقابر ومعتقلات    موعد مباراة الهلال والنصر في نهائي كأس الملك !    مسؤول أميركي يدعو بكين وموسكو لسيطرة البشر على السلاح النووي    سعر الريال السعودي مقابل الجنيه السوداني من بنك الخرطوم ليوم الخميس    سعر الدرهم الإماراتي مقابل الجنيه السوداني ليوم الخميس    سعر الدولار مقابل الجنيه السوداني في بنك الخرطوم ليوم الخميس    تحديد زمان ومكان مباراتي صقور الجديان في تصفيات كاس العالم    السوداني هاني مختار يصل لمائة مساهمة تهديفية    ستغادر للمغرب من جدة والقاهرة وبورتسودان الخميس والجمع    الغرب "يضغط" على الإمارات واحتمال فرض عقوبات عليها    وزارة الخارجية تنعي السفير عثمان درار    العقاد والمسيح والحب    شاهد بالفيديو.. حسناء السوشيال ميديا السودانية "لوشي" تغني أغنية الفنان محمد حماقي و "اللوايشة" يتغزلون فيها ويشبهونها بالممثلة المصرية ياسمين عبد العزيز    محمد وداعة يكتب: الروس .. فى السودان    مؤسس باينانس.. الملياردير «سي زي» يدخل التاريخ من بوابة السجن الأمريكي    «الذكاء الاصطناعي» بصياغة أمريكية إماراتية!    الموارد المعدنية وحكومة سنار تبحثان استخراج المعادن بالولاية    السودان..اعتقال"آدم إسحق"    فينيسيوس يقود ريال مدريد لتعادل ثمين أمام البايرن    أول حكم على ترامب في قضية "الممثلة الإباحية"    تعويضاً لرجل سبّته امرأة.. 2000 درهم    الحراك الطلابي الأمريكي    أنشيلوتي: لا للانتقام.. وهذا رأيي في توخيل    بعد فضيحة وفيات لقاح أسترازينيكا الصادمة..الصحة المصرية تدخل على الخط بتصريحات رسمية    راشد عبد الرحيم: يا عابد الحرمين    تعلية خزان الرصيرص 2013م وإسقاط الإنقاذ 2019م وإخلاء وتهجير شعب الجزيرة 2024م    شاهد بالفيديو.. الفنانة ندى القلعة تواصل دعمها للجيش وتحمس الجنود بأغنية جديدة (أمن يا جن) وجمهورها يشيد ويتغزل: (سيدة الغناء ومطربة الوطن الأولى بدون منازع)    شاهد بالصورة.. بعد أن احتلت أغنية "وليد من الشكرية" المركز 35 ضمن أفضل 50 أغنية عربية.. بوادر خلاف بين الفنانة إيمان الشريف والشاعر أحمد كوستي بسبب تعمد الأخير تجاهل المطربة    بيان جديد لشركة كهرباء السودان    أمس حبيت راسك!    دخول أول مركز لغسيل الكلي للخدمة بمحلية دلقو    شركة توزيع الكهرباء في السودان تصدر بيانا    تصريحات جديدة لمسؤول سوداني بشأن النفط    دخول الجنّة: بالعمل أم برحمة الله؟    الملك سلمان يغادر المستشفى    عملية عسكرية ومقتل 30 عنصرًا من"الشباب" في"غلمدغ"    جريمة مروّعة تهزّ السودانيين والمصريين    بالصور.. مباحث عطبرة تداهم منزل أحد أخطر معتادي الإجرام وتلقي عليه القبض بعد مقاومة وتضبط بحوزته مسروقات وكمية كبيرة من مخدر الآيس    لمستخدمي فأرة الكمبيوتر لساعات طويلة.. انتبهوا لمتلازمة النفق الرسغي    مضي عام ياوطن الا يوجد صوت عقل!!!    إصابة 6 في إنقلاب ملاكي على طريق أسوان الصحراوي الغربي    الطيب عبد الماجد يكتب: عيد سعيد ..    بعد نجاحه.. هل يصبح مسلسل "الحشاشين" فيلمًا سينمائيًّا؟    السلطات في السودان تعلن القبض على متهم الكويت    «أطباء بلا حدود» تعلن نفاد اللقاحات من جنوب دارفور    دراسة: القهوة تقلل من عودة سرطان الأمعاء    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



السيستم قفل – قصة التوم ود حسن ود الدريش
نشر في النيلين يوم 30 - 11 - 2014

الواحد فيهم دخل ليه في (فانلة) بقى ليك في الفانلة زي الجركانة الكبيرة عبوة (4) لترات وفيها ربع رطل زيت
"""""""""""""""""""""""""""
نحن قفلة السيستم دي مجربنها – ممكن نسامح في أي حاجة – إلّا السيستم يقفل
""""""""""""""""""""""""""""""
واحد من الناس الكبار – (دائما بعمل الحركة دي) قال يا جماعة طول ما الناس طلعوا أهل – نحن لازم (نعقد)
"""""""""""""""""""""""""
الأهلي الخرطوم والخرطوم الوطني ح يشكلوا خطر على فريق المريخ في الموسم الجديد
""""""""""""""""""""""""""""""""
ناس (عثمان ود المكتيل) قاموا من الصباح شافوا ليهم (لوري) قالوا ماشيين على الخرطوم.
السفر باللوري.
اكلوا ليهم (زلابية) واتحركوا على الشارع.
الزلابية في البرد – متل الشهادة التقديرية.
تنفخك ثقة ساكت.
هسع الشهادة التقديرية الدخلها هنا شنو؟.
عثمان ود المكتيل عندهم ود خالة ليهم – قالوا عاوزين يشيلوا ليه (الطوحال).
مرقوا من بدري (في السقط دا) عاوزين يلحقوا (العملية).
شافوا ليهم (فانيلات) سقط قديمة من زمن حفروا البحر – تكون دخلت البلد دي مع خط السكة الحديد.
الفانلة مكتوب في ضهريتها هيئة حديد السودان.
الواحد فيهم دخل ليه في (فانلة) بقى ليك في الفانلة زي الجركانة الكبيرة عبوة (4) لترات وفيها ربع رطل زيت.
ربع رطل الزيت لايص ليك تحت متل (الشرابات) المكفكفة.
فضيحة السواد.
الجركانات الدخلها هنا شنو؟.
ناس (عثمان ود المكتيل) قاموا (مشكورين) من دغش بدري - عشان يصلوا الخرطوم مترحمنين.
عندهم اهم حاجة حضور العملية.
الشيخ لو طلع من العملية – وما جاتو حاجة (الله ما افتكرو) وقالوا ليه ولاد خالتك ما حضروا عمليتك – ما بقبل.
ولا برضى.
لكن بسكت وما بقول حاجة...لكن بشيلها ليهم.
ناس (عثمان ود المكتيل) وصلوا ليك الخرطوم مع (عالم الرياضة) – الناس تشفوهم رهاب – رهاب (زهجانين وقافلة معاهم وما قادرين يقولوا اي حاجة).
الفلس ظاهر في (نعليهم).
ولا بردو السلام.
ناس الخرطوم تسلم عليهم – ما بسلموا.
تسأل ليك واحد فيهم من (الوصف) – يقعد يوصف ليك لمن يعقدك.
يوصلك عديل كدا.
ويقعد يتغدي معاك كمان.
ليه الزول دائما بوصفوا ليه ب (محل اسطوانات غاز).
السر شنو؟.
يوصفوا ليك بمحلات اسطوانات الغاز – وغاز مافي.
عثمان ود المكتيل وصل الخرطوم مع الاسرة – مشوا على المستشفى.
لقوا ليك البلد كلها في المستشفى.
الطيب ود الحسن وكلتوم بنت الشيخ – وعبدالرحمن وعباس الكترابي وفاطمة بنت عيسي وعيسي ذاتو.
البلد كلها هناك.
واقفين ليك تحت الشجر متل (كراريس الانشاء) في مكتب استاذ اللغة العربية.
تلقاها مجدعة في المكتب متل (الفراريج).
العملية الساعة 4...الدكتور دخل غرفة العمليات – وقال ما عاوز اي زول في المستشفي.
لو الناس ما طلعوا من المستشفى قال ما بعمل العملية.
طلعونا.
وقعدنا نترقب في الاحداث.
البتكلم بالموبايل.
والبرد على رسائل الواتساب.
والقاعد ليه تحت شجرة بشرب ليه في قهوة.
والشايل ليه جريدة.
والشايل ليه سبحة.
كل زول داخل ليه في فصل براهو.
الدكتور غاب (30) دقيقة – وطلع من غرفة العمليات سأل من عم المريض.
جابو ليه عم المريض.
دخل غرفة العمليات – طلع بعد ساعة وسأل من شقيق المريض.
جبنا ليه شقيق المريض.
ساعة تاني الدكتور وعم المريض وشقيقو جونا طالعين من غرفة العمليات.
قلنا ليهم ان شاء الله خير..شلتوا الطوحال.
عم المريض قال لينا للاسف الشديد (السيستم قفل).
قلنا ليه انتوا (الطوحال) دا عاوزين تشيلوه من (اتحاد البرازيل).
مالكم انتوا عاوزين تلخبطونا.
هسع (اللخبطة) هنا وين؟.
ناس التاي ود رحمة الله – قالوا عندهم (خطوبة) يوم الخميس.
ركبوا ليهم لمبات جديدة في الحوش.
واشتروا ليهم لوح تلج.
وكلموا ناس الحلة – قالوا ليهم يوم الخميس ناس الرحمة جايننا يطلبوا ايد (علوية) لي ولدهم (الشفيع).
قلنا ليهم ربنا يتم على خير.
يوم الخميس الحلة كلها اتكبت في بيت التاي ود رحمة الله.
جابوا ليهم فنان – نحن في البداية كنا فاكرنو (الطباخ).
لمن غنى لينا (سيد الاسم) – قلنا كمان الطباخ العرفو شنو ب (سيد الاسم).
الناس اتعشوا.
وشربوا الحاجة الباردة.
واحد من الناس الكبار – (دائما بعمل الحركة دي) قال يا جماعة طول ما الناس طلعوا اهل – نحن لازم (نعقد).
بعدين نحن ذاتو ما عندنا بيت بتطلع ليها مع راجل غريب – من غير ما تعقد عليه.
المأذون تقول كان قاعد وراء الباب.
جبنا المأذون.
المأذون اتكلم عن الزواج – وعن تكوين الاسرة.
الزمن مشى.
طلعوا الدفتر.
عاين لينا كدا.
رجع الدفتر.
قلنا ليه يا زول مالكم.
قال : السيستم قفل.
قلنا ليه نحن قلنا ليك اعقد لينا وإلّا قلنا ليك اطلب لينا (الكرت) من اتحاد سيراليون.
اهل العروس ما رضوا – قالوا انتوا جايبين لينا مأذون وإلا حكم رابع.
بحثنا الموضوع – لقينا ليك صاحبكم ما عندو اي علاقة بالمهنة.
زولكم لا مأذون ولا حاجة.
زولكم طلع (رئيس لجنة شعبية).
شلنا ورقنا وطلعنا على كدا.
عليكم الله نحن فاضيين للحاجات دي.
ولا عندنا وقت.
التوم ود حسن ود الدريش جاء من البلد جديد.
قال عاوز يفهم حاجة.
عاوز يعرف بس (السيستم) دا شنو؟.
قلنا ليه السيستم دا حاجة زي البيبسي بتطلع بالنخرة.
اول ما تشرب ليك بيبسي – بتنتظر ليك حدث سعيد يحصل ليك في (النخرة).
متل الزول البجرك على الموية.
تشعر ان نقطة ارتكازك في (نخرتك).
زي المعلقنك من (النخرة).
لكن السيستم كدا.
السيستم اصعب من كدا.
التوم ود حسن ود الدريش – لاقاهو (عباس التهامي) في الشارع – التوم كان عاوز ليه قروش من عباس التهامي..طوالي ثبتو ليك.
التوم قال لي عباس اسمع والله بعد كدا انا بشغل ليك (السيستم).
والله السيستم دا يقفل تاني الامم المتحدة ما تطلعك.
عباس التهامي سمع قولة (السيستم) يقعد يرجف.
عارف ليك السيستم دا حاجة خطيرة...كان بسمع بيه عند ناس الهلال.
عباس قعد للتوم ود الحسن ود الدريش في الواطة وقال ليه – كلو شيء ولا السيستم.
إلّا السيستم – بكرة برجع ليك قروشك من الصباح.
التوم ود حسن ود الدريش عرف ليك موضوع (السيستم) دا صعب.
بقى اي واحد يلخبط معاه بقول ليه ح ادخلك في السيستم – وانتوا عارفين السيستم لو قفل.
التوم ود حسن ود الدريش مشى يرخص العربية.
ناس الحركة قالوا ليه السيستم قفل.
جاء راجع.
مشى يطلع ليه تأشيرة.
ناس الداخلية قالوا ليه السيستم قفل.
ناس الحركة..ناس الداخلية برضو عندهم اسامة عطا المنان.
السيستم قفل شنو؟...بوابة داخلية هو عشان يقفل لينا في وقت زي دا.
ناس الهلال شافوا السيستم مجهجه كدا – قالوا كروز ح يوقع امام سفير السودان في البرازيل.
قلنا ليهم ليه؟...انتوا جايبنو مساعد رئيس جمهورية.
انتوا بتصعبوا المواضيع ليه.
غايتو يا الكاردينال الليلة لو السيستم قفل عليك – إلّا تشوف ليك بلد.
ما بنريحك.
نحن قفلة السيتسم دي مجربنها – ممكن نسامح في اي حاجة – إلّا السيستم يقفل.
.......
ملحوظة : السيستم دا اهرشوه ما يقوم يقفل ليكم من الساعة اربعة.
هوامش
عمر بخيت مشى الاهلي الخرطوم – احسن ليه ، الله شافو من المريخ.
الاهلي الخرطوم الموسم الجديد ح يكون اخطر من المريخ.
تسجيلات الاهلي الخرطوم والخرطوم الوطني تسجيلات ناجحة ومميزة.
لذلك نتوقع الاهلي الخرطوم والخرطوم الوطني يشكلوا خطر على فريق المريخ في الموسم الجديد.
جمال الوالي طلع ليه بيان في ذكرى الخمسين لافتاح استاد المريخ.
بكرة لو فى وقت نرجع للبيان.
لكن بكرة ما ح يكون عندنا مساحة للحاجات دي – ح نقعد نحرس السيستم.
نشوف مفاجآت اليوم الاخير.
اليوم قبل الاخير – هو ذاتو حصلت فيه مفاجآت.
عمر بخيت مشى الاهلي الخرطوم.
بعد كدا ناس المريخ – إلا ينتظروا (خليفة).
ما عندهم خيار تاني.
عمر مشى الاهلي الخرطوم.
ومهند الطاهر اسبانيا.
فضل ليكم (خليفة) يا ناس المريخ.
لو خليفة مشى الرابطة كوستي يا ناس المريخ تسجيلاتكم ح تطلع فشوش.
ما ح يكون فيها اي شيء.
......
عاجل : السيستم دا المرة دي ح يجيب ليه حاجة كبيرة.
وإن طال السفر - محمد عبد الماجد
صحيفة قوون


انقر هنا لقراءة الخبر من مصدره.