بانت بشائر النصر الكبير مع كل اشراق جديد نقترب من نصر مؤكد كل الظروف والمعطيات تشير لانتصار قادم الروح بدأت تعود الاصرار عند اولادنا كبير التسيير تو تقوم بدورها كاملاً متكاملاً ورمرم ماكوك التسيير لا بنوم لا بتدمدم الجماهير خلية نحل تعد العده واصرار الصاروخ على تدمير قواعد العدو التمسناه بشدة كل الظروف معنا حتى الدولة الدولة كانت زي ام التيمان بترضع وتلولي البكاي اسي عرفت انو الدلع ما بنفع وبقت كل اهتمامها بالتوم الهدي الرضي التوم التاني يصرخ ياخد ليهو خبطة وقرصة لمن يعرف حاجة ويجعر لمن نفسو ينقطع زول بهبب ليهو مافي المهم انو التوم الرضي بقي امو شايلاهو اليوم كلو يمكن احساسها بانها ظلمتو كتير هو السبب امنا الدوله شايلانا وتلعب فينا وجقجقجق ونحنا نضحك ولقلقلق ونفرفر من الضحك وياااااا أك نضحك لما البانمبرس يدق سيستم والتوم البكاي مادي بوزو ضيع فرصتو واتدلع كتير امنا الدولة بقت ما شغالة بيهو بيني وبينكم مرات كده امنا الحكومة في سرها لمن تعاين للتوم البكاي بتقول بس عليك… .فقر… عاين القدوم كيفن… يشبه اهل ابوهو.. الببو الببو ساي يا ماما؟؟ الببو الاشتتهم واحد واحد ومايخلي ليهم سيخة مربوطة في اختها الببو البنصف ناس الدكاكين والظلم الحاق بيهم بالمناسبة واحد من ناس الدكاكين قال حقي ان شاء الله اشوفو في شبكة الهلال المليون بي قون كم مليون اتشالت ظلماً من ناس الدكاكين يافطومة داير بس نعرف عدد الاهداف ايها الناس النصر الكبير لا يأتي الا بعمل كبير من الجماهير تتذكروا يا نتشفتن يا نتبشتن؟ تتذكروا اتشفتنا كيف وبشتناهم كيف؟ المره دي شفتنة بي تراويحها كل القطاعات الجماهيريه من عصرا بدري وبكامل معيناتها جوه الاستاد مع ملاحظة انو ابواب كردنة زي ابواب الخزان صغااار وضيقات لقوا الاسمنت الميري ده وكبوهوا بدون فهم عشان كده نجي بدري عشان نقدر نضمن الدخول ونشجع بفهم وشفتنة وثقة الببو حالف يشتتهم ويشتت سيخهم اليومين دي الببو متألق في التمارين سامعني يا الدمازين؟ وامنا الدولة تنظر للتوم البكاي وتردد سراً وجهراً الببو الاشقك المهم ما ينوم شعار يردده الملايين نصر يتناسب مع المرحلة انتصار يخرس الذين يتطاولون في البنيان في غفلة من الزمان ويتطاولون باللسان علي بطل الجو والأرض دايرين باقي رمضان ده يا روشا يلحق فطومة في العمرة يا جريدة روشا تقلب فنية تكتب عن اغاني واغاني تكتب عن امنا حوة امنا الحكومة خلاس ببح يا روشا وتكتب عن شاشاتنا المليانة غنا نسوان في رمضان البشوف غنا النسوان في التلفزيونات في رمضان والفسخ والجلخ وحقن التفتيح وتركيبات الشعر يقول نحنا مافي رمضان يقول نحنا في وائل او هيثم اشتهينا الخضار في اراضينا وشهيتونا الخدار في حرائرنا معقولة البلد كلها صفراء فاقع لونها وشعرها طويل! هنود يا ربي ؟ الهنود فيهم هنود حمر وهنود خدر لكن هنود كلهم صفر ماشفناهم الا في البلد دي المهم بعد يوم عشرين روشا يكتب لينا عن الهنود باقي عاشرهم في الهند كتير المهم الببو حالف يشقكم يا روشا ايها الناس دعم الروابط لازم يستمر بصورة مرتبة ومنسقة ومبادرة شفوت جدة لازم تبقي مشروع كبير اما دعم القروبات فحقو المجلس يتدخل لتنظيمه من حيث التوقيت والكيفية عشان مافي قروب يترأس قروب ويجيب لينا الفرقة والشتات لن ندعك تدفع براك ياجيمي ايها الناس ان تنصروا الله ينصركم اها نجي لي شمارات والي الخرتوم كان شفت يا والينا لما مرضنا بي حقنا للأردن مشينا وبي حقنا برضك قرينا وأكلنا وانكسينا شربنا وما لقينا دعماً منكم في صوانينا تعرف يا والينا لو جبنا جنريتر ولموية صحة في مكيفاتنا كبينا تاني ما بقدر زول للخدمة يدعينا ولا الزامية يقول لينا سلك كهربا ننساك كيف والكلب قال المواطن بعمل اي شيء لي روحو… انا لو محلكم برفع علم في البيت واعمل لي سلام جمهوري واسجل في الاممالمتحدة والى لقاء. سلك
