قال الاعلامي المصري عمرو أديب “إيه البلد إللي يهزها توك توك، إيه التفاهة دي، دا يبقى منستحقش نعيش” وهاجم عمرو أديب سائق ال”توك توك” الذي ظهر مع الإعلامي عمرو الليثي، وتعجب من حديثه، قائلاً: “قال إيه جديد يعني.. بيتكلم عن المآسي، وهو سر كلنا عارفين، وكل يوم بنقول”. وأضاف أديب خلال تقديم برنامج “كل يوم” المذاع على قناة “ON E”: “مش عارف بلد إيه اللي يهزها توك توك دي، ورئاسة الوزراء بتبحث عن سائق توك توك؟ ما يولع سواق التوك توك، ما يقول اللي هو عايزه، الدولة أكبر من كده طبعًا”. وأضاف “أنا وقفت عند كلمة قالها “من سنتين”، بيقول كان فيه من سنتين، وبعد سنتين، وحصل من سنتين، وهو انت من سنتين كنت بتصدَّر للصين مثلًا، ولا كنت قِبلة الطب في العالم، ولا أحسن 14 جامعة في العالم عندك، ولا مكانش عندك طوابير، ما أنت كنت أهبل، ومتنيل بستين نيلة”. واستطرد أديب بحسب موقع رصد: “سيبكم من التوك توك، واتفرجوا عندنا ناس بتركب “إف 16″، وناس بتركب حفار، مش توك توك”. وأكد أديب أن الاقتصاد في وضع سئ منذ 40 سنة ماضية، مضيفًا: “اشمعنا سنتين.. أنا بقولك من 40 سنة، لم يحاول أحد إصلاح العشوائيات، ولم يعالجوا فيروس سي، ولا حد بيقول لأمريكا لا”.
