[email protected] بيان رقم 1: يحل المريخ ضيفاً على أهلي الخرطوم في السابعة والنصف من مساء اليوم في مباراة مؤجلة من الجولة 25 من مسابقة الدوري الممتاز ويعود المريخ إلى السباق المحلي بعد خروجه المر من البطولة الكونفدرالية على يد ليوبار الكونفدرالية وبتعادل الفريقين اياباً من دون أهداف وخسارة الأحمر ذهاباً بهدفين لهدف ويسعى المريخ إلى استعادة ذاكرة الفوز والتمسك بأمل الحصول على لقب الدوري في انتظار هدية من أهلي مدني الذي يلتقي الهلال في ختام مشوار الفريقين في المسابقة ويدخل المريخ لقاء اليوم وفي رصيده 62 نقطة بيان رقم 2 : وبعد عودته مهزوما من باماكو وخروجه المر من الكونفدراليه يحل الهلال ضيفا على سيد الايتام اهلى مدنى لتكملة مباريات الدورى ومصالحة جماهيره الحزينه ويسعى الهلال للحصول على الدورى وقد تبقت له خطوه واحده بيان رقم 3: كل المؤشرات تشير الي ان تسيجلات المريخ تسير بخطط مدروسه..وفي الاخبار ان المريخ اتفق مع فريد ومالك وفارس على تسجيل اعتى اللاعبين.. بيان رقم 4 : وفى الهلال تكتمت ادارته على تسجيلاته وقد كونت غرفة تسجيلات سريه لاختيار لاعبين من العيار الثقيل انتهت البيانات ورجعنا للبدايه ( لمياده الحناوى) وعادت حليمه لعادتها القديمه العك والخرمجه والمحليه المقيته والابواق والاقلام والشلليه و زفه الرئيس ونحن ونحن الشرف الباذخ والعصر والتاريخ يشهدان والأرض والسماء يعرفان المجد والمريخ توأمان ومن خلقنا عرفنا الله ... الوطن ... بعدو الهلال زاهي فوق كل النجوم ... مكسي بي لون الجمال تاريخ مرصع بالدرر ... في وصفه أبدع من خيال دا الزعيم سيد البلد ... قاهر المحن قاهر الرجال صيته ذائع في البلد ... في الجنوب أو في الشمال و كل بلاد الأرض أجمع ... ما بتصوم من غير هلال و الهلال لو ما سطع ... يبقى برضو العيد محال و العريس يوم جرتقو ... فوق جبينو تشوف هلال لو مشينا على المساجد ... في القبب تلقى الهلال وخلاص رجعنا للثرثره وامورنا كلها مبعثره و نسينا جوليبا والهزيمه الترجيحيه و نسينا ليوبار وانتصاراتو الكنغوليه وتانى يلا نغنى ويلا نخلق من الفسيخ شربات ونمدح سكواها وسادومبا واديكو وسانييه ونطرب لملك ملوك افريقيا والاخطبوط جمعه وهوبة مهند وكلاتشى الاباتشى وكاريكا المزيكا والباشا واكرومى ومساوى ونزار وخليفه وبله ومين زيك يا المريخ الرهيب ومين قدك يا هلال يا عجيب وشبكنا الحكومه وبقينا قرايب وغلبنا ناس عنكبه ومدنى وبحبك وفى فنك انا دايب واهدافك يا هلال بالجمله وعلاماتك يا مريخ كامله واتفلسف لينا يامزمل واتشفتن لينا يا سلك و اتفنن لينا ياود عبد الماجد واتغاتت لينا يا دى بصمتى والمريخ تاريخ والهلال فن وخلاص احنا اولاد النهارده ونسينا الخروج المر وسخرية العالم وخلاص رفعنا الفراش وكأنو شيئ ما حصل ولا تحقيق لا مساءله لا اتحاد ولا وزاره وأشاده من الدكتور معتصم جعفر سر الختم رئيس الإتحاد السوداني لكرة القدم بالخروج المر وبمشاركة الأندية السودانية في بطولتي الإتحاد الإفريقي لكرة القدم (كاف) دوري الأبطال والكونفدرالية وقال بأن المشاركة هذا الموسم كانت جيدة مقارنة مع المواسم السابقة ويكفي بلوغ الثلاثي المريخ والهلال والأهلي شندي لمرحلة المجموعات لبطولة الكونفدرالية وكأنه بيقول ما يهمكم وبتحصل فى احسن العائلات والظاهر نحن ما بنعترف بالبطولات الافريقيه ولا بنعترف بالكونفدراليه ولا بنعترف بالعالميه ولا بنعترف بناس ميسى ورونالدو وبنحب المحليه موت وما بنحب عيسى حياتو ولا قرن شطه وما بنحب ناس الترجى ولا الاهلى المصرى وعدونا مازيمبى والوحدات عندنا زى الزومبى لا دايرين حماده مدغشقر ولا جانى سكواها وعاجبننا ناس صلاح وما احلاهم ناس وديدى وابوشنب وخلونا من الجلاكسيات وما بنحب اللابتوبات وما تظلموا ناس همشرى وخلونا من كابو ويا حليل المحليه وكل فرقنا الوطنيه وحنغلبهم طوالى مره بالاتحاد ومره تحكيميه وحنشطر على الامل وحنشيل نقاط كادقلى بالعضل وحنتفسح فى الغلابه والبطولات دوريه ومره هلاليه والتانيه مريخيه وخلونا من ناس برا والجهجهه الافريقيه ويا سلام يا مريخ وانت فايز على الاهلى وايه الابداع ده يا هلال جننت ناس مدنى و الفريقين روعه وجمال وخفه ودلال ومباريات غايه فى العالميه وده كلو بالمال والحركات التحكيميه واحلى محترفين الواحد بمليار والريس محتار لكن صفقى يا جماهير وأرفعى ساكواها فوق وغنى لسادومبا كتير وياسلام يا سانييه وليه ما جبتها ليه وكلاتشى الاباتشى كان خطير مع الاهلى وما اروعك يا وارغو وما احلاك اتوبونج انتم مبدعون انتم فنانون ولكن فاشلون خارج الحدود وايه ده يا حضرى يا سد يا عالى والملصه للكوره وغلطاتك مغفوره وما اروعك كاريكا واهدافك مزيكا وصاحى فى السودان ونايم مع جولبيكا وما اروع الباشا الفنان ومع ليوبار ضاعت الاقوان ويوسف محمد وايقانقا والواوا وليما اسود على وفى الحروب نعامات وتسريحات وصبغات وانذارات وده هو الواقع والحال وحسره ما كانت على البال وخروج مذل يامريخ وعاديت اخوك الهلال هى وحدها الفئات السنيه مخرج ازماتنا السودانيه ولا والف لا الاعتماد على اللاعب الجاهز وكفانا الاعتماد على انصاف المواهب ولا للعجايز ابتعثوا شبابنا للاكاديميات الرياضيه واهتموا بالرياضه البقت عالميه
