حقائق لا تخفى مستشفى كسلا التعليمي (مستشفي القطط والحرامية) عبارة عن مرض في حد زاتها بالامس القريب قمت بزيارة الي عدد من الافراد نسال الله لهم العافية. ووجد ان المياه العفنة(البلعات والمعمل وغيرها) تقابلني من بوابة المستشفي. اما بالنسبة للدخول الي المستشفي فهو أصبح بما يسمي بالواسطات(المعارف) ففي البوابة يتم فرز من يدخل بتذكرة ومن يدخل بدونها(دا خليهو) يأخي انا داير اسالك البوابة دي بوابة بيتكم ول بوابة دولة. بعدين قروشها قاعدة تمشي وين؟ ولي منو؟ ووين المدير؟ووين المراجع؟وبعدين كل الناس الشغالة في البوابة ديل كان فيهو الزول سيد الشاي والتاني بتاع السجاير والتالت الكمساري. نسأل الله ان يأتي بمدير يعرف معني الانسانية. المستشفي دا مولد بتاع كهرباء اتحطياتي لي غرفة العناية مافيهو ولا للعملية وحاليا بس داير أسالكم مدير المستشفي دا عندو بابور في البيت ول لا؟ انت عارف انو بي سبب قطع الكهربا في المستشفي احتمال ارواح ناس تروح فيها(تموت) يأخ انا داير بسال وقت جاء نائب الرئيس وافتتاح القسم بتاع الجراحة (غير مضرب بوهية وجير وسراميك مافيهو شي) كنت المستشفي زي بيتك يالوالي وانت يامدير الصحة. وفوق دا كلو كانوا مؤاجرين مولد للكهربا يأخ اخجلوا من انفسكم! دا مستشفي ولاية وليست مستشفي استثمار ليكم كلو زول مستلم شغالة فيهو معناها يتمصرف منها. بعدين ياناس الطؤاري صيدليتكم دي متين بتكون مليان بالدواء وقت مابجي بتقولوا لي مافي(قبيل جابوا العلاج دا وانتهي) انتو تبيعوا العلاجات وتقولوا انتهت. يأخ حقنة بي جنيه المستشفي ماقادرة تخدمها خدمة للمريض والله الغلط زاتو من المريض الجأي يزيد المرض لي نفسوا. وتاني ياناس الاشعة جاهزكم المرة تقولوا ماشغال هو بي حقنا بندفع وتقولوا ماشغال سبحان الله بس ربنا يكون العون. وناس المعمل ادوات وسخانة لاتتعقم وتجي الجديدة تتباع في للمعامل البرة يأخ حرام عليكم. الممرضين جيب لينا فراشة تمشي تجيبها لا دا ماهي امشي جيب واحدي تانية ويشيلوا ديك وبرضو لو في علاج جأ بالغلط وبكرة يجوا يبيعوها ليك تاني يامريض وين الامانة العملية انتو ديل بتأدوا قسم في الفاضي. سؤال أين هو قسم رسم القلب؟هل تعلموان انها جهاز مملوك لأحد الاطباء(فني رسم قلب) تجي بي حقك(قروشك) تسأل من الزول دا مافيش وين؟ الله اعلم بس دقيقة نضرب ليك ليهو شوف قمة التعامل في الفساد. مامشكلة بس بسأل الجهاز دا بتاعوا ملك(ملك خاص) ول حق المستشفي؟ قسم كامل مافيش بالمستشفي! الدكاترة؟ طلاب وطلاب امتياز يتلفلفوا فوق رأس المريض علي مدي24ساعة دا زاتهم عبارة عن مرض لكن احلي حاجة فيهو الاخلاص وبذل الجهدل للتعلم. في اليوم انت عارف الاخصائي والنائب بتاعو يجوا المستشفي مرة واحدة وعلي دا كلو يجوك ومعاهم سبعين نفر(طلاب طلاب امتياز ناس وحدات مريضين من خارج العنبر) هو آصلا بيجي الساعة12 بالليل(بعد يضمن سلامة مرور الاستثمار-العيادة الخاصة- ) ولو في حالة مصتعصية بيضرب ليهو ناس المستشفي وبيقول ليهم(جأي عليكم وتاني م بيرد معقولة يخلي العيادة والقروش عشان يجي للفلس والمرض) بس الله يعطينا الانسانية. قسم الاحصاء عندما تأتي لتأخذ شهادة وفأة(موت) اسمع تمشي الحسابات تدفع سعر الشهادة وتجيب الايصال وبعد داك تشيل الشهادة(يأخي أتقوا الله دا زول مات وانتو شيلتوا كل قروشوا ولسه عايزين تشيلوا من الميراث). سؤال اين دور وزير الصحة من هذه الفوضة؟هل هو مشترك ايضا في هذه الاستثمارات ام لا؟ اين دور ديوان المراجعة العام؟اين هو دور ممثل الصحة بالمجلس الوطني؟ اين دور صندوق تنمية وأعمار الشرق(صندوق تخريب ودمار الشرق)؟ اين دور منظمات العون الانساني التي تعمل في مجال الصحة؟ فشل وفساد حكومة الولاية في تهئية مستشفي كسلا التعليمي(كان الله عون ولاية كسلا ومواطنها) مستشفي ماضي قرن من الزمان علي تشيدها 1905 من المفترض ان تكون افضل مستشفي علي مدي السودان ضمت بالفعل اكبر الدكاترة والاخصائين. لكن للاسف لم تجد أدراة تعرف معني الانسانية. كسلا تنزف تحتاج لشخص يتألم لمافيها لا لشخص يحتاج لمافيها(حرامي) كسلا تحتاج للاسعاف الذي يأتي من الخارج مجاننا(ليس الذي يأتي ويتم أيجاره) كسلا تنطق هل من مستمع؟كسلا تباع هل من مشتري يعلم معني الانسانية؟ كسلا كسلا كسلا(تنزف.مجروحة.مريضة) والسبب هو الفساد من كفاة اركان حكومتها. التحية لكل المبادرات (شارع الحوادث بكسلا. شركة MTN. منظمة شباب من اجل الانسانية. جمعية فيكم الخير.وفاعلين الخير) هؤلاء هم من يحتاجون ان يحكموا الولاية (شباب.طلاب.متطواعين) ليس (عملاء المؤتمر الوطني والاحزاب الاخري). اتقدم بخالص الشكر والتهنئة لمتطواعي مبادرة شارع الحوادث بكافة السودان وبالاخص الخرطوموكسلا والتحية للأم (ام قسمة). هذه هي حقائق وتواريخ يجيب ان تسجل ويجيب ان يعلمها كل السودان. محمد حسين كرار مواطن من كسلا
