hosha [[email protected]] الدنيا ظلام والشوارع فاضية، الساعة وقت المسلسل وكل الحلة في التلفزيونات بتحضر نور المسلسل التركي؟ الضهبان وحاج كيوتاوي وشيخ ابراهيم وحسن "ودبدرية" بتاع الدكان راجعين من زيارة العيان قريب الحاج؟ السكون يخيم علي الجميع والحزن بادي عليهم؟ الضهبان بداء الكلام كالعادة؟" ياحاج انت الزول دة تعبان كدة مالو؟ عياهو ده والله شديد؟ الله يكون في عونه؟ ياضهبان انت قايل الزول عندو نزله ولا شنو؟ قلنا ليك سرطان؟ انت عارف السرطان ده شنو؟ "شيخ ابراهيم كالعادة ما يلقي فرصة في الضهبان الا ويقوم ينهره قدام الحاج؟" ياضهبان انت مش شايف الحاج متاثر كيف مالك عليه؟ الراجل حزين علي قريبه العيان؟ وبيدعو ليه في سره؟ انت الا تقطع دعاء الراجل؟ يا اخوانا انا خلاص حرمت الكلام "الضهبان يتحدث بي زعل" ومافي مشكله ياشيخ خشمي ده تاني ما بفتحه ليك؟ اها ياجماعة انا بيتي بي هنا تصبحو علي خير؟ ويلتفت متجهاً الي البيت؟ "ود بدرية يصيح" الضهبان ؟ الضهبان؟ ما تزعل من الشيخ انت مابتعرفه الزول ده مابيهظر معاك ساكت؟ عليك كمان الله تعال انا عازمكم ببسي في دكاني؟ تعال نشرب ونتونس لينا شوية الوقت لسه بدري؟ وبعدين الحاج لو مشي البيت في الوقت ده كل الناس بيكونو في المسلسل ووبيقطعه عليهم ساكت؟ تعال اهو نعمل معروف ونخليهم يتموا المسلسل؟ "يضيف حاج ابراهيم؟" ياود بدرية انت عارف انا الببسي ده ما عندي بيه علاقه؟ من زمان وقفت اشربها؟ من ما سمعت شيخنا قال دي حرام؟ انت ياود ابراهيم شيخكم ده مش قال المرأة ممكن تصلي بيكم انتو الرجال؟ مالك في الببسي بس بقيت معاهو؟ مش احسن ليك تختي فتاوي شيخكم دو والله بتجيب اجلك؟ ياحاج والله كلامك صح الزول ده في ايامة الاخيرة فتاويه بقت غريبة خالص؟ يا اخوانا مافي مشكلة انا بجيب لي الشيخ عصير هو غير عصاير البرير الماليه الدينا شنو؟ بس اعمل حسابك ياحاج قالو العصاير المعلبه بتجيب سرطانات؟ يازول تف من خشمك انا باقي ليك بشرب جنس الكلام الفارغ ده؟ انت داير راحتي اعمل لي شاي سادة ساكت؟ "وصلو الي الدكان وكالعادة في هذا الوقت من اليوم لاتوجد زحمه؟ تمدد حاج كيمتاوي علي عنقريب ودبدرية وجلس شيخ ابراهيم علي طرف العنقريب، وعندما هم الضهبان بالجلوس علي الطرف الاخر صاح فيه الشيخ؟" ياضهبان ما تجيب ليك صندوق ببسي واقعد علية؟ الحاج ده واقف عليي رجولة من الصباح؟ الضهبان يطنطن ويجلس علي احد صناديق البيبسي قرب راس الحاج؟ انت ياحاج المرض ده شنو العيان بيه قريبك ؟ المرض دة ياضهبان اسمة سرطان؟ والسرطان ده من الامراض الخطيرة الممكن تصيب الانسان؟ في زمنا ده، والعلاج منو صعب؟ ولمن يمسك في الزول ويغوص في عضمه خلاص بيبقي مافي ليه علاج؟ هو اسبابه بس النفايات الدفنوها في بلدكم ديك ولا في حاجات تانية بتجيبة؟ نفايات شنو ياشيخ تف من خشمك؟ وموضوع النفايات بتاعت الشمالية ده موضوع كبير انت ما بتفهمه لي في وقت زي ده، دايرك تكون مصحصح والشمس حية عشان اقوله ليك؟ نرجع لي موضوعنا.السرطان ممكن يجي باسباب كثيرة والاشعاعات واحدة من اسبابة؟ وممكن يكون وراثي كمان؟ يعني لو انت عندك ممكن ولدك يكون عندو؟ زي السكري يعني ياحاج صح؟ صح؟ بس الفرق انو السكري ممكن الزول يعيش بية عمر طويل لو حافظ عليه؟ والسكري اكتشافة ساهل بس السرطان صعب شوية؟ والمشكلة ناسنا في السودان، الدكاترة والمعامل ما عندها خبرة في الموضوع ده؟ و الحاجة المؤسفة انو نحنا السودانين ما عندنا ثقافة "الجيك اب"؟ عارفها دي صعبة، يعني الزول من فترة لي فترة يمشي الدكتور ويعمل فحوصات شاملة؟ او لمن يمرض ويمشي الدكتور ناس المستشفي يعملو لية كل الفحوصات التانية عشان يتاكدو من مرضو؟ بس المشكلة الكبيرة وزي ما عارفين انو ضيق ذات اليد بتمنع الناس تمشي المستشفيات وبيفضلو يعالجو روحهم بيناتهم. عوض الجزار لقيتة قبال مدة بيدي بنت محمود وصفات طبية؟ والصيدلي عندنا تمشي ليه وتحكي لية القصة يخليك تشتري منو الدواء الباير في الصيدلية؟ الثقافة ياناس دي مشكلتنا انو نحنا ما مثقفين، والدولة ما بتساعدنا نحل مشاكل الجهل الفينا. تساعندنا كيف يعني الدولة دي تسوي شنو؟ والله الدولة كمان الله يكون في عونا؟ عونا شنو ياشيخ انت كمان؟ كلام الحاج ماصح الدولة شن سوت لينا غير تلم قروشنا نتعلم في مدارس الحكومة واولادهم يدرسو في امريكا، نتعالج في المراكز الصحية، ومرات حتي في المراكز ما نتعالج، وهم يمشو المستشفيات الخاصة في العمارات وخرطوم اتنين. الدولة غير لي روحها بتسوي للغلابة المساكين الزينا شنو؟ الضهبان براحة علي الراجل، وكلامك صح، الناس ليهم علي الدولة حق، مش بندفع ضرائب؟ مفروض الدولة توفر لينا ابسط حقوقنا، التعليم والصحة. والمواصلات دي ما دايرنها، خليناها ليهم قاعدين في كلاكلتنا دي ما مارقين منها شبر؟ يناس انتو كلو مرة تجو دكاني ده تتكلموا في السياسة! والله بتجيبو لينا الهوا يوم ويسحبو مني مصدر رزقي دة. انتو ناسين انو عم نصر جاري ولدو مع ناس الحكومة. طظ فيه ياودبدريه انت قايل نحنا بنخاف كمان؟ يازول احنا ناس شمالية حرين، وين نخاف. والله لو الحكومة كلها جات وقفت في دكانك دة نقول ليها الكلام دة في عينها. ده ما حقنا انت قايل إحنا بنقالع في حق غيرنا؟ والله اخر الزمن كمان الكلام يمنعونا منو. ما كفاهم قلعو عمرنا كله وقروشنا الحرقنا دمنا وجبناها من الغربة. براحة ياحاج روق دمك، خلاص ياود بدرية خت الشاي بتاع الحاج هنا شكراً، اها ياحاج انا عندي ليك سؤال تاني هو لية المرض دة ما بيتعالج؟ الخواجات قالو لقو ليه علاج بس الغلابة الزينا ديل ليهم الله. ونعم بالله ياحاج طيب المستشفيات الكتيرة بتاعت السرطان دي شنو؟ كتيرة شنو ياشيخ؟ البلد دي فيها مستشفي في مدني او واحد في الخرطوم وده الكبير الاساسي وفي واحد فتحوهو في مروي؟ بتاع مدني كويس بس صغير شوية؟ اما بتاع الخرطوم دة كبير لكن المشكلة الناس لمن تمرض بتحب تجي الخرطوم لانو اي زول عندو في الخرطوم قرايب؟ الله ينعل الهجرة وسنينها، وده عامل مشكلة كبيرة، الزحمة والطوابير. اما بتاع مروي جديد خالص مع انو احدث واحد فيهم والمكنات بتاعتة امريكية لكن مروي مدينة بعيده، الواحد مننا بيخاف يسوق اولادة ويمشي لانو المرض دة بيقعد الزول في المستشفي فترة طويلة. لكن ياحاج المستشفيات دي بتعمل شنو؟ انت مش قلت المرض ده ما بيتعالج؟ المرض دة اصلاً بيجي لمن اعضاء الجسم بدل ما تبني بتكون بتهدم، يعني لمن الزول فينا يتجرح مش الجرح بيبري في اسبوع زمن، هنا العكس السرطان ده بيكون في حتة في الجسم شغالة بتموت في الحوليها، الناس ديل في المستشفيات كل البيعملوه بيعطلوها، ومرات بقتلوها، بس المشكلة السرطان يكون خبيث وينتشر في باقي الجسم. يعني ما بيتعالج؟ هو ممكن يتعالج لو اكتشفوه بدري شوية، لكن انا قلت ليك قبيل في البلد دي لمن يعرفوا انو الزول عندو سرطان يكون مات خلاص، العلم في البلد دي ما بيتطور، ودي مشكلة الله يكون في عونا لانو بدون مواكبة التطور في الايام الجاية حنفقد كتير خالص مش في الصحة وعلاج العيانين لا في كل الحاجات التانية. ياحاج انت ماتخلي الكلام الكبار بتاعك المابنفهم فيه حاجة ده و كدي وريني اهلكم العندهم المرض الخبيث دة كلهم بيجو من بلدكم ديك؟ ولا في ناس بيجيهم ساكنين معانا في الخرطوم؟ لا ياضهبان الغريب انو ناس الخرطوم ما عندهم الكلام ده، ومعني الكلام د، انو المرض بيجيهم من الشمالية. كيف يعني بيجيهم هناك الفرق شنو؟ ودبدرية الكلام ده انا fحكيه ليك مرة تانيه انت و الضهبان ده لانو انا شايف الزحمة بدت في دكان الراجل شكلو المسلسل انتهي؟ يلا نمشي ونخلي الزول يشوف بيعه؟ كلامك صح ياحاج انا زاتي دروختا ونعستا وماشي انوم، الواحد الاسبوع الاخير ده بقي يصحي متاخر لي صلاة الفجر.
