1. في واحدة من مشاكلي الزمان مع ضباط الأمن نواب قائد الحرس الجامعي ... 2. بناتنا في الآداب كان لديهن أفطار أسري لكل الكلية تحت شعار آداب بيت الكل .. 3. الإفطار كان عبارة عن أكلات لكل نواحي السودان، والناس تفطر مع بعض بدون حواجز ( طلاب مع طالبات مع عمال مع أساتذة مع موظفين .... ) 4. حوالي التاسعة صباحاً والتجهيزات على أشدها والبنات منهمكات في المراحل الأخيرة .. 5. يجيني اتصال هاتفي ... 6. انت دكتور عصمت، نائب عميد الآداب ... 7. نعم .. 8. عندكم إفطار هسع؛ الغوه ! 9. نلغيهو كيف دا منشط اجتماعي ما سياسي .. 10. يا أخي نحن رصدنا اجتماعات للجبهة الديمقراطية في الداخلية إنو يتحركوا من خلال الشغل دا ... 11. كويس يا أخي دي معلوماتك ورصدك، أنا ما عندي علاقة بيها، أنا معلم ... 12. يا زول وقف الإفطار دا ... 13. يا اخي دي نعمة وأكل وحلل ، والكلية صرفت فيها خمسة مليون. 14. يا دكتور اكشح الحلل !!! 15. في اللحظة دي ( والله ) أنا بقيت ما دكتور ، حلفاوي بس وصرفت ليهو ... 16. بعد داك رسل دكتور تاني ( مؤدب ) .. 17. للأسف جاء ومارس جاسوسية لأخذ أسماء البنات اللاتي نظمن هذا العمل الراقي ... 18. بعد يومين جاءت خطابات للبنات للمثول أمام لجنة تحقيق بعمادة شؤون الطلاب ... 19. تاني قربت أبقى حلفاوي عند اتصالي بالدكتور .. 20. بس قفلت الخط من الزعل ...... 21. وقلت لبناتي : جيبوا الخطابات ومزقتها أمامهن ... 22. ولو عائزين يحاسبوا زول يحاسبوني أنا .... فيسبوك