دكتور غازى يا دارجول تحس انه عندو عقلانيه.. بس يعنى هل العقلانيه دى جاتو بعد ما فارق الجماعه اللى كان يصدّقهم زول زول!(يا حسره) هل كان معمول ليه عمل يا ترى! وليه كان لاغى عقلو وتفكيرو مغيّب وهو من درس الثانوى تحت نظارة هاشم ضيف الله فى مدنى الثانويه الكانت بدون جرس .. لبعض من رفاقنا بيقولو"الما درّسو هاشم ضيف الله واشتغل معاه..لآ قرا ولا اشتغل" *غازى سليل قوم كرام غر ميامين..ذوو اصاله.. سعدت بالدراسة على يدى معلّم اجيال عتبانى هو(عبد العزيز) والدراسة والعمل مع المرحوم فريد وزمالة مع المرحوم لؤى وزهير والتقيت سنين عددا بالعم اسماعيل(رفيق درب الوالد فى كلية غردون الذى تكرم واهدانى بتوقيعه "شهادته للتاريخ")وزاملت ااستاذة اللغة الانجليزيه "ليلى عبد الرازق العتبانى" *الرئيس او القيادى (سياسى او موظف خدمة مدنيه اللى ما يترك لمرؤوسيه فرصة التدرب على القياده ليتولآها فى غيابو او عند تقاعده او وفاته هو رئيس او زعيم فاااشل! امّال فى المدارس بنعمل نواب نظّار ورؤسائ شعب ةتيوترز ليه! * الاجابه للمتسائلين عن البديل منو؟ يجب ان تكون"البديل هو انت يا "متسائل" وهو.. وهى ..والذى والتى..والذين واللاتى واللتُنّ وانتُنّ وانتم وهم وهنّ.. *فيما يتعلّق بحكاية "الاسطوره التاريخيه" اللى تقول انها لم تكن موجوده. هل لأن عقول اهل الانقاذ كانت مغيّبه كانو عاوزين ليهم اسطوره يبنوا عليها والساحه كانت خاليه فاتخدوا من "اعادة صياغة الانسان السودانى"اسطوره وبدأتم البناء عليها بداية من الهرجله والعبث فى التعليم! التعليم اللى هو طبعا اساس كل تقدم.. هل انتو قريتو كدا!! *قال"بعد اداء القسم البشير يرتفع فوق حزبيته"هل تسقط نظرية" من شب على شىء شاب عليه" *القضيه موش المثقف! المشكله هى السودانى ذات نفسه..ألا يحب السودانى نفسه؟ وديمه عاوز ياخد حقّو وحق غيره..موش لا مبالى.. كل شىء عندو متروك للدقيقه الآخيره..( رمضان والعيد) لا يشارك فى العمل الجَماعى الآ بقدر ما ياتيه هو والاقربين من اهله من خَرَاج اينما امطرت ..ليه دائما بالحاضره واذا ما فقدالحاضره ذم الحاضر وحن الى الماضى! موش كتيرين ألآن يحنّوا الى سير ايام جيمس روبرتسون وايام لورنزن وهوفل فى اسبتاليتى ودمدنى وامدرمان و,D.H.Hibbert (بس كويس انهم يحنّوا الى بخت الرضا وعبدالرحمن على طه فى المعارف!) *يعنى يا دكتور هل انت من انصارالعفو عما سلف و عاوز ليك "Safe Haven" لآهل الانقاذ."قال الابتعاد عن الانتقام والتشفى".. (يعنى الاضينه دقّو واعتذرلو"`!28 سنه قهر واعدام ابرياء. ( مجدى و وشهداءرمضان وشباب سبتمبر خلاض ماتو! .. فطائس !.. سمبله !آل حور عين آل! * اخيرا ومرّة اخرى اين كان عقلك يا نطاسى يا بارع لما كنت تصدّق كل زول وكل قول.الكان مانعك شنوووو تبذل مجهود لتفهم؟ .. كل شىء كان يجيك جاهز من الشيخ اللى اعترف فى الآخر ان كانت هناك اشيا بتحصل امام بصرو و "عجزو"! انه شىء عجاااب! [email protected]