كل عام وانتم بخير وسوداننا بخير والسنة الجاية احسن واخير امان وسلام وخير وفير ساحكي لكم حكاية التوم والصوم مع امل ان لا يربط احد التوم بالهلال لا يعني انه لم يفز ببطولة وصام عن كاس انه مقصود هنا بانه ورمضان تيمان رمضان بيجي كل سنة مرة صوم والهلال كل السنة صوم داك كوم ونحن حا نتكلم عن رمضان دوت توم التوم كان كل سنة بيقول عرسو بعد عيد رمضان مرات الدلوكة بتدق عديل كده في بيتهم وفي كل مرة كان ما بيعرس اول بت قال عايز يعرسها في مرة مشي يخطب بتها وما تقولوا قاصدين الهلال في ناس بتربط الحاجات مع بعض بطريقة مرضية نوع البقول ليك فلان داك عاين لي معاينة غريبة ليه عاين ليك من الشباك لو ما المعاينة من الشباك غريبة ما كان عملوها اغنية يا معاين من الشباك يا احلى زول شفناك ما يكون البيعاين من الشباك ده زي النكتة نكتة الزول الرسلوه يجيب كبريتة مشى وجاهم بالشباك قال ليهم عندكم كبريتة قالوا ليه لا... بس انتظر رسلنا لينا زول هسي بجيبها التوم مرة قال يعقد قبل العيد بعد العيد تكون دخلة بس مشى لنسابتو باقتراحو ده ابوها قال ليهو: عايز تلخمنا قبل مباراة الهلال اها ابو العروس طلع هلالابي انا دحلي شنو في الموضوع ده التوم قال احسن يمشي السنة دي ارقو يحضر كورة المريخ ويلقى ليه عروس المريخ في ارقو غلب بالتيلة قرب يبقى زي ساحل العاج يطير في الدقيقة مافي التوم مشى مع واحد صاحبو عشان يخطب اختو ابو البت قال ليه لو المريخ اتغلب بديك البت التوم قالوا في المدرجات مقلق زي كنبة الاحتياطي بتاعة الجزائر شفتو الجزائر وروسيا وكنبة الاحتياطي لاعب من البدلاء شرد الكورة الكورة لما انتهت بفوز المريخ واحد صفر التوم عض جارو جارو قال ليه خلاص يا سواريز التوم قال ليه معليش انا مغيوظ بس جارو قال ليه يا خوي المغيوظ بعض اصبعو مش تبقى لي زي الهلال تبدل 2 ب 12 وتبدل اصبعك بكتفي التوم قال السنة حا يمشي يعرس في الكنغو مشى الكنغو فعلا لقى ليه بيت فيه بتين قالوا ليه اختار ليك واحدة يا شباب الظاهر الصيام اثر علينا التوم بقى لينا زي الهلال ونحن قلنا التوم ما زي الهلال بصراحة يا سعادة الفريق طارق بالغت اي نعم دفوعاتك منطقية ووطنية لكن ما كان تصرح بغير كده وان كان سعادة الفريق قد شكى لي مرة من انه يسمع حديثا منسوبا اليه ولا يصححه لانه ان صحح كل ما ينسب اليه فلن يلاحق وكل عام وانتم بخير
