الناس الأيام دي تتكلم عن ذكرى المازيمبية كانت زمن القذافي حي فسميناها المازمبية الموبوتية الكنغولية العظمى كانت خماسية لا تنسى والناس بتتذكر فيها الناس لقت الهلال متمر مط في م غ برته مغبر غبار شديد سيد طاحونة بس الناس عاوزة تشاغلهم مشوا عطبرة ادقوا هناك دق عيش وبدون معليش اتذكرت حكاية المداح كانوا في ميدان الأممالمتحدة بمدحوا هناك ميدان الأممالمتحدة كان زنك الخضار بعد كدة بقى القبة الخضراء بعد داك صار مول الواحة طبعًا كل الزمن ده والهلال يلعب ويوووزع ولا كاس لا بطولة محلي داخل عطبرة أها نجي لعطبرة دي أنا لقوا الهلال فيه المعتصم جو بالقطر جابوا قون وصبوها اسمنت جد ياخ قربنا ننسى موضوع مداح ميدان الأممالمتحدة مداح الهلال دروشوا بينا المداح بحسب الرواية كانوا قاجين الطار يئن والوصل موفور طار ووصل دي جات عفوًا قالوا الحجيج قطع طالب نور البقع وتنق تنق تنق جاء واحد أنصار سنة حجمو صلاح نمر كده أكان ما أخاف الكضب أقول عم نمر وقف المديح وقال ليهم يلا واحد من المداح اعترض بشدة الزول أداه أم كف حليل زمن أم كف توفت هسي بقى كف بس القاعد أم كف وأم رقيقة وأم فتفت بحسب كتاب (مركب نوح والصفر الأزرق) كان أخوات المهم مادح تاني قال للضارب لو راجل اضربو تاني وطاااخ نزل كف تاني المادح التاني قعد يكورك يا جماعة عاينوا كفتو تاني الكفتة التانية أمانة ما حقارة ياخ الهلال ده متواضع بأكتر من المعلق عثمان بتاع الملاعب الزول ده منو القال ليه علق ده كاريكاتير بدون تعليق راجعين ليه أها المجموعات كيف ده زي جمع كراس الرياضيات الكنبة الأخيرة تلقاها منفسنة اليوم الوحيد الما يعملوا فيه فتة عندنا واحد حافظ جدول واحد لحد واحد في 12 تقول ليه واحد في 13 بكم يقول ليك ما ادونا ليها ناس الهلال ديل في البطولة الإفريقية زي ناس حلة اكس في الجزيرة عمر الحاج موسى قال مشيت وكالة ناسا للفضاء وشهد إطلاق سفينة للقمر اتذكر عرب اتنين اشتروا مراكيب مبطنة من سوق الأحد بتاع حلة اكس واحد قال للتاني والله ناس حلة اكس ديل ما باقي ليهم إلا الروح.