الراية اسرع من الداية بتنجد الملهوف والمتضايق مرفوعة زي راية استقلالنا قون اهلي شندي المنقوض امس ده ممكن يكون بروف لكن جزم ما اوف لاعب اهلي شندي ده ممكن يكون كاتل لكن سارق ده مستحيل مساعد الهلال الاول ده بالغ ماعنده حتى شفقة رفع الراية لما الكورة دخلت الشبكة الحالة طلعت شيوعية جورباتش (اوف) بالطريقة دي ممكن السنة دي ما ينسحبوا علي كل حال التحكيم ده بقى في خطر عنده عمة الوان وحساسية من الاقوان...الفي الهلال امال لو ما الكورة كانت عصر نجم المباراة امس كان شان اتير توماس ومساعده الاول على كل حال ننتظر سيحة اليوم.. لو رضا لقى طريقة يعرض الحالة ...... اعاد الفيفا الوك الى مريخه بعد ان حرمه الاتحاد من اللعب الاتحاد الذي اعاد الرابطة...وكاد يرجع الموردة في موضوع الوك ومافي اي مشكلة.. شيبوب ما شفقانين عليه ما دام الامر قانوني نحن مطمئنين... علي ان الوك مع النعسان حا يشبعونا قينان اي كورة للمريخ تاني اقل من تلاتة تتحسب تعادل ........ التهديفات والتصليحات التي يفعلها بكري المدينة تحتم علي وزارة الصحة تطعيم كافة الفرق بمصل ضد سم العقرب ...... محمد المصطفى اراد ان ينال تصفيق الجماهير بلعبة اكروباتية.. الكرة كانت سهلة...عليه ان يلعب بجدية اكبر ....... علاء وعمر بخيت كانا اولاد 18 اول امس...المريخ يرتفع في ادائه.....الحلاق حلق فليبل الاخرون رؤوسهم ....... الاعتداء الذي تعرض له تراوري كاد ان يجعل الاممالمتحدة تجري تحقيقا....ولا فاول ولا يحزنون... .......... النصر المريخي فيفاوي والنصر الهلالي مع الحكام ففتي ففتي ....... دويتو ريا وسكينة يتواصل...واتحاد عبد العال وحسب الله يشارك كبدي عليها كبدي عليها