اليوم إفريقيا تصحو من ثبات وصيام وتحيها الكرامة رسايل فى عز ورايا تام تختار البشير رمز النضال والتحدى قيام وتكتب بالدماء سند المعزة وتزيحو لجام @@@ بشير الكرامة السودان وراك ينادي ياك فخر الرئاسة لكم هزمت اعادي إفريقيا المروءة لى بشيرنا الحادي ما قعدت خيولنا وفى عزة عابر الوادي @@@ يا ريس البلاد اصمد وعلي الهامة وارفع ديمة رأسك انت راية وشامة بشر يا المشير بفرحة نصر وكرامة واسقيهم اعاديك من قيمنا علامة @@@ يا فارس الأفارقة الما بتخيبو رجانا وياك عز السودان فيك قلوب عشمانا تنظر ليك حاكم فى المحاصة عشانا للسودان معزة ولي النزال جبخانا @@@ ياك فخر القيادة والمواقف الحرة وإنت السيرة عاطرة والجباه الغرة ياك صقر الأفارقة بجناحو كافت الفرة مغبورين عداك وشعبك فريد الكرة @@@ عزوك الأفارقة وبت شرف الأمة وكسوك بالمفاخر بردة خاصة وعمة أوفوك يا زعيمنا حلل الرياد والقمة وشرفوا شعبك إنت يا بشير الهمة @@@ من إثيوبيا ربحك للأفارقة تفوح وجحافل النصر ليك يا بشيرنا صروح دوم سند العشيرة رمز الجنان والدوح وياك صنو الزبير وحاشاك حب الروح